khri chen dge 'dun phun tshogs

khri chen dge 'dun phun tshogs

(dga' ldan khri thog lnga bcu pa )mdo smad gcal zhes bya ba'i yul du dbal shul gyi rigs las/yab 'bum phyug dang/yum rdo rje mkha' 'gro gnyis kyi sras su bar byung bcu gcig pa'i sa byi (1648)lor sku 'khrungs/(dbal mang rin po che dkon ma chog rgyal mtshan gyis mdzad pa'i (bla brang bkra shis 'khyil gyi gdan rabs )las 'khrungs lo shing sbrul yin par gsungs pa brtag) dgung lo chung dus nas rab tu byung ste chos sgor zhugs/dgung lo bco lnga pa chu stag (1662)lor dbus su byon nas 'bras spungs sgo mang bya brag khang tshan du chos zhugs mdzad de gzhung chen po sngar gsan sbyong mthar phyin pa mdzad/gser dbar nam byung la tA la'i bla ma sku phreng lnga pa rin po che/khri chen blo gros rgya mtsho/bka' 'gyur ba sbyin pa rgya mtsho/gtsang pa ngag dbang sbyin pa/'jam dbyangs bshad pa'i rdo rje ngag dbang brtson 'grus sogs bla mar bsten nas mdo sngags kyi chos rgyan ha cang mang po gsan/dge bshes lha rams ka'i mtshan btags grwa skor dam bca' 'gran zla bral ba gnang ste/rgyud smad grwa tshang du sgrigs zhugs mdzad nas/rgyud pa'i sgrig srol dang/cho ga phyag bzhes/khrid skyod sogs la byang chub par mdzad/rim bzhin rgyud smad bla ma dbu mdzad dang mkhan po'i khrir phebs/mkhan po mdzad ring bde chen gsang sngags mkhar rgyud smad 'du khang dang/lha sa'i rgyud smad 'du khang bcas gsar rgyag mdzad/byang rtse chos rje'i khri thog mdzad ring ('grel pa bzhi sbrags )la slar yang zhus dag nan tan gnang ste shing dpar gsar bskrun gnang/dgung lo re lnga pa rab byung bcu gnyis pa'i chu 'brug (1712)lor dga' ldan khrir phebs/khri pa'i rgyun ldan gyi mdzad sgo gong 'phel thog /dad 'dus slob ma rnams la rang rang gi 'dod mos dang mtshams pa'i chos bka' mang du gnang bas zhal slob grags pa can mang po byung/dga' ldan khri ma gnang ring mtsho sngon ching wang blo bzang bstan 'dzin la bka' gnang ste/rje bla ma'i dngul gdul gyi phyi nas gser sbyangs kyis g.yogs te gser gdung du bsgyur/dga' ldan khri pa'i lo dus gtsang nas sa gnas srid gzhung dang/dpon rigs khag nas re bskul zhus pa ltar tshal gung thang gtsug lag khang dgon pa dang bcas pa'i 'dzin bdag nang gnas zhig g.yo dang/gsar bzhengs sogs gang la gang 'os kyi 'dzin skyong tshags su tshud pa mdzad nas/dgung lo don bdun pa rab byung bcu gnyis pa'i shing sbrul (1725)lor tshal gung thang du sku gshegs/khri chen de'i sku phreng rim byon rnams la gung thang tshang zhes zhu ba'i rgyu mtshan yang de ltar yin/sku rus la rten ngo mtshar can mang du byon pa rnams bde chen gsang sngags mkhar dang/bla brang bkra shis 'khyil du gdan drangs nas sku brnyan khag gi nang rten du bzhugs/rnam thar skor/ser smad mkhan po grags pa mkhas grub kyis mdzad pa'i (dga' ldan khri chen rim byon gyi rnam thar )le tshan (nga)par shog grangs drug yod/de rjes sku phreng gnyis pa ngag dbang bstan pa'i rgyal mtshan rab byung bcu gnyis pa'i me lug (1727)lor sku 'khrugs nas dgung lo so gsum pa rab byung bcu gsum pa'i me yos (1759)lor sku gshegs/sku phreng gsum pa dkon mchog bstan pa'i sgron me rab byung bcu gsum pa'i chu rta (1662)lor sku 'khrungs nas dgung lo re gnyis pa rab byung bcu bzhi pa'i chu lug (1823)lor sku gshegs/sku phreng bzhi pa dkon mchog bstan pa'i rgya mtsho rab byung bcu bzhi pa'i shing sprel (1824)lor sku 'khrungs te dgung lo so drug pa rab byung de ga'i sa lug (1859)lor sku gshegs/sku phreng lnga pa 'jam dbyangs bstan pa'i nyi ma rab byung bcu bzhi pa'i lcags sprel (1860)lor sku 'khrungs nas rab byung bco lnga pa'i smad du sku gshegs/sku phreng drug pa da lta'i mchog sprul rin po che 'jigs med bstan pa'i dbang phyug rab byung bco lnga pa'i me stag (1926)lor stag zla/stag nyi/stag gi dus bcas stag gzhi 'dzoms la sku 'khrungs/da lta dgung lo bdun cu pa bstan 'gro'i mgon du sku tshe zhabs pad brtan bzhin par bzhugs so/_/sku phreng so so'i mdzad rnam cung zhib pa gsham du ga sde'i (gung )nang gsal ba der gzigs

{{#arraymap:khri chen dge 'dun phun tshogs

|; |@@@ | | }}