khri chen zhwa lu ba legs pa rgyal mtshan

khri chen zhwa lu ba legs pa rgyal mtshan

(dga' ldan khri thog bzhi pa ste/dga' ldan khri thog dang po rje tsong kha pa dang/gnyis pa rgyal tshab dar ma rin chen/gsum pa mkhas grub dge legs dpa' bzang bcas yin na'ang yab sras gsum la khri chen zhes che bstod zhu srog med stabs 'dir khri chen nang sgrig thabs dben pas de'i skor ka dam go rim ltar khungs so so'i nang gzigs/rab byung drug pa'i shing yol (1375)lor gtsang zha lur 'khrungs/sku gzhon dus zha lung rab tu byung zhing/zha lu ba grags pa rgyal mtshan dang/shangs pa kun mkhyen la sogs pa bla ma mang du bsten nas mkhas par gyur/rjes su rje tsong kha pa chen po'i zhabs drung du bsten nas mdo sngags kyi chos mang du gsan cing/sku'i nye gnas dang/gsol thab pa bcas yun ring mdzad cing/rjes su mchod g.yog dang/sku rim gyi dbu mdzad kyang mdzad/gdan sa chen po dga' ldan phyag btab rjes nas mi ring bar dge bskos mdzad cing/skabs der phyag bzhes kyi khrims rgyug khru gang lhag tsam zhig sngon dus dga' ldan gser kong khang tshad du mjal rgyu yod/de nas dbu mdzad kyang rgyun ring gnang zhing/mkhas grub rin po che dgongs pa rdzogs rjes/zhal slob bgres pa rnams kyis dga' ldan gyi gdan sa mdzad dgos par re bskul zhus pa bzhin/dgung lo drug cu re lnga pa rab byung bdun pa'i sa lug (1439)lor dga' ldan gyi khrir phebs te lo bcu gnyis kyi bar du bskyangs te/slob ma rnams la 'jigs byed kyi skor dang/man ngag rnam gsum gyi khri la sogs pa 'chad spel dang/dge 'dun rnams kyang chos dang zang zing gnyis ka'i sgo nas lags par bskyangs pas gdan sa dar rgyas chen po byung zhing/rje'i sku gdung rin po che'i yang thog gi rgya phibs bzhengs 'phro yang mjug 'khyongs bar mdzad/gser thog gi phud du lha bzo mkhas can sprul skur grags pa pad+ma mkhar pas gsang 'dus/bde mchog /dus 'khor gsum gyi gser sku mi tshad tsam re bzhengs par mdzad ('di de sngon khri thog khang gi gzings chung mdor yod )grub thob thang stong rgyal pas 'phan po brag ral gyi lcags zam 'dzugs gnang mdzad skabs dga' ldan dge 'dun rnams kyis rdo skyel 'dres gyi dang blangs rogs skyor gyi mig dpe ston ra mdzad pas lcags zab gyi lam gras skul lcag chen po thebs pa byung/nang so 'phyong rgyas pa hor dkon mchog rin chen la bu brgyud gnas ma byung bar brten skyabs 'jug zhus par/gshin rje gshed dmar po'i sgo nas srid spel ba'i thabs shes mdzad pas dgung rgyud la rim bzhin rdo rje tshe brten dang/dpal 'byor bzang po/hor bdun 'dul rab brtan sogs grags pa can gyi mi sna mang du byung/dgung lo don grub pa rab byung bdun pa'i lcags rta (1450)lor dgongs pa gzhan don du gshegs/sku gdung gzhug su phul ba'i dbu klad la rdo rje 'jigs byed zhal phyag yongs rdzogs rang byung du phebs pa dngul gdung gi nang rten du bzhugs pa/phying gur chen mo'i nang ri chen cho sa grags bzang po'i dngul gdung gi g.yas ngos su bzhugs/lo rgyus 'di las rgyas tsam 'jam dbyangs bzhad pa'i rdo rjes mdzad pa'i ('jigs byed chos 'byung )lha la zhol dpar ma'i shog grangs 177nas 179bar gsal ba der gzigs

{{#arraymap:khri chen zhwa lu ba legs pa rgyal mtshan

|; |@@@ | | }}