bka' gdams bstan pa'i spyi babs

bka' gdams bstan pa'i spyi babs

bka' gdams pa'i bzhed srol gtso bo ni/bcom ldan 'das kyi bka' la bzang ngan dang 'dor len mi byed par thams cad gang zag gcig 'tshang rgya ba'i gdams ngag tu khyer ba yin/de la rgyab rten gyi gzhung dang/lag len gyi man ngag gnyis yod cing/gzhung de la nang gses kyis dbye na gsum yod pa ste/1 lta ba gtso bor ston pa dang/2 spyod pa gtso bor ston pa/3 lta spyod gtso bor ston pa'i gzhung ni/jo bo rje a ti shas mdzad pa'i (bden gnyis la 'jug pa )dang (dbu ma'i man ngag )sogs yod/spyod pa gtso bor ston pa ni/jo bo rjes mdzad pa'i (spyod bsdus sgron ma )yin/gzhan yang gsham nas gsal ba'i bka' gdams gzhung drug dang/jo bo rjes gsungs pa'i (chos chung brgya rtsa/) mgon po klu sgrub gyis mdzad pa'i )dbu ma rtsa ba shes rab )dang/(stong nyid bdun cu pa/) (dbu ma rin chen phreng ba )bcas kyang yin/man ngag la yang lta ba gtso bor ston pa dang/spyod pa gtso bor ston pa/lta spyod zung 'brel du ston pa bcas gsum yod/1 lta ba gtso bor ston pa ni/jo bo rje'i man ngag dge bshes spyan snga ba nas ba rgyud pa'i bden bzhi'i khrid dang/dge bshes phu chung ba nas brgyud pa'i rten 'brel gyi khrid/rnal 'byor pa chen po a mes byang chub rin chen nas brgyud pa'i bden gnyis kyi khrid rnams yin cing/bden bzhi dang rten 'brel gyi khrid kyis thig pa thun mong ba'i gang zag gi bdag med dang bden gnyis kyi khrid la brten nas shin tu phra ba'i chos kyi bdag med la 'khrid pa yin/spyod pa gtso bor ston pa'i gdams ngag ni/theg chen blo sbyong gi gdams pa rnams yin cing/de'i khungs ni theg chen gyi mdo sde spyi dang/lhag par du (mdo sde phal po che )dang/mgon po glu sgrub kyis mdzad pa'i )dbu ma rin chen phreng ba/) (rmi lam yid bzhin nor bu'i gtam/) (sems can mgu bar bya ba'i tshigs su bcad pa/) rgyal sras zhi ba lhas mdzad pa'i (bslab pa kun las btus pa )dang/(spyod 'jug )bcas yin cing mdo dang bstan bcos de dag lag len gyi man ngag snying por dril ba ni/jo bo rje'i bla ma d+harma rak+Shi tas mdzad pa'i (blo sbyong mtshon cha'i 'khor lo )dang/(blo sbyong rma bya dug 'joms/) jo bo rje'i bla ma byams pa'i rnal 'byor gyis mdzad pa'i (gyer sgom rdo rje'i glu/) bla ma gser gling pas mdzad pa'i (blo sbyong sems dpa' rim pa )dang/(blo sbyong rtog pa 'bur 'joms )la sogs pa yin/de rnams kyi don phyogs gcig tu dril nas dge bshes glang thang pas mdzad pa (blo sbyong tshigs brgyad ma )dang/dge bshes glang thang pa'i slob ma dge bshes zhang ka ma ba dang/gnyan sna mo ba/dge bshes sha bo sgang pa pad+ma byang chub gsum gyi man ngag 'dres mar bkod pa (be'u bum khra bo/) dge bshes sha rab ba'i slob ma dge bshes 'chad ka bas mdzad pa'i (blo sbyong don bdun ma/) dge bshes khams lung pas phyogs bsgrigs mdzad pa'i (blo sbyong thun brgyad ma/) dge bshes kha rag sgong chung pas mdzad pa (kha rag skor gsum )sogs yod/lta spyod zung 'brel du ston pa ni/jo bo rje a ti shas mdzad pa'i )byang chub lam sgron )dang bka' gdams dge bshes rnams kyis mdzad pa'i (lam rim )dang/(bstan rim )rgyas bsdus sna tshogs yod/bka' gdams kyi skyes bu dam pa rim byon rnams kyi mdzad spyod spyi'i sdom ni/las chen kun dga' rgyal mtshan gyis mdzad pa'i (bka' gdams chos 'byung gsal ba'i sgron me )grangs 14nas 26bar dang/de'i don bsdus nas gsungs pa (thu'u bkwan grub mtha' )lcags dmar ma'i shog grangs 105nas 106bar gsal

{{#arraymap:bka' gdams bstan pa'i spyi babs

|; |@@@ | | }}