bka' 'gyur

bka' 'gyur

nang sangs rgyas kyi chos lugs thog mar gsar gtod mdzad pa po bcom ldan 'das shAkya mu nes gsungs pa'i bka' mdo sngags gnyis kyi chos dpe rnams rgya gar gyi skad nas bod skad du bsgyur ba la bka' 'gyur zer/sangs rgyas chos lugs kyi lo rgyus bshad srol la /sngar rgya gar du sangs rgyas dngos su bzhugs skabs sangs rgyas kyi gsung rab 'ga' zhig yi ger bris te/yul gyi rgyal po dang/btsun mo/blon po/khyim bdag sogs dad pa can mang pos mtshan mo sgron me'i 'od la lta klog byed kyi yod kyang/gsung rab rnams phyogs gcig tu bsdus pa'i glegs bam med/sangs rgyas mya ngan las 'das nas phyi lo der bka' bsdu mang po mdzad cing mya ngan las 'das nas lo brgya dang bcu song ba na bka' bsdu gnyis pa mdzad kyang/de gnyis kyi skabs glegs bum du bkod yod med lo rgyus thog mi gsal/mya ngan las 'das nas lo bzhi brgya song rjes bka' bsdu gsum pa dang bzhi pa mdzad de/phyogs bsdus mdzad pa'i gsung rab rnams gzhi nas glegs bam du bkod pa ltar bur gsal ba ltar na/bka' bsdu dang po dang gnyis pa'i skabs glegs bam thog bkod med na bka' bsdu byas pa la dgos pa med pas nges par du skabs der bka' bsdus mdzad pa rnams glegs bum thog bkod yod nges snyam/de dag gi nang nas mang po zhig sangs rgyas chos lugs kyi dbang 'dzin pa rnams kyis rtsa med rang bzhin ldan pa'i gtor bshig thegs gsum byung skabs mer bsregs te med par gyur pa'i dbang gis/btsan po khri srong lde btsan gyis srid dbang bzung skabs lo tsA ba rnams kyis skabs der rgya gar nang bzhugs pa'i gsung rab phal che ba spyan drangs nas bod skad du bsgyur/btsan po ri lde srong btsan gyi skabs nas rim bzhin (dkar chag 'phang thang ma )dang/(ldan dkar ma/) (mchims phu ma )bcas bkod par mdzad pa bcas dkar chag khag gsum gyi lo rgyus logs su gsal ba ltar yin cing/de rjes rab byung lnga pa'i chu byi (1312)lo nas yod rgyal rabs kyi go nga a yur par pa tA bu yan thus lo dgu bar p+sarid dbang bzung ba'i ring snar thang gi dbe shes mkhas pa chen po 'jam dgag pak+shi bla mar gdan drangs nas sog yul du rgyun ring bzhugs skabs/khong gnyid kyi bla ma bcom ldan 'das rig pa'i ral gri la gser dngul sogs dngos po phon chen po dang/rgya nag gi snag tsa sgam gang/shog bu/smyu gu bcas mang du phul nas bod sa gnas bzhugs pa'i bka' bstan 'gyur ma dpe gang rtsed btsal nas cha tshang zhig bzhengs te snar thang dgos par bzhugs so gsol dgos pa'i bskul ma zhus pa ltar/bcom ldan ral gri dang/dbus pa blo gsal byang chub ye shes/lo tsA ba bsod nams 'od zer/rgyang ro byang chub 'bum bcas kyis dbus gtsang mnga' ris sogs su bka' 'gyur dang bstan 'gyur gyi ma dpe 'tshol bsdu gnang thog /zhus dag dang/sde tshan dbye ba/go rim sgrig pa bcas lo mang po'i bar sku ngal 'dzems med kyis bka' bstan 'gyur cha tshang zhig bzhengs gnang ba dang chabs cig /bcom ldan ral gri dang/dbu pa blo gsal gnyis kas dgar chag rgyas bsdus khag gsum mdzad de snar thang dgos par 'jog gnang mdzad pa ni bod sa gnas su bka' bstan 'gyur bris ma cha tshang bzhengs pa'i thog ma de yin pa dang/de nas rim bzhin tshal pa bka' 'gyur dang/zha lu bka' 'gyur/'phyongs rgyas phying dbar stag rtse'i bka' 'gyur ljags zhu ma/yung lo'i bka' 'gyur/bka' 'gyur rgyal rtse them spang ma/tA ming dban le'i bka' 'gyur/li thang bka' 'gyur mtshal dpar ma/snar thang dmar pa'i bka' 'gyur/de dge dpar ma'i bka' 'gyur/pe cin dpar ma'i bka' 'gyur/co ne dpar ma'i bka' 'gyur/sog yul khu re chen mo'i bka' 'gyur/ra rgya dpar ma'i bka' 'gyur/lha sa zhol dmar ma'i bka' 'gyur/chab mdo dpar ma'i bka' 'gyur bcas shing dpar gyi bka' 'gyur ni mang shos gras yin/de min ri pin sogs kyi phyi rgyal du dpar srog byas pa'i bka' 'gyur dpar ma 'ga' zhig bcas yod pa/bsham gsal ming tshig rang rang gi thad du 'grel bshad bkod yod pas der gzigs

{{#arraymap:bka' 'gyur

|; |@@@ | | }}