gung thang dkon mchog bstan pa'i sgron me

gung thang dkon mchog bstan pa'i sgron me

(gung thang tshang sku phreng gsum pa )mdo smad mdzod dge smad du yab lcags po byams dang yum bo cog gnyis kyi sras su rab byung bcu gsum pa'i chu rta (1762)lor sku 'khrungs/byis pa'i dus nas na mnyam gzhan dang mi 'dra ba'i mkhyen rab kyi rtsal che zhing/kun spyod phun sum tshogs pa mnga'/dgung lo lnga la phebs skabs gung thang mchog sprul rin po che'i yang srid ngos 'dzin zhu mi rnams 'byor bas ngos 'dzin 'khrul med du mdzad/'jam dbyangs bzhad pa rin po che 'jigs med dbang pos gung thung mchog sprul rin po che'i yang srid du thag gcod gnang/dgung lo bdun pa sa byi (1768)lor/bkra shis 'khyil du gdan drangs/'jam dbyangs bzhad pa rin po che 'jigs med dbang po'i drung nas rab byung dang dge tshul chabs cig tu bsgrubs te mtshan la dkon mchog bstan pa'i sgron me zhes gsol/dge ba'i bshes gnyen blo bzang rin chen dge rgan du bsten nas lo lnga'i ring yi ge 'bri klog dang/chos spyod skor dang/gzhung chen po lnga'i rtsa ba sogs thugs 'dzin gan nga/bar gser la 'jam dbyangs bzhad pa rin po che'i drung nas mdo sngags kyi chos rgyun mang po zhig gsan/dgung lo bcu bdun pa sa khyi (1778)lor bod dbus gtsang du slob gnyer la byon nas 'bras spungs sgo mang grwa tshang du chos zhugs thog phar phyin 'dzin gra gzhung gsar nas dbu tshugs te gsan sbyong mdzad/rigs smra'i dbang phyug hor bskal bzang dngos grub dge rgan du bsten nas dgung lo nyi shu rtsa lnga'i bar lo dgu'i ring gzhung chen po gzhan bzhi'i slob gnyer bla chen kun gyi mig dper 'os pa mdzad/dgung lo nyer gcig pa chu stag (1782)lor tA la'i bla ma sku phreng brgyad pa 'jam dpal rgya mtsho'i drung nas dge slong gi sdom pa zhus gnang mdzad de sku tshe'i ring bslab khrims srung sdom mthar phyin pa gnang/dbus su bzhugs ring yongs 'dzin rin po che ye shes rgyal mtshan dang/klong rdol zla ba rin po che gnyis bla ma'i gtso bor bsten nas mdo sngags kyi chos rgyun sngar ma gsan pa mang po zhig gsan/dgung lo nyer lnga pa me rta (1786)lor lha sa smon lam chen mor dge bshes lha rams pa'i mtshan btags grwa skor dam bca' 'gran zla bral ba mdzad/de nas mi rung bar 'jam dbyangs bzhad pa rin po che dang lhan du mdo smad phyogs su phyir phebs gnang ste lo shas rang thugs dam nyams bzhes gtsor 'don thog /dad 'dus slob ma yang ngor rang rang gi 'dod mos dang 'tshams pa'i mdo sngags kyi chos rgyan rgya cher 'chad spel mdzad mur dgung lo so gcig pa chu byi (1792)lor bla brang dpon tshang dang grwa dmangs rnams nas re bskul zhus pa ltar tshogs chen gyi khrir phebs nas lo bdun ring sngar srol dang 'phar ma'i chos rgyun 'chad nyan dang/slob gnyer/sgrigs khrims sogs zhi drag thabs mkhas gang la de 'tshams kyi sgo nas nyams chags byung rigs slar gso dang cung zad gnas pa rnams gong 'phel yong ba'i dam 'dzin nan tan mdzad pas grwa tshogs