dmu dge bsam gtan rgya mtsho

dmu dge bsam gtan rgya mtsho

mkhas dbang 'di nyin ni zi khron zhing chen zung chu rdzong gi khongs su gtogs pa dge bcu tshang pa'i yum dmu dge zhes bya ba'i dgon 'og sog po ru zer ba'i rong sde dang po der gyong smad tshang (grong smad tshang )zhes khyim tshang gsum yod pa'i ya gyal gyong smad 'khor lo tshang du yab bsod dar dang yum a tshe gnyis kyi sras su rab byung bco lnga pa'i shing pho stag (1914)lo'i hor zla bcu gcig pa'i yar ngo zhig tu sku bltams/thal dge bshes rje blo bzang chos ldan dpal bzang po'i mdun nas ka kha slob pa'i mgo bzung ste sku zhang bde chen dang yab kyi drung nas klog dang skyabs 'gro ltung bshags sogs sbyangs pa mdzad/dgung grangs bcu gcig thog bde tshang khri rgan blo bzang bstan pa'i nyi ma las rab tu byung ste dge tshul gyi sdom pa mnos te mtshan la blo bzang bsam gtan zhes gsol/de mtshungs dmu dge bkra shis 'khor lo dgon du chos grwa dang tshogs la zhugs/dge bshes chen po rjes dkon mchog dge 'dun tshang bsten nas slob gnyer mdzad/sa khu blo bzang bkra shis zhu ba'i mkhas pa zhig yod de'i mdun nas yi ge dkar nag dang dag yig sogs la sbyangs pa mdzad/dgung lo bcu dgur gzhung rgyugs 'bul gnang mdzad pa dang chabs cig 'dzin grwa'i skyor dpon du bskos/de'i phyi lo rgyam kho sprul sku dang lhan du phebs te bla brang bkra shis 'khyil gyi rmad byung thob mas gling gi chos grwa la 'dzin grwa don bdun cu nas zhugs/mkhas dbang rab phug cung gsum du grags pa'i nang tshan mkhas pa'i dbang phyug rje dkon mchog bsam 'grub ces mtshan yongs su grags pa de nyid yongs 'dzin du bsten nas thugs 'dzin skyor sbyangs sogs hur thag mdzad/de nas ring por ma thogs par bla brang bkra shis 'khyil du rigs pa smra ba'i gras su chud de dmu dge bsam gtan zhes mtshan yongs su grags/dgung lo nyer bdun thog sa ga zla ba'i tshes bco lnga la bsgrub bya brgya phrag yod pa'i gras su bla kho rdo rje 'chang rje 'jigs med 'phrin las rgya mtsho'i zhal sang las bsnyen par rdzogs/bla brang du phebs nas lo dgu song skabs yab kyis bsu bar phebs te pha yul du nag cig phebs dgos zhes nan gyis zhus par brten slob gnyer (570) 'phro bsgyur nas phabs dgos byung pha yul du zla ba brgyad bzhugs rjes bla brang du phyir phebs nas dbyangs can ma dkar mo'i bsnyen pa zhig btang de rjes slob dpon rin po che paN+Di ta rje oM 'khyil ba 'jam dbyangs legs bshad dpal bzang po las sum rtags dang dbyangs can sgra TIka gi ri mo'i mdzub khrid rdzogs par gsan dgung grangs so gnyis thog blang brang phyag mdzod dbal mang tshang nas a mchog dgon pa'i 'du khang du lany+tsa 'bri bar tshags btsugs gnang ba dang stabs bstun a mchog dgon rgyud pa grwa tshang gi a khu 'jam dbyangs phrug gi mdun nas rgya rtsis kyi ri mo cha tshang slob gnyer mdzad de rjes 'jam dbyangs bzhad pa sku phreng lnga pa rje btsun blo bzang 'jam dbyangs ye shes bstan pa'i rgyal mtshan lha sa nas rang dgon du phabs rjes grwa tshang so so'i sgrim lam sogs la dag ther gnang dbang dus mtshungs