bden grub kyi chos rdul tsam yang med pa

bden grub kyi chos rdul tsam yang med pa

dbu ma pa rnams kyis phyi nang gi chos thams cad tha snyad du snang tsam ma gtogs rang gi ngo bos bden par grub pa rdul tsam yang med par bzhed de/rang re'i blo la gang snang thams cad bden grub tu snang ba'i snang ba kun rdzob 'di dag don dam dpyod pa'i rigs shes sa brtsal ba'i tshe rnyed dam mi brnyed/rnyed na de dag bden grub tu gyur pa la/blo'i dbang gis bzhag pa tsam las btags don btsal na gang yang mi rnyed pa de chos thams cad bden par ma grub pa'i don yin te/dper na/rang re'i lus po la cha mtshon na/mi gtsang ba'i rdzas sum cu rtsa gnyis tshogs pa'i sha rus rdos bcas gyi phung po 'di la dmigs nas nga'i lus su snyam du blos phar btags pa yin par 'dod kyis de ltar snang ba'i lus de blos btags tsam min par rang ngos nas bden par grub pa zhig yod na/de 'dra'i lus de mgo dang rkang pa dang lag pa sogs lus kyi cha shas rnams las logs su yod dam cha shas de rnams dang gcig tu yod/logs su yod na ni mgo dang rkang lag sogs re re nas bsal ba'i rjes su lus de 'di'o zhes bstan rgyu dgos pa la/de ltar bstan rgyu med pas logs su med pa thag bcad/lus kyi cha shas rnams dang gcig tu ma grub ste/mgo bo yang lus min/rkang pa'ang lus min/lag pa'ang lus min/de ltar cha shas re re nas rigs pas btsal na lus de bstan rgyu med pas lus zhes brjod dang blo la snang ba 'di ni rtogs pas btags patsam du zad pas lus rang ngos nas bden par grub pa med pa go sla zhing lus la dpyad pa byas pa ltar du yang lag rnams la'ang de bzhin dpyad na de dag kyang rang ngos nas bden par grub pa med de/lag pa zhes pa ni mthe bong dang/mdzub mo dang/mthe'u chung sogs tshogs pa lab rten nas los phar btags pa tsam yin gyi lag pa rang ngos nas bden par grub pa rdul tsam med pas/lus la sogs pa'i phyi nang gi chos thams cad rang rang gi gdags gzhi la btags pa tsam ma gtogs bden par grub pa rdul tsam yang med pa ni dper na/sgyu ma mkhan gyis rde'u shing bu sogs rta glang du sprul pa'i tshe/sngags rdzas kyis mig bslad pa'i ltad mo ba ni sprul gzhi de ltag lang du snang ba tsam du ma zad snang ba ltar du gzhi der dang po nas rta glang mtshan nyid pa gcig yul rang ngos nas yod par 'dzin cing/sgyu ma mkhan rang nyid la rde'u shing bu sogs rta glang du snang ba de blo'i dbang gis bzhag pa tsam las/blo la ma ltos pa'i don rang ngos nas bden par grub pa'i rta glang zhig yod par mi zha zhen pa lta bu'o/_/dpe de bzhin du dbu ma pa rnams kyis bden dngos 'gog pa'i rigs pa gcig tu bral sogs mang du gsungs pa rnams gzhung gzhan las shes par bya'o/_

{{#arraymap:bden grub kyi chos rdul tsam yang med pa

|; |@@@ | | }}