chos

chos

chos zhes par go don mi 'dra ba mang du yod kyang spyir na chos ni dkon mchog gsum gyi nang gi chos dkon mchog ste chos dngos ni rang brgyud kyi nyon mongs spangs pa'i 'gog pa dang/nyon mongs de spongs byed kyi lam de nyin yin cing/de la rtogs pa'i yon zer ba dang/rtogs pa'i chos de mtshon da kyi gsung rab glegs bal rnams ni thos bsam bya ba'i gzhi yin pas lung gi chos dkon mchog zer/spyir chos la legs sbyar skad du d+harma zhes pa dang/de'i don ni 'dzin pas na chos zhes bya la/'dod 'jo las/thabs cad 'dzin pas na d+harma ste chos so/_/zhes gsungs/dper na shes bya la chos zhes brjod pa'i rgyu mtshan ni rang gi mtshan nyid 'dzin pas na de ltar brjod/(rnam bshad rig par )chos ni shes bya lam dang ni/_/mya ngan 'das dang yid kyi yul/_/'bod nams tshe dang gsung rab dang/_/'byung 'gyur nges dang chos lugs la'o/_/zhes gsungs/de dag las mchog tu gyur pa ni lam dang myang 'das dang gsung rab rnams yin no/rdzogs pa'i sangs rgyas bcom ldan 'das kyis gdul bya rnams kyi don du mdzad pa 'phrin las bsam gyis mi khyab zhig bstan pa de thams cad kyi nang nas dam pa'i chos kyi 'khor lo bskor bi 'phrin las thams cad las kyi ches khyad du 'phags pa'am mchog tu gyur pa zhig yin/de la dam pa'i chos zhes pa ji skad du/sdug bsngal dag ni thams cad dang/_/sgrib kun sel byed dam pa'i chos/_/zhes pa ltar gang la dmigs na lus can rnams kyi sgrig pa zad pa'i thabs su gyur pa'i rnam dkar gyi yon tan zhig la dam pa'i chos kyi mtshan nyid ces brjod pa yin/mtshan gzhi ni 'gog lam gyis bsdus pa'i zag med kyi chos rnams dang tshad ldan gyi bka' bstan bcos rnams yin/legs sbyar skad kyi d+harma zhes pa bod skad du dam pa 'i chos zhes par 'jug skabs de'i sgra bshad ni dam pa ni ston pa sangs rgyas yin la des bstan pa'i chos yin pas dam pa'i chos sam yang na skyes bu dam pa rnams kyi spyad par bya ba'i chos yin pa'i phyir de skad ces bya'o/_/dam pa'i chos de la dbye na brjod bya rtogs pa'i dam pa'i chos dang rjod byed rung gi dam pa'i chos gnyis te mdzod las ston pa'i dam chos rnam gnyis te/_/lung dang rtogs pa'i bdag nyid do/_/zhes so/_

{{#arraymap:chos

|; |@@@ | | }}