bden gnyis ngo bo tha dad du 'dzin pa

bden gnyis ngo bo tha dad du 'dzin pa

bden gnyis ngo bo tha dad du 'dzin 'i cha ni mtha' 'gyur ba'i lugs la/bden gnyis bden stong du ngo bo dbyer med pa'i ngo bo gcig la/rang rang gi ltos gzhi'i ldog cha nas tha dad pa yin pa byas pa dang mi rtag pa lta bu yin te/de gnyis ngo bo tsam yang mi gcig pa'i tha dad yin na gzigs bden med gzungs kyi gnas lugs mthar thug pa ma yin par thal ba dang/gzugs bden stong 'jal ba'i tshad mas bden 'dzin gyi sgo 'dogs mi chod par thal ba dang/gzugs la bden pa bkag tsam gzugs kyis chos nyid ma yin par thal ba dang/sangs rgyas 'phags pa'i rgyud la'ang bden 'dzin dang bden med rtogs pa'i shes rab gnyis cig car du 'jug par thal ba'i skyon bzhir 'gyur ba dgongs 'grel las gsungs so/_/bden gnyis ldog pa tsam yang tha dad du dbye rgyu med par gcig yin na/so so skye bos kyang don dam bden pa mngon sum du rtogs par thal ba dang/gzigs bden stong der dmigs nas chags sogs skye bar thal ba dang/rnal 'byor pas lam gong ma sgom pa don med par thal ba dang kun rdzob spong ba bzhin du don dam par yang spong bar thal ba'i skyon bzhir 'gyur bar gsungs so/_/des na kun rdzob bden pa dang don dam bden pa gnyis ngo bo gcig la ldog pa tha dad cing med na mi 'byung ba'i bdag gcig 'brel grub pa byas pa dang mi rtag pa lta bu yin zhes bzhed

{{#arraymap:bden gnyis ngo bo tha dad du 'dzin pa

|; |@@@ | | }}