jing gir rgyal po

jing gir rgyal po

mong gol gyi rgyal sras ye su khe'u (WP:1,194)bA thur la btsun mo ru lun nam u ste lan dang/tha nag shi zer ba gnyis yod pa'i chen ma la bu bzhi dang/bu mo gcig /gcung ha bo tho ha sar/hang tho ha cha'i go o'i tho o chi go/bu mo thu me lun go/chun ma la bu/su he beg ther dang su he bel geg te gnyis bcas drug yod pa'i bu che ba the mu ces zer ba (jing ger rgyal po )'di nyid rab byung gsum pa'i chu rta (1162)lo la skyes/(deb ther dmar po )dang/(deb ther sngon po )sogs mang po zhig gi nang rab byung gsum pa'i cha stag (1182)lor skyes par bshad pa sog yig gi lo rgyus khungs dag dang mthun gyi med par sum pa mkhan chen gyis gsungs 'dug )rang lo bcu bdun la slebs pa'i rab byung gsum pa la sa khyi (1178)lor phas aung go don gyi sa cha'i hong khi rad (ong khi rad )kyi tA ni che chen gyi bu mo por tA cung shin zer ba btsun mor blangs/rang lo nyer brgyad du slebs pa'i rab byung gsum pa'i sa bya (1189)lor yul khyad par du 'phags pa kher lun mu ran gyi 'gram du gnas pa'i sde khri phrag bzhi bcu yod pa zhig gi rgyal po byas/de'i nyin mo nas bzung nyi ma gsum gyi bar du byi'u sngar mthong ma myong ba gshog sgro'i kha dog 'ja' tshon ltar bkra zhing skad snyan pa zhig shar ngos kyi pha bong gra bzhi pa zhig gi steng du babs nas ching ger zhes pa'i skad lan gsum bsgrags pas bkra shis pa'i rtags mtshan du brtsis te rgyal po'i ming la ching ger rgyal po (tha'i tshu zhing u hwang d+hi )zer ba 'od pa 'di nyid hor yul gyi rgyal po dngos kyi thog mar gyur/rang lo nyer dgu pa rab byung gsum pa'i lcags khyi (1190)lor man ju jar chid kyi rgyal po zon wang (wan zun )'bangs dang bcas pa khug rta khri dang/byi la stong gi rnga ma mer bsreg ste 'khar gtor/rang lo so gcig pa rab yung gsum pa'i chu byi (1192)lor so lon gos kyi rgyal po cha gan zer ba dbang du bsdus te/de'i bu mo ho lan gwa ze ba btsun mor blangs/rang lo so gsum pa rab byung gsum pa'i shing stag (1194)lor rgya nag gi rgyal po al than zer ba yul nas bton te rgya nag gi sa chu mu ji bcu gsum mnga' 'og tu bsdus/de'i phyi lo rab byung gsum pa'i shing yol (1195)lor thod dkar ram rgya ser gyi rgyal po sul te zer ba bsad nas de'i mnga' khongs thams cad mnga' 'og tu bsdus/rang lo so bdun pa rab byung gsum pa'i sa rta (1198)lor khe rid kyi rgyal po yug gi srid dbang phrogs/rang lo so dgu pa rab byung gsum pa'i lcags sprel (1200)lor na'i man pa ta gin gyi rgyal po tA yan zer ba sa mthar bskrad nas de'i mnga' 'bangs dbang 'og tu bsdus/rang lo zhe gcig pa rang byung gsum pa'i chu khyi (1202)lor hor lus kyi rgyal po nA ris zer ba gson por bzung te de yi srid dbang phrogs/rang lo zhe gsum pa rab byung gsum pa'i shing byi (1204)lor ta ri lig zer ba'i rgyal po sar la lang zer ba dmag dpung stobs dang ldan pa des tshur rgol byung ba dmag dpon mo ta'i sogs dmag dpung dang bcas pa mngags te pham nyes btang nas mnga' 'og tu bsdus/(sum pa chos 'byung dpar bsam ljon bzang )(lcags dpar ma'i shog grangs 965)sogs las rang lo zhe lnga pa rab byung gsum pa'i me stag (1206)lor bod dbus su slebs skabs/sde srid ngo dga' dang tshan pa'i dpon rigs (skabs 'dir bod yig gi lo rgyug khag gcig nang tshal pa kun dga' rdo rje zhes bris kyang tshal pa kun dga' rdo rje gzhan zhig yin na ni der zad la (deb ther mar po )rtsom pa po tshal pa kun dga' rdo