khang gsar ngag dbang thub bstan chos kyi dbang phyug

khang gsar ngag dbang thub bstan chos kyi dbang phyug

rje 'di nyid ni bod ljongs lha sa grong khyer gyi shar phyogs sbra nag zhol (rnam rgyal ra )du jur nang gi rigs las yab skal bzang don grub dang yum lha mo sgrol ma gnyis kyi sras su bod rab byung bco lnga pa'i sa pho byi ba (1888)lor sku bltams/skabs der srid skyong rta tshag ngag dbang dpal ldan bstan pa'i rgyal mtshan mchog gi sprul sku zhi bar gshegs nas ring por gyur skabs tshang mas srid skyong dam pa'i yang srid du dogs shing dpyod par byas na'ang rkyen gzhan gyi dbang gis mkhan chen mkhyen par bstan pa chos 'phel mchog nas sgo mang mkhan po blo bzang rnam rgyal gyi yang srid du ngos 'dzin mdzad de dgung lo bdun du phebs pa'i tshe dpal ldan 'bras spungs su chibs zhal bsgyur thog wa shul khang gsar du gtan bzhugs mdzad pas khang gsar rin po che zhes mtshan chags/de nas sgo mang gi chos grwa zhabs ser bkod pa dang 'brel dge ba'i bshes gnyen chen po har gdong byams pa chos 'dzin rigs kyi cod ngan du bzhes/gzhung bka' pod lngar slob gnyer thob mas dpyis phyin pa mdzad mthar shing 'brug (1904)lor lha ldan smon lam chen mo'i skabs dge bshes kyi mtshan rtags bzhes/de nas gsang chen rdo rje theg pa'i dka' ba'i gdan mtha' dag la thos bsam phu thag chod pa zhig bya'o dgongs nas dpal ldan smad rgyud du zhabs ser bkod de 'jug sgo'i rim pa rnams kyang srol lam ltar mdzad/snga rjes rgyal mchog sku phreng bu gsum pa thub bstan rgya mtsho las dang tshul sdom pa dang bsnyen par rdzogs pa'i sdom pa yang dag pa nod/gzhan yang rgyal mchog thub tan rgya mtsho dang/'bul bsdus blo bzang ye shes bstan pa'i rgyal mtshan/sgo mang mkhan chen mkhyen rab bstan pa chos 'phel/gser skong ngag dbang tshul khrims don ldan/stag brag ngag dbang gsum rab mthu stobs bstan pa'i rgyal mtshan/pha bong kha pa dpal bde chen snying po/bka' 'gyur ba chen po blo bzang don ldan/stag phu ngag dbang ba bzang 'jam dpal bstan pa'i dngos grub sogs las dbang lung rjes gnang/man ngag sogs bum pa gang bya'o tshul du gsan/dad ldan ser skya mchog dman mtha' dag nas gsol btab pa bzhin zab pa dang rgya che ba'i dam pa'i chos brjod kyis mi langs pa bstsal zhing/de yang mtshon tsam glang na bka' 'gyur snar thang dpar ma'i steng nas snga phyi ljags lung tshor bcu gcig dang phyed tsam dang/tsong kha pa yab sras gsum gyi gsum 'bum ljags lung tshar bcu gcig tsam/bde lam dang/myur lam/'jam dpal zhal lung la sogs pa'i bshad khrid dang nyams khrid snga phyi thengs mang bstsal/de ltar rje 'di nyid kyis sku tshe nam 'khyol gyi bar du 'dod chung thog shes kho na mdzad de bla brang dang ga mdzod zer ba lta ci bzhugs gnas kyang gnas gcar ram gang gla stsal ba las gtan du bdag pa'i bzhugs gnas med la mchog dman kun la snyoms par mdzad pa las sbyin bdag dang ltos bcas yin zhes nye dga' phyogs lhung gi rigs zhar yang mi mdzad cing/snga phyi kun tu bka' slob las ram nyid la gdeng tshod gang yang med par gzhan dag shi gson mang pos 'di phyi ri ltos kyi skyabs bsngo zhu mi ra 'ong mdog mang po gtan nas byed rgyu med/gar te u tshugs byas pas dngos po cung zad len dgos pa byung na'ang phyis chud zos su ma song bar dge phyogs kho nar smin pa byed dgos zhes stsal ba ltar dad gshin gyi rdzas rnams dus dang gnas skabs kun tu spongs bar mdzad pa dang/gsum chos skabs su'ang rtag tu spyir ser skya tshang mas dge sdig gi blang dor ma 'dzol ba/khyad par rab tu byung ba rnams kyis bslab sdom la gces spras/chos 'grims blo gsal ba rnams kyis byed sgo'i rim pa la sogs pa bstan 'gror sman nges kyi bka' slob tsha 'jam du ma'i sgo nas bstsal te bstan pa rin po che rmang nas gso bar mdzad la/da dung sku tshe'i smad du dpal dul kyi 'khor lo zur bka'i dbang gi rgyun shin tu nyag phrag bar gyur rkyen dbang 'di'i rgyun 'dzin nus nges kyi skyes bu dam pa 'ga' la dbang lan zhig bskur bar dgongs nas lha klu dga' tshal du dus 'khor gyi dbang zhib rgyas bstsal mthar de'i rgyun las rje nyid kyi sras kyi bu tho yongs 'dzin gling rin po che mchog nas tA la'i bla ma sku phreng bcu bzhi par 'di'i dbang bzhi rdzogs pa bum pa gang byo'i tshul du phul te da lta'i bar rgyun bsrings nyams med du 'phel bzhin pa 'di ltar lags/de nas sku khams kyi bab lci ba'i tshul bzhes pa na sku'i gam bcar bsogs kyis re zhig sku tshe zhabs pad brtan par bzhugs su gsol zhes gsol ba na da ngas gzhon so dkar gyi dus nas da bar rnyed bkur snyan grags sogs tshe 'di'i rnam par rtog pas ma bslad par bstan pa la gang phan bgyis pa yin pas 'gyod pa med/da mi shi khar da dung yun ring sdod dgos zer ba de las bsun pa mi 'dug ces zhal bzhes ma thob/yang skabs shig na gam bcar ba tshos ci ste 'tsho gzhes mi mdzad na bstan 'gro'i mgon du yang srid 'khrul bral myur du byon pa zhes nan du gsol bar gzhad mo dang bcas te de tsho skyes bu dam pa grub pa'i go 'phang mthon por gshegs pa'i skad cha red/nga ni las dkar nag gi rjes su 'a brang ba las 'di nas 'dir 'a gro/de nas 'di byas kyi gdeng gang na yong/phyis khang gsar ra'i skye sprul zer ba ngos 'dzin dang bdag sprod gtan nas mi dgos zhes nan bstud kyis bstsal/de nas ring por mi thogs par bod rab byung bcu drug pa'i lcags mo sbrul (1941)lo'i gshegs/mdzad rnam cung rgyas tsam zhig ri 'bur bas mdzad pa'i (rigs dang dkyil 'khor rgya mtsho'i khyab bdag rje bla ma khang gsar rdo rje 'chang ngag dbang thub bstan chos kyi dbang phyug dpal bzang po'i rnam par thar pa mdo tsam brjod pa ut+pa la'i do shal )zhes par gsal

{{#arraymap:khang gsar ngag dbang thub bstan chos kyi dbang phyug

|; |@@@ | | }}