dkon mchog bstan 'dzin 'phrin las rnam rgyal

dkon mchog bstan 'dzin 'phrin las rnam rgyal

'bri gung gi gdan rabs nyer brgyad pa 'di nyid kong po'i yul gyi sa'i char 'khod pa'i mnga' bdag myang gi sku rgyud sngags 'chang zhig gi sras su rab byung bcu gsum pa'i lcags stag (1770)lor sku bltams/'bri gung gi gdan rabs nyir bdun pa dkon mchog bstan 'dzin chos kyi nyi ma mchog nas rje 'di nyid dgung lo bdun pa la 'bri gung gdan rabs nyer drug pa dkon mchog bstan 'dzin 'gro 'dul dpal ldan chos kyi nyi ma 'phrin las phyogs las rnam rgyal mchog gi yang srid du ngos 'dzin mdzad de me sprel (1776)lor chung srid 'bri gung du gdan drangs/de nas thil du chos rje rin po che'i drung du dge bsnyen gyi sdom pa bzhes/mtshan dkon ma chog bstan 'dzin 'phrin las rnam rgyal zhes bstsal/'bri gung pa'i bka' chos phal che ba dang bde 'dus sogs gsar rnying gi zab chos mang du gsan/dgung lo bco lnga'i steng dge tshul gyi bslab sdom bzhes/mtshan bstan 'dzin pad+ma'i rgyal mtshan 'jigs med 'phrin las phyogs thams cad las rnam par rgyal ba'i sde zhes gsol/lho rin po che chos kyi rgyal las dbang chos mang du gsan/dgung lo bcu dgu la phebs pa rab byung bcu gsum pa'i sa spel (1788)lor 'bri gung gi gdan rabs nyer brgyad pa'i khrir phebs/lcags sprel (1800)lor 'bri gung gi gdan rabs gser phreng zhes bya ba brtsams/dgung lo nyer gsum pa la rjes chos kyi nyi mas mkhan po dang/lho rin po ches las slob mdzad nus dge 'dus kha skong grangs tshang ba'i dbus su bsnyen par rdzogs/lo de rang la rje gong ma dgongs pa rdzogs pas 'bri gung gdan sa'i thugs 'gan yongs rdzogs bdag gis bzhes/sku tshe smad kyi mdzad rnam dang 'das lo sogs ma rnyed

{{#arraymap:dkon mchog bstan 'dzin 'phrin las rnam rgyal

|; |@@@ | | }}