khams gong ma

khams gong ma

gzugs khams dang gzugs med kyi khams gnyis so/_/de la gzugs khams ni/'dod pa'i khams la chags pa dang bral zhing gzugs khams la chags pa dang bcas pa'o/_/de yang gong du brjod pa'i 'dod khams kyi gnas mtho shos gzhan 'phrul dbang byed kyang steng gi nang mkha' la steng nas steng du brtsegs te gzugs khams gnas ris bcu bdun gnas pa las/yas rim bzhin bsam gtan dang po'i gnas tshangs ris/tshangs bdun/tshangs chen gsum/bsam gtan gnyis pa'i gnas 'od chung/tshad med 'od/'od gsal gsum/bsam gtan gsum pa'i gnas dge chung/tshad med dge/dge rgyas gsum/bsam gtan gzhi pa la gnas brgyad yod pa las/so skye'i gnas gsum ste sprin med/bsod nams skye/'bras bu che ba dang/'phags pa'i gnas gtsang lnga ste mi che ba/mi gdung ba/gya nom pa/shin tu mthong ba /'og min bcas so/_/de dag las mi che ba nas 'og min bar ni 'phags pa rnams kho der skye bas gnas gtsang mar grags so/_/gzugs med khams ni/gzugs khams la 'dod chags dang bral bar gyur la/gzugs med pa la 'dod chags dang bcas pa'o/_/de yang gzugs med man mkha' mtha' yas nas srid rtse'i bar gyi skye mched mu bzhi ste/gzugs kyi 'du shes med par nam mkha' tsam mtha' yas so zhes ting nge 'dzin gyi snyoms par zhugs pa nam mkha' mtha' yas pa dang/nam mkha'i 'du shes kyang bkag ste rnam shes mtha' yas so snyam pa'i 'du shes pa rnams shes mtha' yas dang/de yang bka' ste ci yang med do snyam pa'i 'du shes pa ci yang med pa dang/de yang bkag ste yod min med min tsam du gnas pa srid pa'i rtse mo'o/_/de ltar gzugs med bzhi ni lus can ma yin pa'i phyir gnas logs su med kyang sems kyi ting nge 'dzin gyi bye brag gis rnam pa bzhir 'byed 'i sgo nas bzhag pa yin te/yul gang du snyoms 'jug de thob nas shi 'phos pa rnams de nyid du de grub pa'i phyir ro/_

{{#arraymap:khams gong ma

|; |@@@ | | }}