don dam bden pa

don dam bden pa

'di la grub mtha' so so'i 'dod tshul mi 'dra ba yod pa ste/1 thal 'gyur bas mthar thug dpyod pa'i tshad ma rang nyid la mthar thug dpyad pa'i tshan mar song bas rnyed don du don dam bden pa'i mtshan nyid de yang mthar thug dpyod byed kyi rigs shes tshad mas rnyed don gang zhig tshad ma de la rigs shes tshan mar song ba ni rang di don dam bden pa yin zhes brjod pa'o/_/mtshan gzhi ni bum pa rang bzhin gyis stong pa lta bu sogs yin/don dam bden pa'i sgra bshad ni/ye shes dam pas rnyed pa'i don yin pas na don dang/de 'dra'i don yang yin la don gyi mchog gam dam pa yang yin pas na dam pa dang/snang tshul dang gnas tshul mthun par gnas pas bden pa zhes zer ro/_/2 dbu ma rang rgyud pas rang mngon sum du rtogs pa'i mngon sum tshad mas rang nyid gnyis snang nub pa'i tshul gyis gas par bya ba de/don dam bden pa'i mtshan nyid/de yang gnyis snang la rang las tha dad pa'i gnyis snang dang bden snang gnyis snang du bshad pa sogs yod pa las/don dam ni ma 'khrul ba'i blo ste 'phags pa'i mnyam bzhag zag med ye shes kyi ngor gnyis snang gi spros pa dang bden pa'i spros pa gnyis char dang bral ba'i sgo nas gnas par bya ba de la don dam bden pa zhes brjod yin te mtshan gzhi ni/bum pa bden stong lta bu zhes pa dang/3 sems tsam pas rnam dag lam gyi dmigs pa mthar thug tu gyur pa'i chos don dam pa de don dam bden pa'i mtshan nyid/mtshan gzhi ni bdag gnyis gang rung gis stong pa'i de bzhin nyid lta bu/sgra bshad ni 'phags pa'i mnyam bzhag ye ne dam pa yin pa de'i don yin pas don dam pa dang snang tshul dang gnas tshul mthun pas bden pa zhes brjod pa yin/de la dbye na/chos kyi bdag med phra mo dang gang zag gi bdag med phra mo gnyis yod/dngos po thams cad bden par grub pa dang rdzun pa'i gzhi mthun du khas len/chos nyid thams cad bden par grub pa dang/bden pa'i gzhi mthun du khas len/chos nyin las gzhan pa'i 'dus ma byas kyi chos thams cad rdzun par grub pa dang/rdzun pa'i gzhi mthun du khas len no/_/4 mdo da pas rtog pas btags tsam ma yin par rang ngos nas grub pa'i chos don dam bden pa'i mtshan nyid/yang na don dam par don byed nus pa don dam bden pa'i mtshan nyid/mtshan gzhi ni gzugs dang/shes/gang zag rnams lta bu'o/_/don dam bden pa/dngos po/rang mtshan 'dus byas/bden par grub pa rnams don gcig yin/ (34) blo don dam pa ga pa dang bral zhing ma 'khrul ba'i mngon sum gyi tshad ma'i ngo bor bden pas na don dam bden pa zhes brjod pa'o/_/don dam bden pa zhes pa'i tshig zur gyi don dam ni blo don dam par snang yul la ma 'khrul ba'i mngon sum tshad ma la phyed pa yin zhes 'dod pa dang 5 bye brag smra bas ni don dam du yod pa ni kun rdzob de las gzhan bcom pa'am blos cha shas so sor bzhag tu med pa rdul phran phyogs kyi cha med dang shes pa skad cig ma ched lta bu'o/_/de rnams dan dam bden pa yin te rang 'dod pa'o/_/6 phyi rol grangs can pas ni mi gsal ba'i shes bya rnams dan dam bden par 'dod do/_/mi gsal ba'i shes bya gang zhe na shes bya nyer lnga las gtso bo dang skye bu ni mi gsal ba'i shes bya yin pas don dam bden pa yin zhes zer ro/_

{{#arraymap:don dam bden pa

|; |@@@ | | }}