dge 'dun nyi shu

dge 'dun nyi shu

dge 'dun dkon mchog mtshon byed kyi dpe'i dge 'dun nyi shu ste/rgyun zhugs zhugs pa gnyis/rgyun zhugs 'bras gnas/phyir 'ong zhugs pa/rgyun zhugs rigs gnas rigs skye gnyis/phyir 'ong 'bras gnas gnyis/phyir mi 'ong zhugs pa/phyir mi 'ong 'bras gnas dgu/dgra bcom zhugs pa/bse ru lta bu'i rang sangs rgyas bcas nyi shu tham pa'o/_/de yang rgyun zhugs zhugs pa gnyis ni/rgyun zhugs pa dbang brtul dad pa'i rjes 'brangs dang/rgyun zhugs zhugs pa dbang rnon chos kyi rjes 'brangs gnyis te/dang po ni dad pa tsam gyi rjes 'brangs pa'o/_/gnyis pa ni/rang gi shes rab kyis dpyad pa'o/rgyun zhugs 'bras gnas ni/mthong spangs kun sbyor gsum spangs pa'i dge slong tshul gyi 'bras bu la gnas pa'i gang zag /phyir 'ong zhugs pa ni/'dod khams su lan cig phyir 'ong ba'i dge slong tshul gyi 'bras bu thob phyir brtson zhing zhugs pa'i gang zag /rgyun zhugs rigs nas rigs skya gnyis ni/lha'i rigs nas rigs skya dang/mi'i rigs nas rigs skye gnyis te/dang po ni/'dod lha'i rigs mthun gyi sred skye lan gnyis len pa'i rgyun zhugs 'bras gnas khyad par can/phyir 'ong 'bras gnas gnyis ni/phyir 'ong 'bras gnas khyad par can dang/phyir 'ong 'bras gnas tsam po ba gnyis te/dang po ni 'dod sred mngon gyur ba bdun pa 'am brgyad pa spangs pa'i dge slong tshul gyi 'bras bu la gnas pa'i gang zag gnyis pa ni khams gong ma'i nyon mongs spong ba lami brtson pa'i gang zag /phyir mi 'ong zhugs pa ni/'dod pa'i khams su phyir mi 'ong ba'i dge sbyor tshul gyi 'bras bu thob phyir du brtson zhing zhugs pa'i gang zag /phyir mi 'ong bar 'da' ba dang/skye tsam nas 'dab ba/mngon par 'du byed med par 'dab/mngon par 'du byed dang bcas te 'dab ba/gong 'pho ba gsum/mthong chos zhi/lus mngon byed bcas dgu ste/dang po ni/'di pa nas shi 'phos te/tshangs chen ma gtogs pa'i gzugs khams gnas bcu drug gi bar do la skyes nas rje de rang la myang 'das mngon du byas pa'i phyir mi 'ong pa/gnyis pa ni/de lta bu'i gzugs khams gzhan bcu drug gang rung gi rten la skyes pa tsam gyi skad cig gnyis pa'i dus su myang 'das mngon du byed pa'i skye 'dab ba/gsum pa ni/de lta bu'i rten de rnams su skyes nas lam la zhugs pa tsam las 'bad rtsol rags pa la mi ltos par mya 'das mngon du byed pa'i skyes 'da' ba/bzhi pa ni/der skyes nas 'bad rtsol rags pa dang bcas te myang 'das mngon du byed pa'i skyes 'da' ba/gong du 'pho ba/gsum ni/'phar ba dang/phyed 'phar ba/gnas thams cad du 'pho ba bcas gsum mo/de dag las lnga pa 'phar ba ni/'dod pa nas shi 'phos te tshangs ris su skyes/de las shi 'phos nas 'og min gyi rten 'phar te skyes nas rten de la myang 'das mngon du byed pa'o/_/drug pa phyed 'pher ba ni/'dod pa nas shi 'phos nas tshangs ris su skyes/de nas shis 'phos nas gtsang lnga'i dang po gsum gang rung du skyes/de nas shi 'phos nas 'og min du skyes nas myang 'das mngon du byed pa'o/_/bdun pa gnas thams cad du 'pho ba ni/'dod pa nas shi 'phos nas tshangs chen ma gtogs pa'i gzugs khams gnas ris bcu drug gi gnas thams cad du rim gyis skyes shing shi 'phos nas mthar 'og min gyi rten la myang 'das mngon du byed pa'i rigs can no/_/lnga pa drug pa bdun pa gsum la gong du 'pho ba gsum zhes zer ro/_/brgyad pa ni/mthong lam thob pa'i tshe de rang la myang 'das mngon du byed pa'i phyir mi 'ong ba/dgu pa ni/'gog snyoms thob pa ma nyams pa'i phyir mi 'ong pa bcas so/dgra bcom zhugs pa ni/bsam gtan dang po nas srid rtse'i bar gyi nyon mongs mtha' dag spong ba'i dge sbyong tshul gyi 'bras bu thob phyir du brtson zhing zhugs pa'i gang za bse ru lta bu'i rang sangs rgyas ni nyan thos kyi lam sngon du ma btang zhing/sangs rgyas 'byung ba med par dud 'gro bse ru la rwa gcig las med pa ltar rang nyid gcig pur gnas te rang gi byang chub rang gi shes rab rtsal gyis mngon du byed pa zhig bcas nyi shu tham pa'o/_/mtshon bya don kyi dge 'dun byang sems snga ma dag gi ming can nyi shu yang yod

{{#arraymap:dge 'dun nyi shu

|; |@@@ | | }}