gung thang chos sde chen po

gung thang chos sde chen po

mnga' ris gung thang gi rgyal po khri 'bum lde mgon gyir rab byung lnga pa'i lcags rta (1270)lor gsar bzhengs gnang ba'i gtsug lag khang chen po zhig ste/mnga' ris rdzong dkar nga gi nye 'dabs su yod/gtsug lag khang ka ba drug cu tham pa (sbug gi dri gtsang khang la ka ba nyi shu rtsa bzhi/mdo'i khyams skor la ka ba sum cu so drug )yod pa ka gdan rnams rdo chen brkos ris ma dang/ka ba rnams ka chen sha stag /logs zhal rnams la bla brgyud dang/sangs rgyas/byang sems/yi dam/chos srung bcas kyi ldebs bris ngo mtshar shin tu che ba dang/gtsug lag khang gi bkod pa legs shing brtsig pa sra brtan gyi tshad ni rab byung lnga pa'i lcags rta (1270)lor thog mar bzhengs pa nas rab byung bcu gsum pa'i me yos (1747)lor ka thog rig 'dzin chen po tshe dbang nor bus lor (mnga' ris gung thang gi rgyal rabs )brtsams pa'i lo bar lo bzhi brgya dang bdun cu don bdun song ba dang phyis su gtsug lag khang la bdag gnyer legs po byung med zhig ral rdib 'khyom yo 'chug cung da kyang ma song bar gnas pa 'di na ngo mtshar ba'i yul du snang zhes (rgyal rabs )gong gsal nang 'khod 'dug /gtsug khang lag 'di'i rten gtso bo gser zangs kyi mchod rten bkra shes sgo mang rin po che'i phra rgyan tu son pa slob dpon dbyig gnyen gyi dbu thod dang/mgon po klu sgrub kyi thugs dam rten gser bris kyi brgyad stong pa/slob dpon chen po pad+ma 'byung gnas kyi thugs dam rten rdo rje/lo chen bai ro tsA na'i phyag mkhar/mkha' 'gro ye shes mtsho rgyal gyi sku rgyan sogs rtse che'i rten mang du bzhugs par (mnga' ris gung thang gi rgyal rabs )der gsal

{{#arraymap:gung thang chos sde chen po

|; |@@@ | | }}