'khrul zhig rin po che

'khrul zhig rin po che

bar bde gshegs chen po shes rab 'od dang/yum mkhar chu'i rnal 'byor ma byang chub sgron ma gnyis kyi sras su rab byung bzhi pa'i chu lug (1223)lor sku bltams/mtshan d+harma seng ge zhes btags/dgung lo bdun pa la bya ba'i rim pa'i tshogs mang du mkhyen/snye mdor bde gshegs chen po'i drung du klog dang kha 'don la sbyangs/de nas yum yar gyis slob gnyer byed du ma ster bar rta phyugs 'tshor bcug /rje 'di nyid byis pa'i dus nas chos thams cad rmi lam sgyu ma lta bur go/gang la yang zhen chags med pas rang gi zas gos su dga' ba la ster bas 'khrul zhig tu mtshan thogs/dgung lo bcu gnyis pa la yab kyis phur bu'i stod las kyi dbang bskur/sgrub pa la bcug ste bsnyen pa la 'bad pas rtags khyad par can byung/dug phur nag po'i lag len sogs dang phur bu'i lugs rgyas par gsan/dgung lo bco lnga pa la dge bshes kun dga' dang grub thob spyi bde ba las mngon rtogs rgyan dang dam rma lugs sogs gsan/nye shu rtsa dgu pa la rtse ba nga du bzhugs nas thang dbus pa sogs bu slob mang du bskyangs/snye mdo thams cad mkhyen pas gdan sa skyong dgos pa'i zhu nan mdzad pas/sum cu pa la ri khrod du bzhugs nas gdan sa bskyangs/so gnyis pa la 'bri gung du byon nas rje spyan snga nas dang lha dkon mchog 'phel bas rab tu byung/zhes gcig pa la stong lung dang mkha' chur byon nas gzhan don mdzad/zhe gsum pa la grub thob me long rdo rje la sogs pa yang gdams pas tshim par mdzad/de bzhi pa la rang gi sras sgrub pa po phag mo gru nas bos te ri khrod du gdan sar bskos/zhe dgu pa la spyan snga 'tshal ba ri khrod du bskos/dgung lo lnga bcu nga gcig nas lo sum cu so gcig ring bar zur stod du thags dam 'ba' zhig mdzad/mthar dgung grangs brgyad cu rgya gcig la phebs pa rab byung lnga pa'i chu yos (1303)lor dgongs pa chos dbyings su thim/'di la sras p+lang byung ba ste/che ba sgrub pa po sangs rgyas rin chen/gnyis pa spyan snga dpal chen/gsum pa dus gsum mkhyen pa/bzhi pa spyan lnga 'tshal bar shAkya rgyal mtshan/lnga pa mkhan chen tshul khrims rgyal mtshan bcas so/_

{{#arraymap:'khrul zhig rin po che

|; |@@@ | | }}