bka' brgyad bde gshegs 'dus pa

bka' brgyad bde gshegs 'dus pa

gsang sngags snga 'gyur gyi chos 'byung las gsungs tshul la bcom ldan 'das kun tu bzang po he ru kas 'og min gyi gnas su 'dul bya zhi bas 'dul ba rnams kyi don du rdo rje dbyings kyi dkyil 'khor gyi gtso bo'i skur bzhengs te rgyud rnams gsungs shing/drag pos 'dul dgos pa rnams la he ru kaHkhro bo chen po'i skur bzhengs te khro bo sngon byung gi dkyil 'khor chen po rgyas 'bring bsdus gsum sogs gsungs pa de la zhi khro spyi'i rgyud dang bye brag gi rgyud gnyis/dang po/zhi khro spyi'i rgyud de la rgyud sde lnga yod pa ste/1 bde gshegs thams cad 'dus pa rtsa ba'i rgyud/2 phyi ma nges par 'byung ba'i rgyud/3 phyi ma'i phyi ma sngags kyi rgyud/4 ma tshang ba kha skong gi rgyud/5 'byed byed lde mig gi rgyud dang lnga yin/gnyis pa/bye brag gi rgyud la rtsa rgyud dang/yan lag gi rgyud gnyis yod pa'i dang po rtsa rgyud la/sgos rgyud bcu yod pa ste/1 zhi ba 'dus pa rtsa ba'i rgyud/2 che mchog 'dun pa rtsa ba'i rgyud/3 khrag 'thung 'dus pa rtsa ba'i rgyud/4 gshin rje 'dus pa rtsa ba'i rgyud/5 dbang chen 'dus pa rtsa ba'i rgyud/6 'phrin las 'dus pa rtsa ba'i rgyud/7 ma mo 'dus pa rtsa ba'i rgyud/8 dregs can 'dus pa rtsa ba'i rgyud/9 drag sngags 'dus pa rtsa ba'i rgyud/10 zhi khro gnyis ka 'dus pa rtsa ba'i rgyud bcas yin/gnyis pa yan lag gi rgyud la/'jam dpal gsang rgyud sogs 'jam dpal sku'i rgyud so bzhi/rta mchog rol pa sogs pad+ma gsung gi rgyud bcu gnyis/he ru kaHgal po dang kun 'dus rig pa sogs mang dag thugs kyi rgyud bco brgyad/bdud rtsi rol pa bam po brgyad pa sogs bdud rtsi yon tan gyi rgyud dgu byi to tA ba la 'bum sde sogs pha rgyud bcu gnyis/phur pa ma rgyud skor la bcu gnyis/phur pa pha rgyud la sku gsum thugs yon tan 'phrin las kyi rgyud lnga/lo ma'i rgyud bzhi/me tog gi rgyud bcu/'bras bu'i rgyud bzhi/ma tshang ba kha skong gi rgyud lnga sogs yan lag gi rgyud grangs la 'das/ma mo gsang ba gtan tshigs kyi rgyud la rtsa rgyud le'u brgya rtsa brgyad/rgyud phyi ma le'u gcig /sher mtsho dwangs pa sogs dkar mo sku'i rgyud dgu/tsit+ta gdong bzlog sogs smug mo gsung gi rgyud bzhi/smug nag 'khyil ba sogs nag mo thugs kyi rgyud bdun/ser mo yon tan gyi rgyud dang/ljang mo 'phrin las kyi rgyud re re sogs mkha' 'gro'i sgos rgyud shin tu mang ba 'jig rten mchod bstod kyi rgyud la dregs 'dus pa sogs sku gsung thugs yon tan 'phrin las kyi rgyud lnga dang yan lag gyi rgyud la sde dpon sum cu'i las kyi rgyud lnga dang yan lag gi rgyud la sde dpon sum cu'i sgos rgyud sogs yod/dmod pa drag sngags kyi rgyud la sku gsung thugs yon tan 'phrin las kyi rgyud lnga dang sde dpon btso brgyad so so'i sgos rgyud sogs mang po yod par gsungs/de rnams kyi lo rgyus dang bod du ji ltar byung tshul skor (deb ther sngon po )lcags dpar ma'i stod cha dum bu gsum pa gsang sngags snga 'gyur gyi skabs shog grangs 135nas 200bar dang/(mkhas pa'i dga' ston )lcags dpar ma'i stod cha/(gsang sngags rnying ma'i chos 'a byung )gi shog grangs 551nas 614bar gsungs pa rnams phun tshul bsdur nas gzigs na legs

{{#arraymap:bka' brgyad bde gshegs 'dus pa

|; |@@@ | | }}