bra blang thub bstan pho brang du grwa chung gi slob grwa zhig btsugs gnang mdzad de dam pa de nyid kyang dge rgan du bsko gzhag gnang ba ma zad slob grwa'i tshogs 'du'i thog 'jam dbyangs bzhad pa sku ngo mas gsung bshad bka' slob bstsal skabs (khong sa khu bsam gtan yang chos 'jig rten gnyis kar rnam dpyod che ba yin gshis dge rgan du bsko gzhag byas pa yin pas khyod rnams kyis kyang brtsi bkur dang srung brtsi byed dgos )zhes gsungs rdo rams pa btang nas lo gnyis dang zla ba brgyad song ba'i mtshams la bla brang brgyud du bcings 'grol thob snga dus nas grong khyer che sar phabs 'dod yod pa ltar rdzong gi dpon chen 'ga' zhig gis lan grur phyag las gnang bar phebs rgyu'i zhal skul zhus gung thang rin po che nas kyang ched mngags mgron 'bod kyis spyi sger gyi don dang rig gnas dang lo rgyus sogs kyi gsung 'phros mang po bstsal ba ma zad rgya yul du 'gro na pe cin du song na bzang nga'i tshab byas te ma'o kru'u zhing dang kru'u tsung si lin la 'tshams zhu byas nas song na dmigs bsam gyi blta rtogs yod 'gro sgo tshang ma ngas gtong gsungs de nas gung thang rin po ches bla brang du gsol ston bshams de phyag mdun lha dar bkra shis pa'i tshigs bcad dang bcas lho 'jam dpal gzhon nu'i drung chen mkhan po'i mtshan btags gnang ba ma zad na bzang sog chas cha tshang dang lam dngul sgor sum brgya lnga bcu 'tshams zhu la 'bul rgyu'i gur gum dang gla rtsi 'bor chen bcas dang skad bsgyur la yin ci yon zer ba'i rgya rigs shig gtong gnang mdzad de nas bzhon pa sogs glas nas phebs rdog thon te ka cu mkhar du phebs skabs ya han krang gis gtso 'dzin byas nas tshogs 'du zhig 'tshogs pa der zhugs nas gsung bshad kyang gnang de nas rlangs 'khor la zhugs nas las grub phebs skabs dge bshes shes rab rgya mtsho dang mjal kan su'u zhing chen 'thab phyogs gcig gyur pu'i pu'u krang h+phan ming nang ne len gzab rgyas zhus dgung grangs so bdun pa lcags stag (1950)lor dge bshes shes rab rgya mtsho dang shin cang gi dpon rigs kha shas bcas dang mnyam du gnam grub bzhugs nas pe cin du phebs thog mar dge bshes rin po che dang lhan du mgron khang du bzhugs shing de skabs krung dbyang 'thab phyogs gcig gyur pu'i pu'u krang dang rgyal khab mi rigs don byed u yon lhan khang gi kru'u ren gcig lcogs li wu'i han dang mi rigs don byed u yon lhan khang gi kru'u rin gzhon pa u lan h+phu mi rigs don byed u yon lhan khang gi gzhung las khang gi kru'u ren yang cin ren bcas rta tu dge bshes rin po che'i sku gam du gros mol lam blo 'dri zhu bar 'ong ba dang skabs bstun yang cing ren gyis dam pa 'di nyin la si khron dang shis khams bod ljongs bcas da dung bcings 'grol gtong rgyu yin pas bod yig las don gang 'gangs shing tu che bar brten las byed pa'i skyid (571) sdug la 'dzul bzhugs gnang tshe dgos mgo ha cang chen po yong rgyu yin tshul brjod par dge bshes shes rab g+r+ya mtsho mchog nas kyang nges par khas longs las byed pa byas nas bstan 'gro'i don ci nus re byed dgos zhes bka' slob phebs stabs