bkra shis khyung rdzong dkar po

bkra shis khyung rdzong dkar po

yongs grags su mnga' ris khyung rdzong dkar por 'bod pa de yin/rdzong de ni bod sil bu'i skabs mnga' bdag 'od srung gi gdung rgyud smad kyi lde gsum gyi nang tshan dpal lde nas rgyal rabs kha shas song rjes rgyal po 'bum lde mgon gyis rab byung bzhi pa'i chu glang (1253)lo nas rab byung lnga pa'i lcags 'brug (1280)lo'i bar srid dbang bzung skabs rang khongs mnga' ris gung thang gi sa khung du mkhar rdzong bcu bzhi brtsigs pa'i gras shig yin la/mnga' ris khyung rdzong dkar po 'di ni/thog ma'i sa ming la me rdo thang zhes yul gyi bdag po yang thog pa'i 'dzin khongs sa cha yin pa dang yul spyi'i sa dbyibs dang ri dpyad/phyogs bzhi'i sa ba kra bcas phun sum tshogs pa'i gnas der pho brang 'debs dgos par gzigs te sa cha'i bdag po yang thog pa la rin po che'i phreng ba dang/dngul gyi ga Ta/rta rgod ma dkar po gcig /dar gos yug gcig bcas sa rin du gnang nas nyos te/rang nyid dgung lo bcu bdun pa'am bco brgyad pa rang byung lnga pa'i lcags rta (1270)lor pho brang lcog gsum yod pa dang/btsun mo'i sdod gnas/mnga' khongs ba rgya mtsho bcu gsum gyi las shag /phyi la lcags ri chen mo gcig gis bskor ba bcas ba rtsigs pa yin/sa gnas de la phyis su mnga' ris rdzong dkar rang mnga' ris rdzong dga' zhes 'bod pa de yin/rdzong 'di'i gnas tshul skor snga 'gyur bstan pa'i srog shing ka thog ring 'dzin chen po tshe dbang nor bus mdzad pa'i (bod rje lha btsan po'i gdung rab mnga' ris smad gung thang du ji ltar byung tshul )lcags dpar ma'i shog grangs 96nas 102bar du gsal ba der gzigs

{{#arraymap:bkra shis khyung rdzong dkar po

|; |@@@ | | }}