dgyer sgom tshul khrims seng ge

dgyer sgom tshul khrims seng ge

(dgyer sgom chos seng zhes pa'ang snang )shug gseb bka' brgyud kyi srol gtod pa po/rje 'di nyid yab dmag dpon dkon mchog skyabs dang yum rgyal tsha ma mdo sde rgyan gnyis kyi sras su rab byung gnyis pa'i shing byi (1144)lor yar lung khra 'brug pa'i dpon rgyud du sku 'khrungs/mtshan chos kyi seng ger btags/dgung lo bcu gcig la phebs skabs rab tu byung ste mtshan tshul khrims seng ger gsol/khra 'brug gi dpon gnyer yang mdzad/dge bshes hor la gsang 'dus kyi dbang zhus pas gsang mtshan rdo rje rgyal po zhes gsol/dgung lo bcu dgur phebs skabs dpal phag mo gru pa'i sku mdun du bcar nas chos gsan pas bla ma sangs rgyas su gzigs nas bde gsal mi rtog pa'i nyams khyad par can rtsod med du skyes/thabs lam chos drug la sogs pa'i gdams ngag zhus/de nas yul du rgyags len du byon pas yab dgras bzung nas 'khrug pa byed dgos byung/de'i bar na dpal phag mo gru pa sku gshegs/der skyo shas drag po skyes nas bla ma bzang po zhig gi drung du 'gro dgos snyam pa la/mal ka ba can pa zhes bya ba grub thob cig bzhugs pa thos nas mjal du byon/dbu sngas sbrel nas zla ba gcig tsam bzhugs te don rgyud thugs kyi man ngag la sogs pa'i chos mang du gsungs/de nas 'ol khar rnam gcig pa rab byung gsum pa'i shing byi (1204)lo'i dbyug gu zla ba'i tshes bcu bzhi'i nyi ma shar ba'i dus ngo mtshar ba'i ltas du ma dang bcas te sku gshegs/shug gseb dgon pa de rjes su btsun ma'i dgon pa rnying ma'i lugs su gyur/slob ma stod nas rgya dang/dmar mdzod ma ba dang/'dzod gsum/smad nas rtogs ldan mi gsum sogs dpag tu med pa yod/de nas rim par brgyud pa dag gis zhi byed pa'i rjes 'brangs pas deb sngon du 'di nyid zhi byed par 'jog pa bcas so/_

{{#arraymap:dgyer sgom tshul khrims seng ge

|; |@@@ | | }}