chu bo skal ldan shing rta

chu bo skal ldan shing rta

'dir mngon brjod kyi gzhung du chu bo gang+gI'i ming yin par bshad/de yang mu stegs pa'i rig byed kyi gtam rgyud du/lha dbang phyug chen po la btsun mo gnyis yod pa ste/lha mo u ma dang gang+gA gnyis so/_/lha mo gang+gA chu klung chen po'i gzugs su sprul nas mi yul du thog mar babs skabs gangs ri chen po ti sa'i steng du babs pa de nyid cha shas bdun du gyur nas/ri kha ba can brtol te/shugs drag chen po'i sgra dang bcas te rgya mtsho chen por 'bab pa ni/ri kha ba can gyi khrod na ting nge 'dzin sgom bzhin du bsdad pa'i drang srong dza ha bu zhes bya ba de chu'i sgras ting nge 'dzin sgom pa las gnod pa'i dbang gis khros nas/chu bo gang+gA hub gcig gis 'thungs so/_/nam zhig rgyal po dug can pa zhes bya ba'i bu drug khri shi nas dmyal bar skyes pa na/de'i rgyal rabs lnga pa rgyal po skal ldan shing rtas rong gi mes po dug can pa'i bu rnams dmyal bar skyes pa las thar pa'i chen du chu bo gang+gA 'bab par 'dod na dka' thub drag po spyad de lha tshangs pa mnyes par byas te tshangs pa la gsol ba btab pas lha tshangs pas chu bo gang+gA la khyod mi yul du babs par gyis shig ces smras kyang gang+gA 'bab tu ma 'dod pa la/lha tshangs pas khyod mes po'i bka' la mnyan pa'i rgyu mtshan ci yin zhes smras nas gang+gA blangs te rang gi ral pa'i nang du bzhag go /gang+ga phyir 'byung bar 'dod nas lha yi lo stong phrag gi bar du khor zhing babs kyang ral pa de'i mtha' ma rnyed/slar yang rgyal po skal ldan shing rtas lha chen po tshangs pa la gsol ba btab pas chen pos rang gi ral pa btsir ba dang chu bo gang+gA'i thigs pa gcig gangs ri te se'i steng du babs pa yud tsam zhig la rgya mtsho chen po gcig tu gyur/de yang chu bo chen po bdun du gyur te/gangs ri ti se'i shar phyogs kyi brag glang po che'i kha 'dra ba nas bu bo sin d+hu/nub phyogs kyi brag rta yi kha 'dra ba nas chu bo pak+Shu/byang phyogs kyi brag seng ge'i kha 'dra ba nas chu bo si ta bcas 'bab cing/gzhan yang cha bo rgal dang/tshim pa dang/na li nA bcas chu bo chen po bdun 'bab pa'i nang nas/chu bo gang+gA ri kha ba can brgyud sa 'og tu song ste/dmyal ba'i gnas su rgyal po dug can pa'i bu drug khri'i las kyi lhag ma rnams bkrus shing de rnams dmyal ba nas shi 'phos te mtho ris su skyes pas na/chu bo gang+gA'i ming la chu bo skal ldan shing rta dang/tshangs pa'i ral klung zhes btags pa yin zer

{{#arraymap:chu bo skal ldan shing rta

|; |@@@ | | }}