khri srong lde btsan

khri srong lde btsan

gna' rabs bod du chos srid gnyis kar mdzad rjes che ba'i btsan po mes dbon rnam gsum zhes grags pa'i nang tshan zhig yin/btsan po 'di'i dgung rnying rta lo yin par bod kyi lo rgyus mang che ba zhal mthun yang (rba bzhed zhabs btags ma )las yos kyi lo la 'khrungs par bshad cing/rta lo de yang/sa rta/lcags rta/chu rta bcas bzhed pa mi 'dra ba gsum byung ba'i nang nas tA la'i bla ma sku phreng lnga pas mdzad pa'i (deb ther dpyad kyi rgyal mo'i glu dbyangs )nang dgung rnying chu rta yin par gsungs pa dang/smin grol gling lo chen d+harma shris (rtsis gzhung nyin byed snang ba )rtsa 'grel las dgung rnying chu rta yin par gsungs pa de (tun hong gi lo rgyus yig rnying )dang mthun pas de rang khungs btsan par snang zhing/chu rta lo de drug cu skor snga ma'i chu rta lo dang rjes ma'i chu rta lo gang yin thad/btsan po srong btsan sgam po dgung lo sum cu lhag tsam las ma bzhugs pa dang/brgyad cu lhag tsam bzhugs pa'i bzhed pa gnyis las gang gi rjes su 'brangs min la rag las pas 'dir bzhed pa snga ma'i rjes su 'brangs na (tun hong gi yig rnying )dang rgya yig gi (thang der gsar rnying )gnyis bcas dang mthun par snang bas de gzhir bzung na 'khrungs lo ni bar byung ma tshugs gong gi drug cu skor lnga pa'i chu rta (742)lo yin/btsan po 'di'i yum gang yin thad snga rabs bod kyi lo rgyus yig cha tshang ma'i nang rgya bza' rjes ma cin khren kong jo la btsan po 'di 'khrungs pa dang/de btsun mo sna nam bza' zhi steng gis phrogs pa/btsan po dgung lo lnga bzhes dus rang nyid kyi yum rgya bza' yin par ngos 'dzin gnang ba sogs ma brtags nyams dga'i snang bar ngo mtshar che ba zhig yod kyang/zhib par brtags la rgod bro ba'i rang bzhin las ma 'das pas yum ngo ma ni btsun mo sna nam bza' rang yin nges su 'dug /('di skor dpyad gtam mang po (bod ljongs zhib 'jug )gi sa deb khag nang gzigs )dgung lo bco lnga pa me sprel (756)lor da dbang phyag tu bzhes mtha' bzhi'i mnga' 'bangs yongs la bka' shog chen po stsal/btsan po 'di'i dus bod rgyal rabs kyi mnga' thang dar rgyas che ba'i rtse mor son te/chos srid gnyis kar mdzad rjes rlabs che ba byung ba gsham gsal/1 thang bod gnyis bar 'brel ba dam zab gnang ste phan tshul dngos skyes 'bul res rgyun mi chad pa'i thog /skabs re 'khrugs rtsod dang skabs re 'dum pa bcas thengs 'ga' shas byung zhing/srid dbang bzung nas lo bdun pa chu stag (762)lor dmag dpon zhal rgyal gzigs dang/blon stag sgra klung gong/blon stong mtshan la sogs pas bod dmag bum gcig tsam khrid de thang gi khongs gtogs mkhar dang sa cha mang po phrogs bzung gis rgyal sa khrang an nyin bco lnga tsam bzung ba dang/gom ma thang ta'i tsung yang gnas skabs ring shen ju (WP:1,194)la bros dgos pa byung ba sogs rgya bod yig cha gnyis kar gsal/2 srid don gyi byas rjes yod pa'i blon po rnams la gzengs bstod dang/srid don gyi bya ba gal re'i rigs blon po rnams dang thun mong du gros bsdur thog rgyal blon rnams gong 'og mthun sgril che bas btsan po'i srid dbang stobs shugs chen po byung ba/3 mkhan chen zhi bo 'tsho dang slob dpon chen po pad+ma 'byung gnas spyan drangs te gzhi rgya che zhing bkod pa legs pa'i bsam yas gtsug lag khang bzhengs pa/4 bsam yul du rab byung gi sde thog mar btsugs nas nang pa'i bstan pa dar rgyas kyi rmang gzhi thog mar 'ding bar mdzad pa/5 btsan po rang nyid sa gnas so sor dngos su phabs thog bod mi'i bu phrug shes rab gsal zhing smra lce bde ba mang po 'dems sgrug gnang ste bsam yas kyi sgra bsgyur rgya gar gling du yig bsgyur gyi slob grwa thog mar 'dzugs pa gnang ste lo tsA ba'i dpung khag stobs chen zhig gso skyong gnang ba dang/mdo sngags rigs gnas dang bcas pa'i gsung rab mang po bod skad du bsgyur zhing/lo tsA ba re re la btsan po'i sku srung dmag mi sum cu so gsum gyi phogs thob dang 'dra ba'i 'tshob 'i mthun rkyen gnang bar brten/bod skad yig sgyur gyi bya gzhag 'phel rgyas chen po byung ba/6 bod kyi sman pa mkhas pa'i rgyal du mngags pa dang/phyi rgyal dang nang sa'i sman pa mkhas pa bod du gdan drangs te gus bkur sde len phun sum tshogs pa gnang nas sman gzhung gsar rtsom dang yig bsgyur zung 'brel thog nas bod kyi sman bcos 'phrod bsten bya gzhag dar rgyas gtong gnang mdzad pa/7 dmag don dang srid don thog byas rjes che ba'i blon po rnams la gzengs bstod kyi bka' gtsigs dang/go gnas/sde mi sel gyi bya dga' bcas gang la gang 'os gnang ste mig dpe bzang po 'jog gnang mdzad pa bcas mdzad rjes gtso che ba de rnams yin/sba ye shes dbang po sku gshegs rjes btsan po rang nyid sgom sgrub la 'byon par dgongs nas dgung lo lnga bcu nga lnga pa me glang (797)lor zur mkhar smyig ma tshal du byon/lo der sku gshegs/nel pa paN+Di tas mdzad pa'i chos 'byung las zam pa'i steng nas g.yang la lhung bar gsungs/sku yi bang so na mu ra ri zhes srong btsan bang so'i mdun ngos kyi ri steng du yab khri lde gtsug brtan gyi bang so'i g.yas ngos su yod cing ming la 'phrul ri gtsug snang zer/bang song 'di'i gsham du rdo ring yi ge can zhig yod pa bar skabs sa 'og tu phyed tsam kyang deng sang sngog 'don gyis srung skyob yas pa mjal rgyu yod/rdo ring de yi ngo bshus dang/de'i 'grel bshad 'phros bshad dang bcas pa (1982lo'i (bod ljongs zhib 'jug )dus deb ang gnyis pa'i shog grangs 57nas 76bar gsal/'di'i nang gi bshad tshul 'ga' zhag yang dag pa byung med pas brtag dpyad mdzad dgos

{{#arraymap:khri srong lde btsan

|; |@@@ | | }}