bden pa bzhi'i chos kyi 'khor lo

bden pa bzhi'i chos kyi 'khor lo

(bden bzhi'i chos 'khor )ston pa shAkya thub pas 'jig rten 'dir dang por gsungs pa'i chos shig ste/ston pa dgung lo so lnga las phebs pa'i hor zla bzhi pa'i tshes bco lnga'i tho rengs mngon par rdzogs par sangs rgyas pa'i tshul bstan nas zhag zhe dgu'am bdun phrag bdun ring chos nyan pa'i snod brtags pa'i ched dang/rang la thob pa'i chos zab mo de dag gzhan gyis rtogs dka' bar dgongs te chos mi gsung (66) bar bzhugs te zab zhi spros bral 'od gsal 'dus ma byas/_/bdud rtsi lta bu'i chos shig bdag gis rnyed/_/sul bstan kyang go bar mi nus pas/_/mi smra nags kyi dbus su gnas par bya/_/zhes gsungs te thugs lam chung ngur bzhugs pa na phyogs bcu'i zhing nas lhags pa'i byang chub sems pa dang dkar phyogs kyi lha grangs las 'das pa dag gis chos ston par gsol ba btab cing khyad par du lha tshangs pa dang brgya byin gnyis kyis gser gyi 'khor lo dang dung dkar po g.yas su 'khyil ba phul te chos gsung bar gsol ba btab pa ltar zhal gyis bzhes nas wA ra NA si nas le dbar bcu tsam chod pa'i drang srong lhung ba ri dwags kyi nags su seng ge'i khri chen po'i steng glo bur du byung ba'i khri dang po gsum la bskor ba mdzad cing khri bzhi pa la skyil mo krung gis bzhugs nas thog mar gdul sla ba dang dug gsum gyi shas chung ba rnam par shes pa lkog tu ma gyur pa'i 'khor lnga sde bzang po dang lha'i 'khor dpag tu med pa la hor drug pa'i tshes bzhir bka' dang po bden pa bzhi'i chos kyi 'khor lo bskor bas lnga sde bzang po rim par dgra bcom pa'i go 'phang thob ste 'jig rten nas dkon mchog gsum gyi thog ma byung ngo/_/de la yang bzlas pa gsum dang rnam grangs bcu gnyis yod de sdug bsngal bden pa kun 'byung bden pa 'gog pa'i bden pa lam gyi bden pa bcas bden pa bzhi po der ngo bo la bzlas pa bi bya ba la bzlas pa bzhi bya ba'i 'bras bu la bzlas pa bzhi ste rnam grangs bcu gnyis yod 'di rnams (phar phyin )gyi gzhung dang (bu ston chos 'byung )las gsal la ('dul ba lung sde bzhi )yang bden bzhi'i chos 'khor gyi khongs su gtogs pa yin

{{#arraymap:bden pa bzhi'i chos kyi 'khor lo

|; |@@@ | | }}