gung ru rgyal mtshan bzang po

gung ru rgyal mtshan bzang po

rje tsong kha pa chen po'i zhal slob gyi nang nas 'phrin las nam mkha' nga mnyam pa'i bu chen bzhi zhes grags pa'i ya gyal zhig yin/mdo stod lho rong du rab byung drug pa'i chu phag (1383)lor 'khrungs/dbus su phebs nas rje tsong kha pa dang/byang sems rwa sgreng pa shAkya bsod nams sogs bsten nas dgung lo nyi shu lhag bzhes skabs rje tsong kha pas mkhan po dang/'dul 'dzin grags pa rgyal mtshan gyis las slob/rgyal tshab rin po ches gsang stong mdzad de bsnyen rdzogs kyi sdom pa bzhes/chen po dwags po ba dang/slob dpon dge legs rgyal mtshan gnyis rtsod pas pham par mdzad/gsang phu'i be ser grwa tshang gi 'chad nyan slob dpon lo shas mdzad rjes se ra'i mkhan por phebs te/de'i zhor la btsun mo tshal gyi dgon pa yang zhor skyong gnang ste long sum cu lhag tsam gyi ring 'chad nyan gyi thugs 'gan bzhes pas slob ma yang grags che ma mkhas grub dpal ldan seng ge dang/sgo mang mkhan po gung ru rin chen byang chub/'brong steng bla ma sangs rgyas tshul khrims/kong po ri kha dgon gyi bla ma grags pa 'od zer/kong po spungs mkhar dgon gyi bla ma rgyal mchog pa sogs mang du byung/lcags rta (1440)lor se ra dgon pa rang du sku gshegs/sku gdung ril por bzhag pa'i gdung rten dngul las bzhengs pa'i dbyen bsdums mchod rten khyim gyi nang rje tsong kha pa'i sku brnyan bzhugs pa de'i nang yod (se ra sngags pa grwa tshang gi steng thog 'od dpag med kyi lha khang gi g.yas ngos su bzhugs pa de yin/gsung rtsom skor/(phar phyin mngon rtogs rgyan gyi mi pham dgongs rgyan/) (mdo sde rgyan gyi 'grel pa/) (dbus mtha' rnam 'byed kyi 'grel pa/) (chos nyin rnam 'byed kyi 'grel pa/) (rgyud bla ma'i 'grel pa/) (dbu ma rtsa ba shes rab kyi 'grel pa/) (dbu ma 'jug pa'i 'grel pa/) (dbu ma'i stong thun/) (tshad ma'i bstan bcos mkhas pa dga' skyed/) (mdzod kyi 'grel pa/) ('dul ba'i spyi don )bcas yod par bla brang a khu rin po che shes rab rgya mtshon mdzad pa'i (dpe rgyun dkon pa 'ga' zhig gi tho yig )las gsungs shing/gsung rtsom de rnams sngon dus se ra smad grwa tsang gi yig cha yin kyang rjes su dar spel ma byung ba ni/rje 'dis mdzad pa'i (dbu ma'i 'grel pa )khang gi nang lta ba sgom tshul thad rje tsong kha pa'i gsung rgyun bkod pa'i zhar la yang na zhes dam pa gzhan gi lta ba'i bzhed tshul rnams grangs tsam du bkod yod par brten mkhas grub rin po che sogs rje tsong kha pa'i dngos slob gzhan gyi dgongs par ma babs pa'i dbang gis dpe rgyun dpar skrun byed rgyur 'gog rkyen byung ba yin zhes gsung srol yod pa'i dbang gis rjes su dga' ldan khri thog nyer gnyis pa ser smad rgyal rong dge 'dun bstan pa dar rgyas mchog ser smad kyi 'chad nyan slob dpon mdzad skabs su phar phyin dang dbu ma gnyis kyi spyi don dang mtha' dpyod bcas cha tshang gsar rtsom mdzad pa yin

{{#arraymap:gung ru rgyal mtshan bzang po

|; |@@@ | | }}