btsan po

btsan po

(deb ther dkar po )las 'di ltar gsungs te/de yang btsan po dang/rje bo dang/rgyal po dang/mnga' bdag dang/bla sogs ni sngon gyi brda yin cing/sa skyong dang mi dbang sogs ni legs sbyar skad kyi shu pA la dang na ran+d+ra sogs bod skad du bsgyur ba yin pas bstan bcos kyi tha snyad yin la/de yang rgya gar ba rnams rgyal po la de ba ste lha zhes 'bod pa de zur chag nas/kha che ba rnams kyi skad la bde wang du 'bod pa'i tha snyed de thog mar mnga' ris chos rgyal rnams la cho lor sbyar zhing/phyis su rin spungs dang sne gdang gtsang pa sogs la yang sbyar ro/_/yig rnying du btsan po dang btsan mo bya ba la btsan pho dang btsan mo zhes bris te/de'i phyir pho brang bya ba yang btsan pho bzhugs pa'i brang sa dang/de bzhin du bla ma bzhugs pa'i brang ni dbu gur sogs la byed de/dmag gi sgar btab pa la dmag gi brang btab pa sogs ('dul ba lung )la yang snang ba bzhin no/_/btsan mo bya ba de yang rgyal po'i lcam gcig pu la go rgyu min par rgyal rigs kyi bud med spyi la sbyar ba 'og gi rgyal rabs kyi zhar la yang gsal zhes gsungs 'dug

{{#arraymap:btsan po

|; |@@@ | | }}