dmar g.yo gtsang gsum

dmar g.yo gtsang gsum

(gtsang g.yo smar gsum zhes pa'ang snang )dmar shAkya mu ne dang/g.yo dge ba'i 'byung gnas/gtsang rab gsal bcas gsum la zhu/ (568) dge slong gsum po dpal chu bo ri la sgom pa'i dus dar mas bstan pa bsnubs pa'i lo rgyus thos pas khong gsum sprang chas su zhugs nas dam chos 'dul ba dre'u'i khal gcig bkal nas rgyal khrims mi gcig pa'i sa char bstan pa dar bar bya dgongs nas nying mo gab cing btsan mo byon te mnga' ris su 'byor der yang bstan pa spel ma thub par byang lam nas hor yul du bros phabs te hor gyi dge bsnyen shes rab go cha bya ba gcig yod pa de la bsten de bzhugs dge bsnyen der ming shAkya shes rab ces btags nas phyag phyir khrid de mdo smad lho ngos be ro'i sa cha de'u tshwa mtsho brgyud rma lung rdo rje brag dan tig shel gyi yang dgon du byon sngar gyi btsun chas kho nar zhugs pa la yul de'i mi rnams kyis mthong bas a pa la rgyal po sdig can gyi khrims kyis ma phogs pa'i btsun pa'ang 'di na gda' zer ba thos nas skrag ste de'i nags khrod du bas phebs pas 'tsho ba med par bsnyun te bzhugs pa la dge bsnyen ma zhig gis 'tsho ba bag re btegs de'i dus su las dang skal ba ldan pa bon po'i bu mu gzu gsal bya bas thos te phyi nyin blta bar phyin pas dad pa skyes te rab tu byung bar zhus gtsang gis mkhan po dang g.yos slob dpon mdzad de dag tshul bsgrubs mtshan dge ba rab gsal du btags de nas bsnyen par rdzogs pa zhus par dge slong lnga ma tshang na mi 'ongs gsungs nas klong thang du lha lung dpal gyi rdo rje 'dug par zhus pas/ngas rgyal po bsad pas mi 'ongs btsal gyis gsungs nas rgya'i dge slong ka bed dang gyi ban bya ba gnyis btsal te btang bas gtsang rab gsal gyis mkhan po dang g.yo dge 'byung gis las slob dmar shAkyas gsang ston rgyu'i dge slong gnyis kyis kha skong byas te bla chen bsnyen par rdzogs de la brten nas dbus gtsang du 'dus pa'i bstan pa mi nub pa'i sa bon bskyed bsrings thub pa yin no/_

{{#arraymap:dmar g.yo gtsang gsum

|; |@@@ | | }}