khri chen paN chen bsod nams grags pa

khri chen paN chen bsod nams grags pa

(dga' ldan khri thog bco lnga pa )rtsed thang gi nye 'dabs nang par lam pa'i sras su rab byung brgyad pa'i sa khyi (1478)lor 'khrungs/rtsed thang las chen bsod nams bkra shis las rab byung bzhes pa'i mtshan la bsod nams grags pa zhes gsol zhes lo rgyus gzhan zhig las gsal yang/rang nyid kyis mdzad pa'i (bka' gdams gsar rnying gi chos 'byung )las/'od sna'i bla ma la rab byung gi mkhan po zhus zhes gsungs yod pa ma zad/paN chen gyi dngos slob bya bral lha dbang rgya mtshos mdzad pa'i rnam thar las/rtsed thang las chen pa'i drung du dge bsnyen gyi sdom pa bzhes pa'i mtshan la bsod nams grags pa zhes btags par gsungs pa de rang khungs btsan par snang/rtsed thang chos sde dang/g.ya' bzang dgon pa gnyis su phar phyin dang rnam 'grel la sbyangs nas grwa skor yang mdzad/dgung lo bcu drug pa chu glang (1493)lor se ra theg chen gling du chos zhugs gnang thog /kun mkhyen don yod dpal bzang yongs 'dzin du bsten nas lo bcu gnyis bar tshad ma dang dbu ma'i bshad pa/gzhan yang rje tsong kha pa nas brgyud pa'i mdo sngags kyi chos skaur cha tshang bar gsan/gnyal ston dpal 'byor lhun grub sogs dge ba'i bshes gnyen mang po bsten nas mdo sngags kyi chos rgyun mtha' yas pa gsan/gzhan yang rtsed thang las chen kun dga' rgyal mtshan/thon pa mkhas btsun yon tan rgya mtsho sogs kyi drung nas bka' gdams kyi chos skor mang po gsan/dgung lo so gcig pa rab byung dgu pa'i sa 'brug (1508)lor rgyud stod grwa tshang du sgrig zhugs thog /mkhan chen chos ldan blo gros pa bla mar bsten nas gnang bde 'jigs gsum gyi rgyud 'grel bshad pa dang/bskyed rdzogs kyi khrid/ngan ngag phyag len dang bcas tshang bar gsan/dgung lo so bzhi pa rab byung dgu pa'i chu sprel (1512)lor rgyud stod grwa tshang gi mkhan po'i khrir phebs nas lo bcu gsum ring rgyud kyi 'chad nyan dang/bskyed rdzogs kyi khrid sogs sngar srol nyams med gong 'phel thog /dge 'dun gyi 'tsho ba'i mthun rkyen ja tshul 'dzugs pa dang/'du khang gsar bzhengs sogs chos srid gnyis kyi sgo nas legs par bskyangs/dgung lo so drug pa shing khyi (1514)lor/(gsang ba 'dus pa'i bskyed rdzogs kyi khrid yig mkhas pa'i yid 'phrog )brtsams/dgung lo zhe bdun pa shing sprel (1524)lor/rgyal dbang dge 'dun rgya mtshos bka' gnang ba ltar 'bras spungs blo gsal gling gi mkhan po lo gcig lhag tsam mdzad/de'i ring (phar phyin spyi don yum don gsal ba'i sgron me )brtsams/de rjes dga' ldan shar rtse grwa tshang gi mkhan por phebs/grwa tshang khag gnyis zung 'brel du skyong bar mdzad cing/dgung lo nga gcig pa sa byi (1528)lor (dbu ma'i spyi don zab don gsal ba'i sgron me )brtsams/de'i phyi lo rab byung dgu pa'i sa glang (1529)lor dga' ldan gyi khrir phebs nas lo brgyad kyi ring bskyangs/khri la phebs pa'i lo der (bka' gdams gsar rnying gi chos 'byung yid kyi mdzes rgyan )brtsams/de'i lo lcags stag (1530)lor (dbu ma'i mtha' dpyod zab don yang gsal sgron me )brtsams/dgung lo nga bdun pa shing rta (1534)lor (tshad ma rnam 'grel gyi dka' 'grel dgongs pa rab gsal )brtsams/dgung lo nga brgyad pa shing lug (1535)lor/rgya ra chos skyong rgya mtshor dga' ldan gyi khri gtad nas rang nyid zur bzhugs mdzad de lo ngo brgyad kyi rang gtso bor dga' ldan rang du rgyun bzhugs thog nye 'khor gyi dgon pa 'ga' zhig gi 'dod mos ltar mkhan po mdzad/de'i ring la ('dul ba'i chos 'byung ) (mngon pa mdzod kyi 'grel pa )bcas brtsams/dgung lo re gcig pa sa khyi (1538)lor (deb ther dmar po gsar ma )ste ming gzhan (rgyal rabs 'phrul gyi lde mig )tu 'bod pa de brtsams/dgung lo re drug pa chu yos (1543)lor 'bras spungs nas re bskul zhus pa ltar lo ngo bzhi'i ring 'bras spungs kyi mkhan po mdzad/dgung lo re dgu pa me rta (1546)lor se ra nas re 'dun zhus pa ltar sku ma gshegs bar lo ngo dgu'i ring se ra'i mkhan po mdzad/de'i ring la (rgyud sde spyi rnam )dang/(mngon pa kun btus kyi 'grel pa )mdzad/dgung lo don bdun pa rab byung dgu pa'i shing stag (1554)lor/'bras spungs su phebs nas gzims khang gong du sku gshegs/sku gdung khru gang tsam du gyur pa zhugs 'bul zhus par rten ngo mtshar can mang du byon pa rnams dngul gdung zhig bzhengs pa'i nang du bzhugs pa 'bras spungs su yod/lo rgyus skor/paN chen nyid kyi dngos slob bya bral lha dbang rgya mtshos mdzad pa kha byang du (paN chen bsod nams grags pa'i dpal rnam dpyod mchog gi sde'i rnam thar ngo mtshar rmad byung rol rtsed )'bras spungs dpar rnying la shog grangs 19yod/sku phreng rim par byon pa rnams la mnga' ris sprul sku rin po che zhu zhing/spu phreng gnyis pa bsod nams ye shes dbang po stod lung lam par rab byung dgu pa'i me 'brug (1556)lor 'khrungs te/dgung lo so bdun pa chu 'brug (1592)lor gshegs/sku phreng gsum pa ngag dbang bsod nams dge legs dpal bzang rab byung bcu pa'i shing rta (1594)lor 'khrungs te dgung lo nyer gnyis pa rab byung bcu 'i shing yos (1615)lor sku gshegs/sku phreng bzhi pa sprul sku grags pa rgyal mtshan rab byung bcu pa'i sa lug (1619)lor 'khrungs te/dgung lo so brgyad pa me sprel (1656)lor de snga'i bod sa gnas srid gzhung gi sde srid bsod nams chos 'phel gyis sku bkrongs/de skor gyi 'byung rkyen dang gshegs rjes kyi gnas tshul skor skabs de nas bzung da bar gleng brjod yig cha mang yang/'dir de'i skor bkod rgyu dgos pa las dgag bya che bas ma spros lags

{{#arraymap:khri chen paN chen bsod nams grags pa

|; |@@@ | | }}