bkra shis rtags brgyad

bkra shis rtags brgyad

bkra shis rtags brgyad ni tshangs pa la sogs pas sangs rgyas la phul ba dang sangs rgyas rang gi sku la dbu gdugs ltar du yod pa sogs bsod nams dang ye shes kyi rang rtsal las so so'i mtshan ma yod pa de dang de la/rang gzhan gyi bsod nams bsag pa'i slad du lhag pa gzugs brnyan gyi dmigs rten tsam du byas su 'bul na/gdugs dkar po gser gyi phu ba can dar sna tshogs kyi 'phur lding g.yo ba rin po che'i tog gis mdzad pa dbu la phul bas rang gzhan sems can thams cad nyon mongs pa'i tsha gdung las skyob par shog cig /gser nya g.yu yi gshog pa can mnyen zhing lcug pa spyan la phul bas shes rab kyi mig thob pa dang/'dab stong rnam par bkra ba dri bzang dang ldan pa'i me tog pad+ma ljags la phul bas pa d+ma la chu mi chags pa ltar 'khor ba la gnas yang 'khor ba'i skyon gyis mi gos shing/tshe rabs kun tu rdzun spangs pa'i ljags pad+ma lta bu thob pa dang/byang chub sems dpa' gzhan don du skye ba bzung ba'i bkra shis pa'i chos dung g.yas su 'khyil ba tshems la phul bas tshems phreng bzhi bcu mngon zhing ro bro ba'i mchog thob cing dung gi tshems bar nas dam pa'i chos kyi sgra dbyangs sgrogs pa dang/bum pa 'chi med bdud rtsis gang ba dpag bsam shing gi kha rgyan can mgul la phul bas bum pa bcud kyis gang ba ltar rang rgyud chos kyis gang nas gdul bya'i rgyud tshims par dang/rin po che'i dpa' be'u 'ja' 'od kyi rang bzhin can thugs la phul bas sangs rgyas kyi mkhyen pa thog mtha' med pa gting dpag dka' ba'i stobs rang rgyud la thob pa dang/lha rdzas las grub pa'i dar lhab lhub kyis g.yo ba rin thang dang bral ba bstan pa mi nub pa'i rgyal mtshan sku la phul bas phas kyi grol ba dang mi mthun pa'i phyogs las rgyal zhing sangs rgyas kyi sku de mi phal pa las sum 'gyur gyis 'phags pa thob pa dang/srid pa'i dra ba nyon mongs pa'i rang bzhin rtsad nas gcod pa'i 'khor lo zhabs la phul bas pha rol gyi rgol ba thams cad zil gyis mnon te theg gsum dam pa'i chos kyi 'khor lo yongs su bskor bas gdul bya'i rgyud 'dul ba dang/de ltar rtags brgyad phul bas rang gzhan thams cad bkra shis rgya mtsho'i dpal la spyod par shog

{{#arraymap:bkra shis rtags brgyad

|; |@@@ | | }}