bka' 'gyur gyi lung

bka' 'gyur gyi lung

chos gsung ba po sangs rgyas bcom ldan 'das nang rang gi rtsa ba'i bla ma'i bar gcig nas gcig tu brgyud pa'i bka' 'gyur gyi lung rgyun yod pa'i rigs bla mas sgra dag gsal gsum gyi sgo nas klog pa dang/slob mas gnyid dang/gtam gleng gis bar mtshams chad ma bcas med pa'i sgo nas nyan pa la zer/de yang bod du bka' 'gyur gyi lung rgyun khyab spel mdzad mkhan ni/steng po lo tsA ba tshul khrims 'byung gnas (rab byung gnyis pa'i me phag 1107lo' nas rab byung gsum pa'i lcags khyi 1190lo bar )yin cing/bka' 'gyur nang gi mdo mang gi lung rgyun ni/bla ma rdo rje gdan pa che ba mya ngan med pa'i dpal la mdo sna nyis brgya lhag tsam gyi lung rgyun bzhugs pa kha che paN+Di ta shAkya shris gsan/khong bod du phebs skabs dpyal po tsA ba chos kyi bzang po dang/khro bo lo tsA ba byams pa'i dpal/lho pa thams cad mkhyen pa gsum la gnang/bla ma rdo rje gdan pa chung ba rol pa'i rdo rje'am mngon shes can du grags pa'i slob ma paN chen pu n+ye shri la mdo mang sum brgya nyer gsum gsan nas bod du so thams cad mkhyen pa la gnang/yang paN chen dz+nya na shri/paN chen pun+ye shri/paN che na rat+na ka ra shan+ti pa gsum las paN chen su ma ti kirti zhes bya bas gsan nas des paN chen smri ti dz+nya na kirti la gnang/deng rol zos chos kyi bzang po la gnang/de nas yung ring tsam song ba na lung rgyun ha cang nyag phrag bar gyur pa na/bag ston gzhon du tshul khrims zhes shab stod g.yu yul dga' ldan du bzhugs pa des song pa shes rab seng ge las dpyal lo tsA ba nas brgyud pa'i lung rgyun tshar gcig gsan rjes brgyud yig la brtan dpyad mdzad skabs/dpyad pad+ma can dang mkhan po gzhon nu ye shes 'bar dang/de nas rong sher seng bar du bla brgyud 'ga' zhig bar stongs lus pa yod 'dra zer bar brten/kha che paN chen nas brgyud pa'i lung rgyun bla ma kun dga' 'od zer la zhugs pa de yang tshar gcig gsan/bla ma kun dga' 'od zer gyi gsan yig las kha che paN chen yan chad kyi brgyud rim nges gsal mi 'dug cing/dpyal chos bzang gis kha che paN chen khro phul phebs dus lung gsan skabs/lho pa thams cad mkhyen pas kyang gsan pa yin nam zhes dpyad gzhir gsungs pa la brten nas slar yang mdo mang gi lung rgyun spyi dang bye brag gi brgyud pa khungs dag su la bzhugs yod med rtsad gcod skabs shangs pa mkhan chen grags pa seng ge la mnga' bdag nyar rang pa can nas brgyud pa'i lung rgyun khungs mtshan zhig glo chen sangs rgyas sras la yod pa mkhyen nas lung tshar gcig gsan/yang steng pa lo tsA ba'i drung nas lho pa thams cad mkhyen pas gsan pa'i brgyud pa khungs dag cing srad phag phur mkhan chen dkon mchog ye shes la bzhugs kar gleng ba bzhin/khong gi drung nas tshar gcig bcas khyon mdo mang gi lung tshar bzhi gnas nas gzhan la spel bar mdzad/de nas gong dkar rdo rje gdan pa kun dga' rnam rgyal/bka' 'gyur ba mgon po bsod nams mchog ldan/dzA ya paN+Di ta blo bzang 'phrin las/bka' 'gyur ba dkon ma chog dpal 'dzin ('dis sku tshe gcig la bka' 'gyur gyi lung tshar bco lnga gnang/) klong rdol bla ma rin po che/chu bzang yongs 'dzin ye shes rgya mtsho/khri chen ngag dbang chos 'phel/shag skor mkhan zur blo bzang smon lam/bka' 'gyur bla ma rin po che blo bzang don ldan/rje pha bong kha pa/khang gas bla ma rin po che/brag ri rin po che sogs dbus gtsang khams sog yul bcas su bka' 'gyur gyi lung rgyun spel bar mdzad mkhas mang du byung ba las da lta'i bar du yang lung rgyun ma nyams par bzhugs yod/bka' 'gyur gyi lung rgyun snar thang dpar ma'i thog nas gnang skabs sde dge dpar ma dang li thang dpar ma'i thog nas kha skong gnang dgos gras kyi tho ni/bka' 'gyur ba lho sprul rin po che ngag dbang mkhyen rab bstan pa'i dbang phyug gis mdzad pa zhig gsung 'bul pod gcig gi mjug tu bzhugs shing/bka' 'gyur gyi dpar mi 'dra ba chad lhag byung skor gyi tho na khal kha dpal ldan chos rje'i slob ma sngags rams pa bstan dar gyis mdzad pa las mdo mang gi skor la shog grangs 52dang/dkon brtsegs kyi skor la grongs 14 sher phyin gyi skor la shog grangs 15 phal chen gyi skor la grangs 13 bcas yod pa/dam pa de'i gsung 'bum pod gcig po de'i nang du bzhugs pa la gzigs

{{#arraymap:bka' 'gyur gyi lung

|; |@@@ | | }}