bde khang ba blo bzang rab brtan

bde khang ba blo bzang rab brtan

mdo smad bya khyung dgon gyi mkhan rabs so lnga pa 'di nyin yab gnam lha 'bum dang yum pad+ma mtsho gnyis kyi sras su rab byung bcu gcig pa'i chu phag (1683)lor tsong kha skyes ri'i g.yas 'dabs tsher phug yul du 'khrungs/a gro chos rjes shes rab rgyal mtshan gyi sku skyer grags/dgung lo bcu pa la rab tu byung/mtshan blo bzang rab brtan du gsol/grong dge zhig las klog dang 'don cha bslabs/dgung lo bcu gsum par bya khyung du phebs/de'i phyi rol chos grwar zhugs/mkhyen brtson che bas 'phrul du skyor dpon khur/dgung lo bco brgyad thog sku 'bum gyi smon lam thog dam bca' bzhag /dgung lo nyer gcig thog dbus gtsang du phebs/bsam blo'i dkar chen sna rgya gang dbang brtson 'grus dge rgan du bsten nas bka' pod tshang mar sha chod rus chod dup+sabayangs pas mkhas par grags/dgung lo nyer dgu'i thog sgrub khang ring po che la bsnyen rdzogs zhus shing 'jam dbyangs zhal lung gi khrid rdzogs par gsan/so gnyis thog rgyud smad grwa tshang 'grims/sngar phyir chub zang bla ma/'jam dpal grags pa/bzod pa bzang po/mnga' ris zhabs drung/bla ma byams pa/paN chen blo bzang ye shes sogs las chos rgyun mang tsam gsan/dgung lo so lnga'i thog slar mdop+sadam rang dgon du phebs/de'i phyi rol lung g.yon dga' ldan chos 'phel gling gi ri khrod du phebs nas so gsum gyi rim shin tu dben par bzhugs/der dad 'dus kyi slob ma 'ga' byung bas sgrub sde btsugs nas lam rim blo sbyong dang sdom gsum bslab bya sogs khrid cing gzhi gsum gyi phyag len 'jigs byed kyi sgrub mchog btsugs/dgung lo lnga bcu pa rab byung bcu gnyis pa'i chu byi (1732)lor bya khyung gi chos khrir phebs nas lo bcu bzhugs ring lam rim chen mo'i gzab bshad kyis gtsos chos bka' rgya cher gnang/slob gter 'phel ba'i thabs su smon lam rab 'byams pa'i ming btags gsar du btsugs/lha khang rten gsum rnying pa yod tshad zhig gsos mdzad/dgung lo don gcig pa nas bzung lo gsum gyi ring gang ci'i 'gan bsnams nas rgyud pa'i 'du khang gsar bzhengs dang/mchod rten che ba bcu gnyis sogs rten bzhengs rgya cher mdzad pas mtshon lha khang phyi nang dang/dgon pa'i nye 'khor rnams su mchod rten che chung drug cu rtsa bdun bzhengs/dgung lo don bzhi pa la gdan zhus ltar dan tig dgon par phebs/der rten gsum rnams la mchod 'bul/dge da'un la sku 'gyed/phyogs 'dun mi ming la chos sbyin rgya cher bstsal/bka' rtsom pod gcig lhag mdzad/chos 'brel gsan pa'i slob ma che gras mkhan chen ngag dbang don grub/mkhan po ngag dbang mkhas grub rgya mtsho/rwa lo sprul sku/dan tig zhabs drung 'jam dbyangs grags pa sogs 'dra 'dren dam pa mang du byung/mthar dgung grangs gya bzhi la thebs pa rab byung bcu gsum pa'i me khyi (1766)lor zhi bar gshegs

{{#arraymap:bde khang ba blo bzang rab brtan

|; |@@@ | | }}