zhal khas bzhes nas rdo rje tshe brtan dang phun bkra bsod nams rgya mtsho (hong med shin )sogs dang lhan du mi rigs don byed u yon lhan khang gi si gsum pa'i nang phyag las gnang ste (mi dmangs brnyas dpar )sogs la bsgyur zhus mdzad lcags yos (1951)lor nga phod sogs bod sa gnas srid gzhung gi 'thus mi rnams pe cing du 'byor de bod zhi bas bcings 'grol gtong rgyu'i gros mthun don tshan bcu bdun 'jog skabs gros mthun par zhus kyi lan don nang bzhugs dgung grangs so dgu pa chu 'brug (1952)lor sku khams cung mi bde ba sogs kya dbang gis pha yul du phebs zung chu rdzong tang gi un yon lhan khang gi mngags bcol lta dbu dge'i rang skyong srid gzhung 'dzugs gnang mdzad pa dang rags tshugs 'du du mar zhugs te dril bsgrags mdzad dgung grangs bzhi bcur phebs pa chu sbrul (1953)lor kun mkhyen blo bzang 'jigs med thub bstan chos kyi nyi ma dpal bzang po'i gsung shog 'byor te lha rams pa dkon mchog bstan 'dzin dang dam pa de nyid dmu dge bkra shis 'khor lo dgon gyi mtshan nyid dge rgan du bsgo gzhag gnang dgung grangs zhe gnyis pa shing mo lug (1955)lo'i bod zla gnyis pa lha rgyal gling srid gzhung nas gdan zhu byas pa ltar phebs te rgya rgyal gling srid gzhung rig gnas kho'i kho krang gzhon pa dang ming kyAng gsar 'gyur khang gi bod yig gsar 'gyur rtsom sgrig gi las 'gan gcig lcogs gnang dgung grangs zhe lnga pa sa khyi (1958)lo'i zla brgyad par rang skyong srid gzhung lha rgyal gling nas 'bar khams su spos stabs lhan du gnas spo mdzad dgung grangs zhe drug la phebs pa sa phag (1959)lo'i lugs rnying gi lo gsar nas skya chas mi bzhes ka med byung ba dang lo de'i zla lnga par pe cin du (rgya bod shan sbyar tshig mdzod )dang (ma'o tse tung gi gsung rtsom gces bsdus )deb dang po'i bsgyur zhus mdzad par phebs te zla shes ring rje tshe tan zhabs drung dang lhan du khang mig gcig nang bzhugs bcu pa'i tshes gcig gis rgya ston mdzad gzigs sogs byed sgo khag la zhugs rjes khren dur phyir phebs dgung grangs nga gsum pa me rta (1966)lor rig gnas gsar brje zhes pa'i god chag chen po de langs nas la de'i spyi zla bcu par dmar srung dmag ces pas sku chas yod tshad 'phrog bcom byas mthar sku la chos gos snam sbyar dang sku rgyab tu 'jam sdud bzang gsum gyi phyag dpe phyag dpung g.yas g.yon du bka' gdams glegs bam gyi shog grangs kha shas re phyag tu phyag phreng zhig dang jo bo'i rnam thar chen po'i dub bu zhig bcas gsol nas mi tshogs khrod 'bod tshig 'ur dir gyi ngang khrom skor du btsan khrid zhus de nas lo gcig dang nyin bcu gnyis ring rdzi 'gag 'bo gyo'i khog tu dam po ta tos zer ba'i ru khag sngon thon gyi nang du ngal rtsol gnang dgos byung zhing de'i ring ngal las lci khar 'bru rigs sogs kyis mi 'dang bar rta sha sogs gang byung bzhes dgos byung dgung grangs nga bzhir phebs pa me lug (1967)lor 'bar khams su phebs nas slob sbyong dang ngal rtsol 'dres ma'i ngang bzhugs dgung grangs drug bcu bzhes pa chu glang (1973)lo'i hor zla gsum par bcings 'grol thob shing yos (1975)lor khren tur phebs te (bod rgya tshig mdzod chen mo )bzo rgyu'i gzhi bting me sbrul (1977)lo'i zla bcu gnyis par zi khron zhing chen srid gros skabs bzhi pa'i rgyun las u yon du bdams thon byung ba dang de'i phyi lo rang skyong khul srid gros kyi kru'u zhi gzhon par bdams lcags sprel (1980)lo'i spyi zla dang por pe (572) cin du grangs nyung mi rigs skad yig tshan rig gros bsdur la zhugs te nyin bcu gnyis ring rtsod gleng mdzad mthar de snga ma'o tse tung gsung rtsom slob sbyong 'dzin grwa zer ba zhig btsugs pa des bod yig bcos sgyur byed dgos zhes bod kyi brda sprod pa'i gzhung lugs rtsa brlag gtong ba'i yig cha (gnad bsdus )zer ba de rtsis med du gtong thub pa byung ba dang sbrags (gnad bsdus )kyi dgag yig mtha' dpyad zer ba zhig ched mngags rtsom 'bri gnang nas tshig mdzod khang gi las byed yongs la tshar gcig khrid gnang mdzad dgung grangs re dgu pa chu khyi (1982)lo'i zla bdun pa'i tshes gnyis nyin lha sa sman rtsis khang gi gdan zhus ltar gnam gru'i thog tu lha sar phebs te krung gong gnam rig skar rtsis kyi tshogs 'dur zhugs thog skar rtsis mthun tshogs kyi mtshan 'dzin tshogs gtso gzhon par bdams gtsug lag khang gi thog khang du kun gzigs paN chen sku phreng bcu pa chos kyi rgyal mtshan rin po cher nang mjal zhus zla ngo bzhi tsam ring gdan sa se 'bras dge gsum dang lha ldan gtsug lag khang pho brang po ta la bkras lhun sa skya yum bu bla sgang chos rgyal bang sog sogs lag nas gzigs phebs lo de'i spyi zla bcu gnyis pa'i nang grangs nyung mi rigs dang chos lugs mi sna drug bcu lhag gi lta skor tshogs pa'i tshogs gtso gnang ste rang rgyal kyi lho phyogs zhing chen dgu'i grong khyer che khag la lta skor du phebs dgung grangs bdun cur phebs pa chu phag (1983)lo'i zla gsum par pe cing du phebs nas krung dbyangs mi rigs slob grwa'i gna' yig yab sbyong 'dzin grwar (snyan ngag yang gsal snang mdzod )slob khrid mdzad de rjes khrang rda dang tA thung ri bo rtse lnga sku 'bum bla brang sogs su gnas gzigs phebs rjes phyir 'bar khams su rang skyong khul btsugs nas lo ngo sum cu 'khor ba'i dga' ston du phebs zhugs mdzad de nas lo ngo bcu grangs ring dam pa de nyid kyis mdo smad kyi yul gru gang sar phebs te slob khrid dang chos 'khor rgya cher bskor gnang mdzad de phul byung gi slob ma du ma gso skyong gnang mthar dgung grangs brgyad cur phebs pa rab gnas chu bya lo'i hor zla gsum pa phyi ma shol zla'i tshes bco lnga (1993)lo'i zla 5tshes 6)nyid ste res gza' phur bu rgyu skar sa ri nam langs kyi dus su chu tshod bdun dang skar ma nyer lnga'i thog seng ge nyal stabs kyis dga' ldan yid dga' chos 'dzin du phebs pa'i tshul bstan mdzad rnam zhib tsam gzigs 'dod tshe dam pa 'di nyid kyi gsung 'bum pod dang po'i nang (rtsom pa po rang gi byung ba brjod pa rang gsal A dar sha )zhes bya bar gzigs gsum rtsom lcags dpar ma pod drug mtsho sngon mi rigs dpe skrun khang nas par skrun zhus yod pa lags so/_

{{#arraymap:dmu dge bsam gtan rgya mtsho

|; |@@@ | | }}