khams pa nyi ma grags

khams pa nyi ma grags

gsang sngags snga 'gyur gyi gter chen brgya rtsa brgyad kyi nang tshan zhig ste/rab byung bcu gcig pa'i me phag (1647)lor mdo stod zal mo sgang gi khongs sgom sde nang chen gyi cha shas ban ru gru ya zhes par yab byams me dpon po karma rnam rgyal dang/yum bla bzang bsod nams mtsho gnyis kyi sras su 'khrungs/chung ngu'i dus su sku skye sngon ma dran pa'i gsung thol byung du gnang ba sogs byis pa spyir btang dang mi ra/grub dbang rdzogs chen pad+ma rig 'dzin gyi drung du lo bco brgyad tsam bsten nas chos mang po gsan/gter chen rig 'dzin bdud 'dul rdo rjes 'pho lung pa karma bsam grub kyi sprul sku 'khril med yin par ngos 'dzin gnang zhing/gter ston rang nyid kyi chos bdag kyang yin par zhal gyis bzhes te dbang lung 'ga' zhig gnang/grub dbang rin po che las yongs rdzogs dge bsnyen gyi sdom pa bzhes/dgung lo bco brgyad pa shing 'brug (1664)lor grub dbang rin po che dang lhan du dbus gtsang la phebs/dbus gtsang gi gnas rten rnams mjal ba'i zhor la rdo rje brag rig 'dzin pad+ma 'phrin las/zhig po gling pa/smra bo lcog /mnga' bdag chos kyi dbang po/ras chung sprul sku sogs kyi drung nas gsang sngags snga 'gyur gyi chos bka' mtha' yas pa gsan/dgung lo nyer gnyis pa sa sprel (1668)lor grub dang rin po che dang lhan du rtsA rir gnas gzigs dang sbrags lo gsum sku mtshams mdzad cing/zhor la rdzogs chen skor gyi snyan brgyud man ngag mang po gsan nas nyams bzhes mdzad/dgung lo nyer brgyad pa shing stag (1674)lor khams khul sring mo rdzong nas rdzogs chen rtsa gsum gsang ba snying thig gi chos skor dang/sku rten 'ga' zhig gter nas bzhes/gzhan yang gangs ti se/mon/nags shod/rgya gar rtsa mchog grong sogs gter gnas mang po nas gter bzhes shing/gter kha 'ga' zhig bar chad kyi dbang du song nas bzhes ma thub pa phud/gter bzhes gnang grub pa'i rigs rnams lo shas ring gsang rgya dam po'i sgo nas nyams bzhes grub rjes slob ma nyung shang la 'chad spel mdzad cing/dgung lo so gnyis pa sa rta (1678)lor nags shong chags ru phug nag tu so gsum tsam bzhugs te gnas gzhi bzung ba'i rten 'brel bsgrigs/dgung lo zhe bdun pa chu bya (1693)lor stag mo sgang gi dgon pa bskal bzang phun tshogs gling phyag btab/dgung lo nga bdun pa chu lug (1703)lor nags shong khul du chags ru 'od gsal sgrub sde phyag btab/dgung lo re bzhi pa lcags stag (1710)lor sku gshegs/sku gdung zhugs 'bul ma byas par dmar gdung bzhugs pa'i gser dgung bzhengs/gsung rtsom pod gnyis tsam yod ces rnam thar du gsal/rnam thar skor rang nyid kyis gsungs pa rgyas bsdus gnyis dang/zhal slob bskal bzang dbang ldan gyis mdzad pa'i rnam thar chen mo yod/rnam thar cung zad gsal ba stag sgang mkhan chen ngag dbang blo gros sam gu ru bkra shis kyang zhu ba des mdzad pa'i (gu bkra chos 'byung )lcags dpar ma'i shog grangs 820nas 860bar gsal ba der gzigs

{{#arraymap:khams pa nyi ma grags

|; |@@@ | | }}