'khrungs rabs

'khrungs rabs

nang pa sangs rgyas chos lugs thog mar gsar gtod mdzad pa po ston pa sangs rgyas kyi 'khrungs rabs ni/sku tshe sngon mar slob pa lam gyi gnas skabs su rgyal sras byang chub sems dpa'i spyod pa phar phyin drug la slob pa dang yang sku tshe sngon mar gzhan la gnod pa byas pa'i gnas tshul bcas skyes rabs kyi rnam thar bka' 'gyur nang kha thor nas yod pa rnams slob dpon dpa' bos phyogs gcig tu bsdus par mdzad pa (skyes rabs so bzhi pa )dang/der ma 'dus pa'i (skyes rabs sum cu rtsa lnga pa )slob dpon seng ge zhabs 'bring bas mdzad pa/(skyes rabs dpag bsam 'khri shing )chos rgyal dge ba'i dbang pos mdzad pa sogs bstan 'gyur de dge dpar ma'i pod (hu)(u)(ka)(kha)(ga)bcas pod lnga yod pa dang/jo bo rje a ti sha dang/'brom ston pa gnyis kyi 'khrungs rabs (bka' gdams bu chos )kyi nang rgyal po gsal ba nas rgyal po skyabs sbyin par le'u nyi shu rtsa gsum gyi sgo nas jo bo rje dang 'brom ston pa gnyis 'khrungs rabs mang po'i ring yab dang/yum/sras/dge ba'i bshes gnyen sogs kyi rnam par bstan nas 'bral med du 'khrungs pa'i lo rgyus gsungs yod pa gzhir bzung nas tA la'i bla ma rin po che dang/paN chen rin po che'i 'khrungs rabs rim byon gyi lo rgyus bsgrigs yod pa dang/bod du bla ma'i yang srid ngos 'dzin zhu ba'i lam lugs ma byung gong du yang 'khrungs rabs ngos 'dzin gyi srol yod mus yin/de nas karma zhwa nag pa'i sku phreng gnyis pa karma pak+shi rab byung lnga pa chu lug (1283)lor sku gshegs nas de'i phyi lor karma pa rang byung rdo rje sku 'khrungs shing/de nas lo ngo lang song ba rab byung lnga pa'i sa byi (1288)lor grub chen o rgyan pa sogs slob ma 'ga' zhig la nga rang skye ba sngon ma de dang de yin/nga rang ni karma pa yin zhes sogs sngon gnas rjes dran mang po gsungs par ba rten nas karma pa'i 'khrungs rabs ngos 'dzin zhu srol byung zhing/sku phreng da po mgon po klu sgrub kyi slob ma pradz+nya a lang+ka/gnyis pa slob dpon mtsho skyes kyi slob ma kA ma d+he nu/gsum pa grub chen d+harma b+ho d+hi/bzhi pa rgyal po kha srong lde btsan gyi blon po 'khon rgyal ba mchog dpyangs/lnga pa bka' gdams kyi dge bshes po to ba/drug pa karma pa sku phreng dang po yongs grags dus gsum mkhyen pa nas/de lta'i karma pa sku phreng rim byon ni klong rdol bla ma ngag dbang blo bzang gi gsung 'bum lcags dpar ma deb gnyis pa'i shog grangs 390nas 393bar gsal ba 'phags pa spyan ras gzigs nas tA la'i bla ma sku rang bag+r+yad pa 'jam dpal rgya mtsho'i bar sku phreng lnga bcu nga brgyad bgrangs par mdzad 'dug /paN chen rin po che'i sku phreng ni/yongs grags su 'phags pa'i gnas brtan rab 'byor nas g.yung ston rdo rje dpal bar bcu dang/de thog slob dpon chen po pad+ma 'byung gnas/jo bo rje a ti sha/mnyam med dwags po lha rje bsnan pas bcu gsum/mkhas grub rin po che dge legs dpal bzang nas da lta'i paN chen rin po che p+saku phreng bcu bcas bsdoms pa'i 'khrungs rabs nyi shu rtsa gsum yod pa dang/gzhan yang 'bum lcags dpar ma deb gnyis pa'i shog grangs 393nas 403bar 'on rgyal sras rin po dang/nag shod stag phu rin po che/kong po de mo ho thog thu/gung ru rta drung rin po che/khal kha rje btsun dam pa/kun mkhyen 'jam dbyangs bzhad pa/lcang skya rol pa'i rdo rje/zi ling stong 'khor rin po che/brag g.yag skyabs mgon ho thog thu/brag g.yab chung tshang ho thog thu/chab mdo 'phags pa lha ho thog thu/chab mdo zhi ba lha ho thog thu/lcags ra ho thog thu/chab mdo rgya ra rin po che bcas kyi sku phreng so so'i mtshan tho tsam gsal ba der gzigs

{{#arraymap:'khrungs rabs

|; |@@@ | | }}