dga' ldan tshe dbang

dga' ldan tshe dbang

rgyal po dga' ldan tshe dbang dpal bzang ni gau shri bstan 'dzin chosargyalagyi bu drug pa rdo rje da la'ihung tha'i ji'i bu yin pa dang/khong ni rab byung bcu gcig pa'i dus bod du slebs nas chos sde chen po bkra shis lhun por sgrigs zhugs mdzad rjes paN chen blo bzang chos rgyan las rab byung gi sdom pa zhus te dus de nas bzung bshad sgrub kyi bya bar brtson pa chu bo'i rgyun bzhin brten nas chos sde chen po'i bka' bcu rab 'byams pa'i mtshan thob pa dang/de rjes bkras lhun dgon pa'i chos khrims kyi byed po dge bskos las 'khur skabs dgon pa'i nang 'dul khrims dang/bshad sgrub 'chad nyan dge 'dun gtong sgo sogs rje gong ma blo bzang chos rgyan zhal bzhugs skabs ltar mi nyams par gnas pa'i thabs tshul lhur bzhed pa dang/lhag par gzhis rtse'i khrom gzhung du'ang bka' khrims dam pos non par mdzad pa'i khris shing 'dzugs pa sogs chos srid gang gi thad nas khrims srol dam por bskyangs shing paN chen rin po che blo bzang ye shes kyi zhabs 'debs kyi bya bar dus rtag tu brtson par mdzad/rab byung bcu gcig pa'i sa rta lo la dwags rgyal pos yul (la dwags kyi rgyal po seng ge rnam rgyal nas bzung la dwags kyi lo rgyus yig cha 'ga' zhig tu rgyal po bde legs rnam rgyal gyi skabs yin par bshad )gzhan gyi dpal 'byor la mi bzod pa'i phrag dog dang/lhag par dge ldan ring lugs kyi bstan pa khyab gdal du dar bar log pa'i bsam ngan 'chang bzhin tshul rgol gyi ba ci rigs brtsams pas tA la'i bla ma sku phreng lnga pas la dwags kyi rgyal po de nyid 'dul ba'i skabs su babs pa dang/de yang bkra shis lhun po'i dga' ldan tshe dbang de nyid kyis 'dul ba'i dus su babs par dgongs nas gtsang phyogs nas skong 'gug gnang sde las don sgrub phyogs gsang ba'i bya thabs du ma yang dag par 'doms par mdzad/de dang chabs cig dam can chos kyi rgyal po'i bris thang byin can dang/bla rdo srog 'khor sogs rgyal ba rang nyid kyi phyag gis bstar ba'i rten thug bcas bstsal nas khyod ni sngon gyi smon lam gyi mthu las yul mnga' ris skor gsum gyi ljongs su lung btsan pos dbang sgyur bar gnod mi za bas snying stobs che bskyed thog myur du 'gro dgos pa'i bka' khyab bstsal/dga' ldan tshe dbang nas kyang de ltar sgrub par dam bcas nas da ni drag po dmag gi bya bar 'jug pa la so thar gyi sdom pa 'bul dgos pas bslab sdom yang cho ga'i sgo nas 'bul bar mdzad/de nas la dwags phyogs su dpung skyod par nye ba nas dregs pa'i yangs rje gnang chung dgra lha chen po mi'i khog tu spyan drangs pa la/phan bde'i rtsa lag rgyal bstan rin po che dang rgyal ba'i dang po'i dgongs pa ji bzhin 'grub pa'i 'phrin las bcol/de nas rim gyis sa dga'i phyogs su skyod skabs yul de'i gtso bor mngags pa khro bo dka' bo dang mes po a gsum 'khor dang bcas pas mdun bsus nas yul lugs kyi dga' ston zab rgyas dang/gzhan yang dpa' bo'i cha rkyen du 'os pa'i mtshon cha'i bye brag dang bzhon rta/gur khang/dpung grogs su 'os pa'i skye bo mang po mngags pa sogs mthun rkyen rogs rab zhus/de nas yul mnga' ris kyi sa'i char 'byor bar nye ba'i tshe phyogs de'i sa srung pa rnams kyis la dwags rgyal po'i dpung gi kha lo pa rnams la tshul de zhib tu smras par/dpung gi gtso bo no no shAkya dang sbyor ra zer ba gnyis kyis bshad pa/yul mtha' khob mong gol gyi phyogs nas lhag pa'i sog po'i mi 'di dag gis gnam yis bskos pa'i sa'i bdag po seng ge rnam rgyal gyi dpal 'byor la mngon par 'khu bar lhags song zhes thos na yang skrag snang dang dogs pa mi dgos tshang mas blo bde bar bgyis shig ces 'jigs pa med pa'i dpa' gtam sgrog de'i blon po gzu bor gnas pa no no bi Ta