grub chen me long rdo rje

grub chen me long rdo rje

rnying ma'i grub thob 'di nyid rab byung bzhi pa'i chu yos (1243)lor yab sgrags phur rnal 'byor bsam yas dang yul 'bar ma gnyis kyis sras su 'khrungs/dgung lo dug par mkhan po se lung pa dang/grub thob za lung pa las rab tu byung/de dus gshin po'i dge rtsar yum rgyas 'bring bsdus gsum kho na sgrog cing/dgung lo bcu drug la phebs skabs brgyad stong brgya rtsa brgyad mdzad pas gnang lugs kyi don rtogs/mngon shes phra mo'ang shar/de nas phyogs nges med 'grims te mtshur phu'i do bo ras pa sogs bla ma mang du bsten/nas bre gang gis zla ba gcig dang zhag nyi shu'i 'tsho ba mdzod pa sogs dka' thub la shin tu bzod pa zhig yin/dgung lo bco brgyad pa la seng ge rgyal pa sangs rgyas dbon po las man ngag snying tig thob/sgom par rtse gcig tu gzhol bas rdo rje sems dpa'i zhal mngon par gzigs/dgung lo nyi shu rtsa gsum par sangs rgyas rabs pa las rdo rje phag mo la sogs pa'i gter chos da ma gsan nas sgrub pa mdzad pas yi dam sangs rgyas mang po'i zhal mjal ba dang/phyag mdzub yis brag la phyag bris gnang ba so skye'i chu 'bur mig gis dngos su 'jal rgyu yod pa sogs sgrub rtags mang du thon/spyir bla ma mang po'i zhabs la gtugs shing/khyad par du grub thob za lung pa/mtshur phu'i do bo ras pa/'khrul zhig seng ge rgyab pa sogs las zab chos mang du gsan nas snying po'i don rnyed/mkhan pa ljongs dang/mkhan pa gling/seng ge rdzong/kun bzang gling/mkhar cha rnams su sgrub pa'i rgyal mtshan btsugs shing 'gro don mdzad/dgung lo drug re gcig tu phebs pa rab byung lnga pa'i chu yos (1303)lor dur khrod la bar du sku gshegs pa'i tshe 'od chen po sgra dang bcas pa kun gyis mthong/pur rnam pa sbyong dus nam mkha'i lam nas pur khang 'od lnga'i snam bu rkyang lta bu sogs ngo mtshar ba'i ltas dpag tu med pa byung

{{#arraymap:grub chen me long rdo rje

|; |@@@ | | }}