bya yul ba chen po

bya yul ba chen po

rje 'di nyid yab g.yung drung brtan 'bar dang yum lnga bza' lcam bu gnyis kyi sras su rab byung dang po'i shing yos (1075)lor stod lung gi gol go lung du sku 'khrungs/dgung lo bcu gnyis la phebs skabs spyan snga'i slob ma ye shes rgyal gyis slob dpon dang/rnal 'byor pa'i slob ma byang grags bya bas mkhan po mdzad nas dge tshul mnos/mtshan gzhon nu 'od du btags/de nas stong lung pa rin chen snying po dang spyan snga tshul khrims 'bar gyi nye gnas mdzad pa la bla mar bkur ste shin tu nan ches mdzad pas bskyed rdzogs gnyis kyi gdams ngag thob/dwags po'i lho rgyud kyi bya yul du dgon pa btab ste slob ma mang du 'dus nas bka' gdams gdangs ngag pa'i chos spel/dbyar chos bya yul du mdzad/dus gzhan du skyid smin la sogs par yang chos gzhi mang du bskor zhing 'gro ba'i don rgya cher mdzad/spyan snga gshegs khar khyon bsnyen rdzogs ma byed cig gsungs pas bsnyen rdzogs yun ring ma grub/phyis gsol ba btab pas snam sbyar rgya gar ma zhig gnang ba rmis nas dge slong byed par gnang ba yin snyam ste dge bshes rngog chos dbang gis mkhan po mdzad/mang ras slob dpon mdzad/rgya shes rab 'bar gyis gsang ston mdzad nas bsnyen par rdzogs/mthar dgung lo drug cu rtsa bzhi pa rab byung gnyis pa'i sa pho rta'i (1138)smin drug zla ba'i tshes bco brgyud nyin sku gshegs/'di nyid la slob ma ting nge 'dzin skyes pa lnga brgya/dge bshes jag rtse 'chang ba brgya dang bcu/de dag gi nang nas phyi'i chen po dgu/bar gyi chen po brgyad/nang thugs kyi sras gsum sogs mang du byung ba 'di rnams kyis kyang gnas dgon so sor bzung nas 'gro ba'i don rgya cher mdzad

{{#arraymap:bya yul ba chen po

|; |@@@ | | }}