dzo ki zhes pas smras pa shes ldan dag g.yul gyi gtam bya ba ni sla yi g.yul du 'jug pa ni de tsam du sla ba ma yin pha rol po'i dmag dpung rnams gang byung gis phyogs 'dir lhags pa ma yin 'jigs pa med pa'i gdengs yod pa dmag 'thab kyi bya bar byang chub pa bcas kyis 'dir lhags pa gdon mi za bas legs par brtags nas g.yul gyi bya ba la 'jug dgos shing sog po'i mi rnams ni bzhon pa'i steng nas mtshon 'phen par mkhas pa yin pas thang chen por dmag 'thab mi rigs la rang cig rnams ni ri bo'i ldebs dang chu drag gi 'gag gnad mkhar btsan po la gnas nas g.yul gshom dgos zhes gros thag bcad de nas la dwags kyi rgyal po bde legs rnam rgyal gyis mi'i seng ge dga' ldan tshe dbang gi phyogs su rgol ba'i gtam springs pa khyod lta bu mi bsrun pa bdag cag la mngon par phrag dog pas 'khu bas lhags pa ni legs kyi g.yul 'thab ste gal te khyod rgyal bar gyur na yod kyi bzhon pa yang pho brang gi seng ge sgor mor thogs shig gal te bdag cag rgyal bar gyur na bzhon pa yang yul lha ldan gyi rdo ring la 'dogs par byed do zhes smras pa na nyin de'i phyi drol dga' ldan tshe dbang rang nyid zhum pa med par dpung gi tshogs du ma dang bcas pas mtshon cha'i rigs sna tshogs pa btags te thams cad rta mchog gi bzhon pa dang bcas g.yul gyi bya bar zhugs pa na pha rol po la la rta rmig gis brdzis 'ga' zhig mtshon gyis bkum pa sogs dgra dmag mang che ba 'jig rten phyi mar bkum pa sogs dgra dmag mang che ba 'jig rten phyi mar btang bas pha rol po'i dpung tshogs ga ma rnams pu rang stag la mkhar rtsa srang bkra shis sgang la sogs pa'i mkhar btsan po'i phug tu yib nas gnas pas mong gol gyi dpung rnams mkhar rdzong btsan po len rgyur mkhas po med stabs slar yang lha sa nas snying stobs kyi go tsha btsan po dam ru ba kong po a po bkra shis mi dbang gi yab pad ma rgyal po dgon bla ma bkra shis rje drung rnams gtso bor mngags te dpung tshogs stong phrag lnga la nye ba mnga' ris su lhags de nas kha cig gis mkhar rdzong blang bar bya zhes tshig tsam du gleng kha cig gis yun ring po'i bar du mtha' skor nas gnas par byas na de dag gi ka ca zan nas glags rnyed do ces sogs mang du smras mod mi rje dga' ldan tshe dbang rang nyid kyis mkhar rdzong la 'jug par brtsam pa yang mi rigs de'i nang dug nas pa'i mi rnams ni mkhar btsan po'i nang nas lus kyi cha shas tsam snang ba'i sgo nas mtshon dang rdo sgyogs sogs 'phangs pas nga cag phyi rol du gnas pa rnams ni lus yongs rdzogs snang ste 'ben lta bur gyur pas mi rigs yun ring po'i bar gnas bcas na'ang pha rol po'i ka ca zan par gyur la de tsam du rang cag gi ka ca'ang zad par gyur bas mi rigs dpung gi tshogs rnams kyang yun ring por dub pa dang sgyid lug pa 'gyur snyam ste myur bar mag gi mi bzod pa'i dpung gi tshogs chen po nye bar btegs nas shul mang du (tsa hrang )bkra shis sgang rang shugs su dbang du sgyur de nas rim pas chas te la dwags slel du sgar btab dga' ldan tshe dbang nas bka' bsgos te drung yig bu chung dang pad ma rgyal po dang rog tshe rig 'dzin dang mong gol nas thar bcas de nyid kyi dpung gi kha lo sgyur bar mngags tho rengs nam langs dus nye ba na la dwags kyi rje bo blon po dang bcas pa rab tu pham par mdzad pas la dwags rgyal po rtab rtab por mtha' khor kla klo kha chul (karmi ra ce kha che'i )yul du skyabs bcol du bros shing de skabs dga' ldan tshe dbang gi bzhon pa yang seng ge sgo mor btags so/_/de'i tshe la dwags kyi rje bos rang nyid pham par ma bzod nas nor kyi lhag ma gser gyi skyes gya nom pa dngabacas pa chi'i rgyal po tshul bzhin ma yin pa'i spyon pas 'tsho ba de la dbyen sbyor