gung thang bla ma zhang

gung thang bla ma zhang

gung thang bla ma zhang brtson 'grus grags pa ni 'khrungs pa'i yul ngam shod tsha grur zhang gi rigs las byung bi yab sngags 'chang rdo rje sems dpa' dang yum mang skyid gnyis kyi sras su bod rab byung gnyis pa'i cha stag (1122)lor sku bltams/rab byung gsum pa'i chu glang (1193)lor gshegs/dgung la don gsum bzhugs/dgung lo lnga drug skabs nas yab kyis dmyal ba'i sdug bsngal bshad pas 'jigs skrag chen po bskyed nas yab la ci phun zhus pas yab kyis phyag dang bskor ba la brtson na phan pa gsung/de nas nyin mtshan kun tu de ltar brtson/lo bdun la son skabs yi ge bslab pas myur bar mkhyen/dgung lo dgu la bye'u stong pa la (mdo sdud pa )dang/(mngon rtogs rgyan )gsan/lo bcu gcig la slob dpon rngog sde/las dgyes pa rdo rje/gum mahA ma ya sogs gsan/'jam dpal gsang ldan la bshad pa mdzad/saM bu lo tsA ba las mngon pa dang/tshad ma sogs gsan/dgung lo bco brgyad la son skabs pha tshan gyis brnyas pa byung bas de dag la lo gsum bar mthu bsgrubs nas tshar bcad/dgung lo nyer gsum la khams su byon nas slob dpon blo ston bya la las sdom pa blangs/lo gcig tsam gyis mngon spyod mdzad/'khor ba la snying po med par gzigs nas 'phro bcad/dgung lo nyer drug la son skabs mkhar 'go pas man po dang grab mkhar bas slob dpon mdzad nas bsnyen par rdzogs/mtshan brtson 'grus grags pa zhes gsol/lo gcig ring la na bza' brje ba ma gtogs sku rags ma bshig par byang chub ltung bshags la thugs dam mdzad cing bzhugs/dpal gra lo chen po sog tu phebs pa'i spyan sngar byon/zhal mthong ba tsam gyis dad pa lhag par skyes/gsang sngags kyi gdams pa mang po zhus/de rjes gegs sel mdzad nas dka' thub kyis ri khrod 'grims/slar lo gsum song rjes dpal rga lo dang mjal/gdams ngag lhag ma gsan/dgung lo sor gsum par dwags sgom pa tshul khrims snying po dang mjal nas dwags pa bka' brgyud kyi chos gsan/lhan gcig skyes sbyor gnang ba bsgom pas shes rab kyi rtsal 'khrungs/gsung rab rnams kyi tshig don mkhyen/slob dpon gyis de thams cad brtag dpyad byas pas shes pa yin pas de brtag dpyad ma byas par rtse gcig tu sgoms shig gsungs pas de bzhin du bsgoms pas stong pa nyid kyi ltab mngon sum du rtogs te 'khor 'das/sa lam/bya byed thams cad gzhi rtsa dang bral ba thugs su chud/dgung lo so gsum pa la dwags sgom tshul khrims snying po dang mjal nas dwags po bka' brgyud kyi chos gsan/de nas lo mang ring ri khrod nges med du sgom sgrub mdzad de nas sku tshe'i dkyil nang sku tshe'i smad du ma slebs bar lho kha dang 'bri khung 'ol kha sa khul gyi sger btsan dpon rigs mang por dmag drangs te kho tsho'i mi sde rnams dbang 'og tu bsdus par mdzad sku tshe'i smad du karma pa dus gsum mkhyen pas re 'dun zhus pa ltar de nas bzung sku tshe ma rdzogs par du dmag mtshams 'jog pa gnang rab byung gsum pa'i shing lug (1175)lor tshal yang dgon dang de nas lo bcu gsum song bar rab byung gsum pa'i me lug (1187)lor gung thang gi dgon par btab nas lha chen dpal 'bar bzhengs de nas dar spel byung chos lugs la tshal pa bka' brgyud zer zhing ming gzhan dwags po bka' brgyud kyang zer sgom pa tshul khrims snying po'i bka' bzhi lha sa'i ra sa 'phrul snang gi gtsug lag khang nyams gso bdag gces dus mchod pa bla na med pa spros te zhabs tog rgya chen por mdzad tshal dang gung thang gnyis ka'i bdag gces dang 'chad nyan rgyu mi chad par mdzad spyir chos 'brel thob pa'i bla ma bzhi bcu rtsa bzhi dang gtso che ba'i bla ma drug ste rtsa mi sangs rgyas grags pa dpal chen rga lo gling kha ba'i lo ma mal yer pa byang sems 'ol kha ba dwags po sgom pa tshul khrims snying po grub tho bai ro tsa na ste de dag gi yon tan bum pa gang byo'i tshul du gsan slob ma yang lha ri ba nam mkha' 'od lha phrug nyi ma 'od kha rag grwa pa 'dul ba 'od 'bri shAkya 'od mnyam med shAkya ye shes brag dkar shes rab ye shes sogs dang 'gro mgon gtsang pa rgya ras sogs mang po yod gsum rtsom zhang rang gi dus phyag bstar ma'i phyag bris ngo ma pod lnga tsam gung thang bla brang gi nang rten du yod 'dug ma dpe de nas bshus pa'i bris ma mi rigs pho brang dang po tA la bla brang bkra shis 'khyil bcas su yod rnam thar rgyas pa ni (deb ther sngon po'i )le tshan (nya)pa'i shog grangs 136nas 138bar dang (chos 'byung mkhas pa'i dga' ston )le tshan (na)pa'i shog grangs 35nas shog grangs 37bar gsal yang tshal pa kun dga' rdo rjes brtsams pa'i (lba ma zhang gi rnam thar rgyas pa )zhig yod ces dkar chag tu 'khod kyang bdag gis da phan ma mthong lags

{{#arraymap:gung thang bla ma zhang

|; |@@@ | | }}