khri chen byams pa chos grags

khri chen byams pa chos grags

(dga' ldan khri thog dgu bcu pa )mdo khams tre hor brag 'go khul du 'khrungs/dbus su byon nas 'bras spungs blo gsal gling tre hor khang tshan du chos zhugs mdzad/gzhung chen po lnga'i slob gnyer yang rtser son pa gnang nas dge bshes lha rams pa'i mtshan bzhes dang/de nas rgyud smad du sgrigs zhugs thog rim bzhin bla ma dbu mdzad dang/mkhan po/byang rtse chos rje bcas kyi khri la phebs/tA la'i bla ma sku phreng bcu gsum pas bka' mngags phebs pa ltar bal yul mchod rten 'phags pa shing kun nyams gso dang rab gnas kyi slob dpon du phebs te ngo mtshar che ba'i rtags mtshan phyi nang mi rigs kun gyi mthong chos su gyur/rab byung bco lnga pa'i lcags bya (1921)lor/dga' ldan gyi khrir phebs nas lo bdun bar bskyangs/khri pa'i 'gan bzhes gnang ring mdzad sgo'i skabs khri pa'i thob thang gi chas gos dang/zhabs gras kyi rigs sogs rgyas spros med pa'i bab chags stabs bde zhig dang/rgyun du gzims khang nang bka' gdams pa'i dge ba'i bshes gnyen rnams kyi mdzad spyod grwa rkyang dkyus ma lta bur bzhugs te/zhabs zhu'i rigs kyang skabs 'phral dge phrug so sor zhal bkod gnang ba ma gtogs gsol gzims ma byan sogs kyi rnam grangs mang po'i ming 'dogs rigs gtan nas mdzad srol med pa dang/'bul dngos gang byung skabs 'phral lha khang gsar bzhengs dang/dge 'dun gyi bsnyen bkur/grwa rkyang dbul phongs rigs la zas gos kyi mthun rkyen sogs la gtong gnang mdzad pa dang/bdag 'dzin gnang ba'i dngos po gang yang gsog 'jog mi gnang yang/phyag tu byung ba'i dngos nor yod tshad chud zos gtong ba'i rigs kyang mi mdzad par rnam dkar dge ba'i phyogs su gtong gang thub mdzad pa'i khyad chos ngo mtshar ldan pa zhig yod/de sngon dga' ldan khri pa'i bla brang la bdag dbang yod na yang dam pa 'dis khri thog khang gi mchod rgyun gtong sgo phud pa'i yong 'bab lhag ma gang yod tA la'i bla ma sku phreng bcu gsum par phul nas dga' ldan ston chos chen mo gsar 'dzugs kyi mthun rkyen du sbyor gnang mdzad pas slob gnyer gong 'phel gyi phan 'bras chen po thob thub pa byung/dgung lo brgyad cu gya brgyad pa la phebs pa na sku gshegs zhes yig cha 'ga' zhig nang 'khod pa dang/kho bo grwa sar sdod pa'i lo gnyis pa ste rab byung bcu drug pa'i me glang (1937)lor khri zur rin po che 'di nyid sku gshegs tshul go thos byung ba gzhir bzung nas sku 'khrungs pa'i lo ni rab byung bcu bzhi pa'i lcags khyi (1805)lo yin par snang/rnam thar zur 'khod kyi yig cha ma mthong lags

{{#arraymap:khri chen byams pa chos grags

|; |@@@ | | }}