gter bdag gling pa

gter bdag gling pa

mtshan dngos la pad+ma gar dbang 'gyur med rdo rje zhu/rje 'di ni yab smyos ston gsang bdag 'phrin las lhun grub dang yum lha 'dzin dbyangs can sgrol ma gnyis kyi sras su rab byung bcu gcig pha'i me khyi (1646)lor gra nang dar rgyas chos gling du sku bltams/mtshan kun dga' dngos grub rin chen dbang rgyal zhes gsol/dgung lo bzhi la yab las gsang rdzogs kyi dbang gnas/rjes dgon par phebs te yi ge 'bri klog sbyangs/dgung lo bcu gcig pa la rgyal mchog lnga pa chen po'i drung du dbu skra gtsug phud phul te btsan ngag dbang pad+ma bstan 'dzin zhes bstsal/dgung lo bcu gsum tsam nas bzung rtsa rgyud gnang ba snying po dang/rgyud bla ma seng nyid ngal gso/yid bzhin mdzod rtsa 'grel rnams thugs la bung nas yab rje las gsung bshad rim par gsan/dgung lo bco brgyad pa la g.yang ma lung nas rig 'dzin thug thig gi skor sogs dang/dgung grangs nyer gnyis pa la rdzu 'phrul gyi bkod pas sher brag nas 'jam dpyas gshin rje dregs 'joms kyi chos skor spyan darangs pa sogs shin tu mang skad/dgung grangs so gcig pa me 'brug (1676)lor o rgyan smin grol gling gtsug lag khang gsar bzhengs thog chos grwa dang sgrub grwa btsugs/bzhi gsum gyi phyag bzhes rnams kyi srol btod/o rgyan smin grol gling gi rig gnas 'khrid rgyun ha cang khungs dag cing skad grags ldan pas dgon pa de las rig gnas mkhas dbang du ma dang/gsang chen snga 'gyur rnying ma'i ba stan gnas gyi skyes bu mang po bskyangs/gter gling pa mchog dgung grangs sum cu yas mas su brag dmar mchims phu dang/g.yar ma lung sogs dpe na gnas su mtshams la zhugs nas yi dam gyi lha sum cu rtsa lnga tsam gyi bsnyen sgrub dang/rdzogs pa chen po khregs chod kyi nyams bzhes pas ma dag pa'i snang ba 'gog pa'i bskyed rim la brtan pa thob ste las bzhi gang yang thogs med du grub/dgung grangs so dgu pa shing byi (1648)lor bla brang chos 'khor lhun po dang/bsam grub gling/bkra shis rab brtan bcas dang/dgung grangs zhi drug par sku 'bum mthong grol chen mo dang/phyogs mtshams gzhan rnams su byang chen la sogs pa'i mchod rten lhag ma bdun sogs rten gsum shin tu mang po gsar bzhengs mdzad/dgung grangs nga lnga la dkyil 'khor du mi'i grub mchod dang/gsang sngags pho brang gsar du bzhengs/mdor na/rje 'di nyid kyi yab rje dang rgyal mchog lnga pa chen po mchog gi dus snying grol zab lam gsan pas bsten 'dzin chen po bcu drug /zab chos sna tshogs gsan pa'i yongs 'dzin sum cu rtsa lnga rnams bsten te/yul dus ci rigs par yongs 'dzin dge bsnyen/byang sdom bka' srol gsum sogs las snga 'gyur bka' ma deng sang rgyud yod do cog dang/gter ma'i rdo phreng/sgrub thabs brgya rtsa sogs spyi bka' dang/bde mchog /gshed skor skr-i yog sogs kyi zur bka'/mdo phyogs mang po dang bcas pa'i dbang khrid bshad lung/de thams cad kyi rtsa bar gyur pa bka' 'gyur ro cig gi lung sogs chos bka' gsan pa ni mtha' yas pa'o/_/rje 'di nyid ni kyi zhal slob tu gyur pa ni gtso bor rgyal mchog lnga pa chen pos snga 'gyur rgyud 'bum rin po ches mtshon zab kyi chos skor ji snyed pa zhig gsan nas ti shrIr brkur/sde srid sangs rgyas rgya mtsho mgon nas kyang zur lugs kyi lung rgyun bzhes/sa phug 'bri stag sogs chen po'i go sar bzhugs pa'i skye mchog du ma dang/mi chen/bstan pa gsal bar mdzad pa'i bshes gnyan sogs rgangs med dang/de bzhin yab yul dang/'brug yul/'bras ljongs sogs nas dad 'dus kyi skal ldan mchog dman mtha' yas pa byung ngo/_/phyag rtsom la mtshon bka' ma'i skor gyi sgrub dbyings dbang chog sogs dang/bka' bstan gyi gzhung 'grel/rig gnas skor sogs snga na med pa'i legs bshad smad du byung ba'i bstan bco glegs bam pod chen bco lnga tsam bzhugs/dgung grangs re drug phebs pa rab byung bcu gnyis pa'i shing rta (1714)lor gzugs sku'i bkod pa chos dbyings su bsdus so/_

{{#arraymap:gter bdag gling pa

|; |@@@ | | }}