bslu brid kyis des kyang dpung tshogs chen po bshams pa mnga' ris spi thub tu lhags te lho dgon gyi skye bo nyes med mang po'i srog bkum chos lugs bsgyur du bcug sa gzhi dog por byed pa'i dmag dpung chen po lhag par gyur na'ang dga' ldan tshe dbang ni ji tsam gyi tshur grol gyi tshogs pa mang ba de tsam du pha rol zil gyis gnon pa'i spro ba lhag par 'phel te pha rol po'i dpung gi dbus su bag tsha ba med par zhugs te 'ga' zhig srog bkum gzhan dag byer ti pi cag tu grags pa'i rtag mchog stobs po che dag kyang dpal mtshan du blangs de nas yul phyogs de nyid kyi rgyal blon rnams rang yul du dge lugs pa'i bstan pa dar khyab che bar snying nas mi 'ga' bar rmeg med du bzo bar brtson par byade kyang dga' ldan tshe dbang ni de lta ma yin te yul khams de nas dwags po bka' rgyud kyi srol 'dzin pa dang gsang sngags rnying ma'i bstan pa'i srung 'dzin pa la sogs pa chos lugs mi gcig pa mang du mchis mod de dag tshang ma rnam pa thams cad mkhyen pa'i go 'phang don du gnyer ba dang nang pa sangs rgyas pa'i rjes 'jug ngo ma yin par mtshungs kyi 'on kyang lam gyi bgrod tshul tha dad pa tsam las phyi nang gi chos lugs mi mthun pa lta bu'i grub pa'i mtha' 'ga' ba can du 'dzin pa ni gnas ma yin no dgongs nas chos lugs mi 'dra ba thams cad phyogs ris med par skyong bar mdzad dus der 'brug pa skyabs mchog mi pham dbang po la thams cad zhu ba gsol nas la dwags kyi rgyal po bde ldan rnam rgyal gyi bu tsha dang bcas pas mi'i dbang po dga' ldan rang nyid kyi zhabs sor la mngon par 'dud pas pha rol gyi dpung tshogs de dag la yang slad kyi snying rje'i yul du gzigs nas slel mkhar dang spi thub khreg se sogs mkhar gzhis bdun mnga' rol dpal 'byor dang bcas pa rang 'dzugs su gnang nas bka' 'di ltar bsgo ba deng slan chad ris su ma chad pa'i bstan pa spyi dang bye brag zhwa ser con paN 'chang ba'i ring lugs la mos pa mi 'gyur bar gyis shig bsgom nas bde legs rnam rgyal sogs la dwags rgyal blon tshogs de dag gis kyang bka' bzhin sgrub par khas blangs te mgo bo sgur rab byung bcu gcig pa'i lcags bya (1681)lor mnga' ris skor gsum dbang du bsdus rgyal kha'i dar ches gangs te si'i mdun du btsugs lha sar yang dga' ldan dar chen (dar smyon )zhes pa btsugs de nas yul mnga' ris skor gsum gyi grol ba'i gta' ba nas gnon par byed pa'i mong gol gyi skye bo brgya phrag 'ga' zhig la bka' bsgos nas yul de nyid du gnas su bcug mi'i rje bo dga' ldan rang nyid dpung gi tshogs dang bcas bkra shis lhun por byon nas paN chen rin po che blo bzang ye shes zhal mjal te rgyal ba'i bka' 'gyur ro cog gi glegs bam ngo mtshar ba sogs 'bul dngos rgya che dang 'dus tshogs su'ang bsnyen bkur gya nom pa rgya cher gnang dga' ldan rang nyid kyi bgo skal du mdos rgyal ston gyi sa'i cha mong gol gyis rang gi bsdus pa'ang chos sde dus kyi dbyar khral pho mdzo lnga bcu re bsdus pa'ang chos sde chen po bkra shis lhun po'i mang ja'i thebs su sbyor 'jags mdzad de nas lha ldan gtsug lag khang du mngon par mtho ba'i khri la dga' ldan tshe dbang 'khod dpung tshogs rnams mchog dman go rim ma 'khrugs par rang rang gi gdan la 'khod par byas de nas bstan 'dzin na la'i khang dang mi dbang sangs rgyas rgya mtshos rang rang gi phyag bstar te lha rdzas srid du ring bas snad rangs lha mi'i 'byor tshogs spam mtho ba legs so'i dpung dbyungs kyi grags pa thob slar yang sde srid sangs rgyas rgya mtshos dga' ldan tshe dbang mnga' ris kyi srid 'dzin spyi khyab tu bskos pa ltar mnga' ris su lo shas bzhugs thog mnga' ris sa gnas su sku gshegs so/_

{{#arraymap:dga' ldan tshe dbang

|; |@@@ | | }}