chos 'byung

chos 'byung

bod yig thog 'khod pa'i bod kyi lo rgyus yig cha'i nang gses gsum pa ste/de ni chos lugs dar rgyas che ba'i sa gnas spyi dang yul lung so sor chos lugs rig gnas bcas kyi byang chub gtso bo bshad pa zhig la zer/de yang thog mar chos lugs de gsar gtod mdzad mkhas gyi lo rgyus dang/gsar gtod byed dgos pa'i rgyu rkyen/de'i go rim/slob brgyud rim byung/chos lugs skor gyi gsung rab gang dang gsang yod pa/chos lugs de dar rgyas dang nyams rgud byung tshul/rje 'brang mkhas pa so so'i lo rgyus dang gsung rtsom gang dang gang yod pa bcas gsal por bshad pa zhig yin/de la nang gses kyis dbye ba/1 chos lugs spyi'i chos 'byung/2 chos lugs so so'i chos 'byung/3 sa gnas so so'i chos 'byung/4 rig gnas che chung so so'i chos 'byung bcas bzhi yod/chos lugs spyi'i chos 'byung ni/sa gnas dang lo lugs so so'i dbye ba ma phye bar sangs rgyas chos lugs sogs chos lugs mi 'dra ba rnams kyi byung tshul spyir bshad pa zhig ste/dper na bu ston rin po ches mdzad pa'i (chos 'byung gsum rab rin po che'i mdzod )dang/'gos lo gzhon nu dpal gyis mdzad pa'i (deb ther sngon po/) dpa' bo gtsug lag phreng bas mdzad pa'i (chos 'byung mkhas pa'i dga' ston/) sum pa mkhan chen ye shes dpal 'byor gyis mdzad pa'i (chos 'byung dpag bsam ljon bzang )lta bu yin/chos lugs so so'i chos 'byung ni/bod du sangs rgyas chos lugs kyi grub mtha' mi 'dra ba mang du byung ba de tsho so so'i lo rgyus gtso bor bshad pa zhig yin/dper na bon gyi mkhas pa shar rdza bkra shis rgyal mtshan gyis mdzad pa'i (bon gyi chos 'byung legs bshad mdzod/) kun mkhyen 'jigs med gling pas mdzad pa'i (rnying mi rgyud 'bum gyi chos 'byung/las chen kun dga' rgyal mtshan gyis mdzad pa'i (bka' gdams chos 'byung/) gzhan yang 'bri gung bka' brgyud/karma bka' brgyud/stag lung bka' brgyud/'brug pa bka' brgyud/shangs pa bka' brgyud/dge lugs pa bcas la so so'i chos 'byung logs su yod pa lta bu yin/sa gnas so so'i chos 'byung ni/sa gnas bye brag pa zhig la sangs rgyas chos lugs dar tshul gtso bor bshad pa zhig ste/dper na/jo nang tA ra nA thas mdzad pa'i (chen po hor gyi chos 'byung/) brag sgom pa bstan pa rab rgyas kyis mdzad pa'i (mdo smad chos 'byung )lta ba dang/gzhan yang mnga' ris/dwags po/spo bo/kong po/chab mdo/lho rong/'ol kha/rgyal rtse/mi nyag bcas kyi chos 'byung logs su yod pa lta bu yin/rig gnas che chung so so'i chos 'byung ni/bod du dar grags che ba'i rig gnas che ba lnga dang chung ba lnga so sor byung tshul gtso bor bshad pa'i chos 'byung zhig ste/dper na paN chen bsod nams grags pa'i mdzad pa'i ('dul ba'i chos 'byung/) sa skya'i paN chen shAkya mchog ldan gyis mdzad pa'i (dbu ma'i chos 'byung/) bod kyi sman pa mkhas pa mang pos mdzad pa'i (gso ba rig pa'i chos 'byung/) bu ston ring po che sogs mkhas pa mang pos mdzad pa'i gsang 'dus/bde mchog /'jigs byed/kyai rdor/dus 'khor sogs kyi chos 'byung khag mang po yod pa lta bu'o/_/yang skabs re don gzhan la go bo'am yod de dper na (deb dmar )lcags dpar ma'i shog grangs 107nang sku gsung la bde mchog lhan skyes dang/spyan ras gzigs dang/chos 'byung yig 'byung bcas pa sogs rten dang reng srel dpag med byon zhes pa'i skabs de'i chos 'byung ni gsang sngags bla med kyi gzhung rnams nas bshad pa'i grub gsum dbyibs can gyi ri mo'am 'bur gzugs ste 'di'i grub gsum po des rnam thar sgo gsum mtshon pa yin zhes bshad srol yod

{{#arraymap:chos 'byung

|; |@@@ | | }}