byang chub kyi sems

byang chub kyi sems

gzhan don don gnyer gyi bsam pa dang byang chub don gnyer gyi bsam pa gnyis zung du 'brel ba'i sems shig ste/nam mkha'i mtha' khyab sems can thams cad kyi don rang nyid gcig pus byang bar 'dod pa'i bsam pa ni gzhan don don gnyer gyi bsam pa yin la/sems can thams cad sdug bsngal las bskyabs pa'i ched du rang nyid sangs rgyas kyi go 'phang thob par 'dod pa'i bsam pa de la byang chub kyi sems zer/sems de ni rgyu 'bras man ngag bdun dang bdag gzhan mnyam brje'i sgo nas blo sbyong ba'i man ngag gnyis la brten nas rgyud la skyes dgos pa yin cing/sems de med na chos zab mo gang 'dra zhig byas yang sheg pa chen po'i chos su mi 'gro ba yin/byang chub sems de la dbye sgo mang du yod kyang/ngo bo'i sgo nas dbye na byang chub tu smon pa sems bskyed dang/byang chub tu 'jug pa'i sems bskyed gnyis so/_/dang po ni spyod pa nyams len gyi bya ba dngos su zin pa la ltos mi dgos pa'i sems bskyed dang/gnyis pa ni spyod pa nyams len gyi bya bas dngos su zin pa la ltos dgos pa'i sems bskyed yin/dbye ba de gnyis dpe'i sgo nas bstan na/dper na/nyi ma lha sa lta bu zhig la 'gro ba la dang po nga lha sar gcig 'gro'o snyam pa ltar du/dang po ngas sems can thams cad rdzogs pa'i sangs rgyas kyi go 'phang thob pa zhig bya snyam pa 'gro bar 'dod pa lta bu smon pa'i sems bskyed dang/lha sar 'gro ba dngos kyi 'gro chad dang khal rta sogs sta gon byas nas dngos su lam du zhugs te 'gro ba ltar/sems can thams cad rdzogs pa'i sangs rgyas kyi go 'phang thob par bya ba'i ched du sbyin pa gtong ba dang/tshul khrims srung ba/bzod pa bsgom pa/brtson 'grus brtsam pa/bsam gtan la mnyam par 'jog pa /shes rab la blo sbyang snyam nas lam pha rol tu phyin pa drug la dngos su slob pa ni/'gro ba dngos lta bu 'jug pa sems bskyed yin no/_

{{#arraymap:byang chub kyi sems

|; |@@@ | | }}