dang/slob gnyer/bsnyen bkur sogs sngar las lhag pa'i gong 'phel chen po byung/dgung lo so bdun pa sa rta (1789)lor/'jam dbyangs bzhad pa rin po che'i yang srid mchog sprul 'jigs med rgya mtsho gdan sa'i khri la bkod rjes tshogs chen gyi khri'i thugs khur dgongs zhu gnang ste/lo shas ring dgon lung gi khri khur bskyangs/dgung lo zhe gnyis pa chu phag (1803)lor mchod rten mthong gros chen mo gsar bzhengs kyi dbu tshugs nas/dgung lo zhe bzhi pa shing glang (1805)lor yongs su grub ste rab gnas dang dga' ston rgyas par mdzad/dgung lo nga bzhi pa shing phag (1815)lor rong bo phyogs nas bla brang bkra shis 'khyil du dmag chen yong skabs dge 'dun 'gres gzhon sus kyang mtshon cha khyer nas dmag 'thab nang zhugs mi chog pa'i dam bsgrags nan mo gnang bas lha khang 'ga' shas bshig ma gtogs grwa pa su la yang gnod 'tshe ma byung ba'i thog nas dmag dpung rnams phyir log dgos pa byung/gzhan yang mdzod dge dang/co ne/rgyal rong/rnga ba sogs sa gnas mang por gdan drangs pa ltar phebs nas mdo sngags kyi chos rgyun 'chad spel dang/dgon sde khag gi slob gnyer dang sgrigs khrims nyams gso/'khrug rtsod 'dum pa/bya ri dwags nya sogs srog gcod pa spong sdom sogs bstan 'gro'i don rlabs chen mdzad pas slob ma yang bstan 'dzin gyi skyes chen dam pa grangs las 'das pa zhig byung/gsung rtsom skor/gung chen po'i dka' gnad kyi dogs gcod (drangs nges kyi mchan/) (kun gzhi'i mtha' dpyod/) (bden pa bzhi'i rnam bshad/) (rten 'brel gyi mtha' dpyod )sogs gsang sngags kyi skor mang po/(rje bla mar bstod pa don ldan gyi rang 'grel/) (chu dang shing gi bstan bcos/) (rgan byis 'bel gtam/) ('jam dbyangs bzhad pa 'jigs med dbang po'i rnam thar/) (sde ri blo bzang don grub kyi rnam thar/) (thu'u bkwan chos kyi nyi ma'i rnam thar/) (sgo mang mkhan po chos dar gyi rnam thar )sogs gsung rtsom phyogs bsgrigs pod brgyad yod pa de dag bkra shis 'khyil dang lha sa gnyis kar shing dpar yod la/lhag par gsung rtsom mang bi thog blo bar 'bring tha gsum gyi sems rgyud la phan pa'i bka' slob gson nyams ldan pa ha cang mang po yod par brten dbus gtsang khams gsum mdo stod smad bcas pa'i mkhas dbang kun gyis mgrin gcig tu khong la gung thang 'jam dbyangs zhes bsngags brjod dang bcas mtshan brjod zhu gi yod/dgung lo re gnyis pa rab byung bcu gnyis pa'i chu lug (1823)lor dgongs pa gzhan do du gshegs shing /p+saku gdung la na ngo mtshar can 'ga' zhig byon pa rnams dgung na bzhes pa'i nang du bzhugs/lo rgyus skor rgyas pa dbal mang dkon mchog rgyal mtshan gyis mdzad pa'i kha byang du (rgyal ba'i ring lugs pa chen po 'jam dbyangs bla ma dkon mchog bstan pa'i sgron me'i rnam par thar pa dad pa'i pad+mo bzhad pa'i nyin byed )lha sa zhol dpar ma la shog grangs 194yodapa dam pa de'i gsung 'bum lha sa dpar ma'i pod (nya)pa'i mjug tu yod

{{#arraymap:gung thang dkon mchog bstan pa'i sgron me

|; |@@@ | | }}