dga' ldan lnga mchod

dga' ldan lnga mchod

bod zla bcu pa'i tshes nyi shu lnga nyin ni tsong kha pa chen po'i dgongs rdzogs kyi dus mchod nyin mo zhig yin/de'ang sa phag (1410)lo'iston dus tsong kha pa chen pos stod lung dang/'bras spungs/lha sa/se ra sogs su phebs nas chos mang du gsungs shing/de rjes slar dga' ldan du phyir phebs kyis thub dbang tshul khrims ma'i sku mdun du mchod 'bul dang bsngo ba smon lam rgya cher mdzad/sku ber dang dbu zhwa sras kyi thu bo dar ma rin chen la gnang ste rgyal tshab tu bsko gzhag mdzad nas zla bcu pa'i tshe nyer lngar gzim khang 'od gsal sbug tu sku gshegs/de'i phyi lo lcags byi (142)zla bcu pa'i ches nyer nga nyin dga' ldan du rdo rje slob dpon brgya phrag du mas gsang bde 'jigs gsum dang/kyai rdor/dus 'khor/tshe dpag med/kun rigs sogs kyi dkyil 'khor la brten pa'i sgrub mchod dang/dgongs rdzogs rgya che smin sgrub mdzad pa dang dus mtshungs sne'u dpon nam mkha' bzang khu dbon gyis kyang ra kha brag tu chos rje shAkya ye shes gdan drangs te dge 'dun mang pos mchod 'bul rgya cher mdzad pa nas bzung deng sang gi bar dga' ldan lnga mchod chen mo zhes rgya bod hor sogs kyi dad ldan skya ser thams cad kyis rnam dkar la brtson zhing/gling me spor ba'i rgyun byung/de nyin rtse pho brang du drung bzhes 'char can thog /dgun chas na bza' brje bzhes kyi mtshams dang/rtse shod zhabs gsar ba nas gsar mjal zhu ba sogs drung bzhes dang skyabs rje yongs 'dzin rnam gnyis dbu bzhugs kyi chog rga sku bcar rnam grwa'i dge 'dun gzhung zhabs ser skya khongs gtogs dang bcas pa rtse pho brang gi rten gtso 'phags pa lo ki shwa ri sogs rgyal mchog gong ma rim byon gyi gser gdung rin po che bzhugs pa'i mchod khang so sor phebs te mchod 'bul mdzad pho ta pa zhol gyi mi mang nas de nyid dga' nye blo dkar rnams mgron 'bod kyi spro skyid gtong srol dang dgong mo pho brang yas mas lha zhol dgon khag de bzhin mi khyim yongs rdzogs se 'bras dga' gsum rgya khyab ser skya'i dgon yul tshang ma'i yang steng mar me'i phreng ba bsgrigs pa'i ling me'i mchod pa rgya chen po 'bul srol yod

{{#arraymap:dga' ldan lnga mchod

|; |@@@ | | }}