rje ni min te/de ni tA li byang chub rgyal mtshan dang dus mnyam par (deb ther dmar po )dang (si tu'i bka' chems )sogs lo rgyus khungs ldan mang por bshad pas rtsa ba nas dus mi tshungs so )sogs mi grangs sum brgya'i bsu ba dang sne len rgya cher byas te/mnga' ris skor gsum/dbus gtsang ru bzhi/mdo khams sgang gsum bcas yongs rdzogs phul nas mgo btags/skabs de rag tsang gi sa skya'i bla ma (skabs 'dir lo rgyus mang po zhig tu jing ger han dang yi ge'i 'brel ba byung ba'i sa skya'i bla ma ni sa chen kun dga' snying po yin zhes bshad 'dug kyang/jing ger han gyis bod du dmag dpung btang ba'i lo ni yod kyi rab byung gsum pa'i me stag (1206)lor yin pas skabs der sa chen kun dga' snying po gshegs nas lo zhe brgyad/sa chen bsod nams rtse mo gshegs nas lo nyi shu rtsa lnga/rje btsun grags pa rgyal mtshan dgung lo drug cur phebs pa'i skabs yin pas jing ger han gyis 'brel ba byung sa'i sa skya'i bla ma ni nges par du rje btsun grags pa rgyal mtshan yin dgos par 'dug pas lo rgyus smra ba'i mkhas pa rnams kyis dpyad par zhu )la chab shog dang skyes bcas pa'i mi snang mngags nas da dung nga rgyal srid kyi bya ba'i rigs kyi dmag las 'ga' zhig mtshar bas de mthar phyin tshe/khyed sras bcas kyis hor yul du rgyal bstan spel dgos zhes bshad pa tsam las/skabs der dngos su ma phrad kyang ring mo nas bla mar bzung/bod mi kun khral gi nang nas bton/rang lo zhe drug pa rang byung bzhi pa'i me yos (1207)lorasar tha ga chen gyi rgyal po ya ma pA ga'i srog phrogs nas mnga' 'bangs dbang du bsdus/dbus gtsang nas rten gsum mang po gdan drangs/sog sde'i khrod nas chos byed mkhan thog mar byung bas sgo yul du chos dar 'go tshugs/rang lo nga lnga pa rab byung bzhi pa'i me byi (1216)lor (hor chos 'byung )las re drug pa me phag lor zhe gsal )stag gi zla ba'i yang ngo'i tshes bco brgyad la bod mi nyag gi yul du dmag drangs nas rab byung bzhi pa'i me phag (1227)lor mi nyag rgyal thog dgu pa rdo rje dpal lam sog skad la tho cel zhi tur gu ta gan zer ba bsad nas yul sde thams cad mnga' 'og tu bsdus/de'i dga' ston rten 'brel byas pa'i zla ba de la hor zla dang po zer ba'i srol de nas byung/rjes su the cem gyi btsun mo a ne gan gyis rgyal po bkrong par 'dod nas gnod 'tshe sa kyang bkrongs ma thub par skrag nas ha ra u su zer ba'i cha nag la mchongs nas gum pas chu de la ha thun zer/de nas lo re drug la slebs pa rab byung bzhi pa'i me phag (1227)lor gtsang pa dung khur ba dbang phyug bkra shis la chos nyan/bad de shed skyed kyi 'ja' sa zer ba khyab bsgrags byas/lo de'i zla ba bdun pa'i yar ngo'i tshes sum cu nyin mi nyag (WP:1,194)tu 'das/yon rgyal rabs btsugs rjes yon tha'e tsu'u (WP:1,194)zhes mtshan bstod byas/(hor chos 'byung )las yar ngo'i tshes bcu gnyis zhes gsal/'di la (deb ther dmar po )ru/jing ger rgyal po chu stag po la skyes pa lo re drug pa me stag la 'das zer ba yig nor yin te/skyes lo chu stag nas rtsis pa'i re drug pa me tog ma gtogs/me stag rtsa ba nas khel mi srid/yang (deb ther sngon po )lcags dpar ma'i shog grangs 82pa'i thog stag lo nas rtsis pa'i drug cu re gcig pa chu stag la 'das zhes gsal yang/'di skor sum pa mkhan pos mdzad pa'i (chos 'byung dpag bsam ljon bzang )dang (hor chos 'byung )gnyis las bshad pa rnams khungs dag par bsam nas de ltar du bris

{{#arraymap:jing gir rgyal po

|; |@@@ | | }}