che shos ngag dbang bshad sgrub bstan pa'i nyi ma

che shos ngag dbang bshad sgrub bstan pa'i nyi ma

rje 'di ni mdo smad tsong kha chu rul kha zhes par yab sngags 'chang tshe dbang dang/yum skyid ri gnyis kyi sras su rab byung gsum pa'i me lug (1787)lor 'khrungs/mtshan bshad sgrub bstan pa'i nyi ma zhes gsol/lo der gdan sar gdan drangs/dgung lo dgu la mi nyag mkhan po tshul khrims bstan pa'i nyi ma'i sar dge tshul gyi sdom pa mnos/mtshan ngag dbang bshad sgrub bstan pa'i nyi ma zhes gsol/dgung lo bcu gsum la sku 'bum dgon du chos zhugs mdzad nas gzhung chen la gsan bsam gnang/dgung lo bco lnga'i thog dbus su phebs nas ser smad thos bsam nor bu'i gling du chos grwa zhugs nas mkhan po grags pa mkhas grub bsten te gzhung chen bka' pod lnga la gsan bsam mdzad/dgung lo nyer gcig la grwa skor gnang/dgung lo nyer gnyis par paN chen bstan pa'i nyi ma'i drung du dge slong gi sdom pa zhus/de nas mdo smad du phyir byon/dgung lo nyer drug la rgyud pa'i khrir phebs/dgung lo sum cu tham par sku 'bum gyi khri chen la phebs/rje 'di yang phyogs hor gyi yul smad sogs su thengs drug phebs nas thems rjes mar ta yan chi bla ma'i dgon par mtshan nyid grwa tshang dang/dar han be lig dmar rgyal chos gling du dus 'khor grwa tshang/a b+ha ka dga' ldan bshad sgrub gling du lam rim grwa tshang sogs gsar skrun mdzad/de bzhin 'brug rgyal dbang chos rjes mdzad pa'i (che shos ngag dbang bstan pa dang rje gong ma'i rnam thar stod cha ) bcom ldan 'das dpal dus kyi 'khor lo bcu gsum pa'i bsnyen yig dngos grub rnam gnyis 'gugs pa'i lcags kyu shel dkar me long/) (rab gnas bkra shis snye ma'i dgongs gsal shel dkar me long )sogs bka' rtsom mang du mdzad/dgung lo bdun cu don gsum la phebs pa rab byung bcu bzhi pa'i sa lug (1859)lor dgongs pa chos dbyings su thim

{{#arraymap:che shos ngag dbang bshad sgrub bstan pa'i nyi ma

|; |@@@ | | }}