gong gsum bde chen pa

gong gsum bde chen pa

spyir mdo sngags rig gnas kun dang/lhag par dus 'khor la shin tu mkhas pa'i zla chen zhig yin cing myang stong pa snam nor bu khyung rtse'i ri ldebs su chags pa'i dgon pa gong gsum bde chen du rgyun bzhugs gnang bas gong gsum bde chen pa zhes mtshan chags shing/mtshan dngos chos kyi dpal ba zhes zhu/'khrungs yul myang stod skyal cha dkar du yab jo btsun chos bzang dang/yum ma gcig dge ma brtson 'grus dpal gnyis kyi sras su rab byung lnga pa'i me 'brug (1316)lor 'khrungs/dgung lo chung ngu'i dus nas thugs rig gi rtsal phul du byung bas yi ge 'bri klog sogs gang bslabs pa thams cad thengs res mkhyen thub/dgung lo bcu pa shing glang (1325)lor mkhan po gzhon nu brtson 'grus dang/las kyi slob dpon byang chub bzang po gnyis kyi drung nas rab byung dang dge tshul gyi sdom pa bzhes/dgung lo nye shu pa rab byung drug pa'i shing phag (1335)lor zha lu'i chos sde chen por slob gnyer la phebs nas/kun mkhyen bu ston rin po che dang mkhas pa skyabs mchog dpal gnyis kyi drung nas (tshad ma rnam nges (dang rnam 'grel )bcas gsan/zha lu ri phug tu phebs te bu ston rin po che'i drung nas dus 'khor gyi dbang dang khrid/bshad pa/man ngag gi gnad sogs yongs su rdzogs pa gsan nas dus 'khor la mkhas pa'i phul du phyin par gyur/dgung la nyi shu lhag bzhes pa'i skabs chos rje 'jam dbyangs rin chen gyi drang nas bsnyen rdzogs kyi sdom pa bzhes/de nas dben gnas gong gsum bde chen du bzhugs te (dus 'khor gyi rgyud 'grel )dang/bshad pa/sa ris/dbang bka'/lag len gyi khrid sogs yang yang gnang bas/slob ma dus 'khor la mkhas pa mang du byon/rje tsong kha pa chen pos kyang dgung lo so bzhi pa rab byung bdun pa'i lcags rta (1390)lo nas bzung dam pa 'di nyid sku ma gshegs bar lo ngo brgyad kyi ring dus 'khor gi dbang khrid/bshad pa lag len bcas yongs su rdzogs pa dang/rdo rje phreng ba'i dbang sogs gsang sngags kyi chos skor mtha' yas pa gsan pa yin/dgung lo don bzhi pa rab byung bdun pa'i me glang (1397)lor gong gsum bde chen rang du sku mya ngan las 'das/sku gdung mchod rten gdan sa der bzhugs yod/rnam thar lo rgyus mdor bsdus shig zha lu mkhan chen blo gsal bstan skyong gis mdzad pa'i (zhwa la'i chos 'byung dad pa'i 'bab stegs )dpar ma'i shog grangs 42nas 42b.ragasal

{{#arraymap:gong gsum bde chen pa

|; |@@@ | | }}