gzugs med snyoms 'jug bzhi

gzugs med snyoms 'jug bzhi

gcig /nam mkha' mtha' yas skye mched/rnam shes mtha' yas skye mched/ (753) ci yang med pa'i skye mched yon min med min gyi skye mched dang bzhi'o/_/(chos kyi rnam grangs kyi brjed byang )las 1 nam mkha' mtha' yas skye mched ni chos thams cad so sor bshig na dngos po med de nam mkha' tsam du zad la nam mkha' de yang mtha' yas so snyam du sems pa ni nam mkha' mtha' yas skye mched ces bya'o/_/2 rnam shes mtha' yas skye mched ni chos thams cad nam mkha' tsam du zad la nam mkha' de yang mtha' yas snyam du dmigs pa'i 'du shes dang 'grogs pa'i rnam par shes pa de yang na nam mkha' bzhin du mtha' yas so snyam du mos pa'i ting nge 'dzin ni rnam shes mtha' yas skye mched ces bya'o/_/3 ci yang med pa'i skye mched ni rnam shes mtha' yas skye mched las langs nas rnam par shes pa las pha rol na dmigs par bya ba ci yod ces brtags na gzugs can dang gzugs med pa'i chos cung zad kyang yod par ma mthong nas ci yang med do snyam du mos shing snyoms par zhugs pa ni ci yang med pa'i skye mched ces bya'o/_/4 yod min med min gyi skye mched ni ci yang med pa'i skye mched las langs nas 'du shes 'di ni nad dang shu ba dang zug rngu lta bu'o zhes brtags te 'du shes bkag nas je phra je phrar gyur pa dang 'du shes 'i gtan med na yang rmongs par 'gyur te mi rung ngo snyam nas 'du shes shin tu phra ba la gnas te snyoms par zhugs pa ni 'du shes rags pa yod pa yang ma yin la gtan med pa yang ma yin pas yod min med min gyi skye mched ces bya'o/_/zhes gsungs so/_/gnyis (shes ldan yid kyi dga' ston )las nam mkha' mtha' yas snyoms 'jug srid rtse'i snyoms 'jug dang bzhi'o/_/zhes drang ngo/_/gsum (grangs 'dren me tog phreng spel )las nam mkha' mtha' yas skye mched rnam shes mtha' yas skye mched ci yang med pa'i skye mched 'du shes med 'du shes med min gyi skye mched dang bzhi'o/_/zhes gsungs so/_/'di dang gzugs med rigs bzhi dang gzugs med skye mched bzhi rnams don gcig

{{#arraymap:gzugs med snyoms 'jug bzhi

|; |@@@ | | }}