khro phu lo tsA ba

khro phu lo tsA ba

mtshan dngos tshul khrims shes rab dang/mtshan gyi rnams grangs su byams pa'i dpal yang zhu/yab kun ldan ras pa'i gtsung po gdubs jo 'phan dang/yum gsal byed gnyis kyi sras su rab byung gsum pa'i chu sbrul (1173)lor 'khrungs/(mkhas pa'i dga' ston )las kun ldan nyer lnga pa sa 'brug la 'khrungs zhes gsal ba yig nor yin te/gong du kun ldan ras pa'i 'khrungs lo sa 'brug yin zhes gsal bas des na kun ldan sa 'brug la 'khrungs pa'i nyer lnga pa chu 'brug (1172)zhes gsung rgyu yin 'dug/) dgung lo dru nas yi ge 'bri klog bslabs pa tsam gyis dka' tshegs med par mkhyen/dgung lo bcu ra rab byung gi sdom pa bzhes te mtshan la tshul khrims shes rab zhes gsol/dgung lo bcu dgu pa lcags phag (1191)lor rgyal tsha rin chen mgon gyi drung nas bsnyen rdzogs kyi sdom pa bzhes pa'i mtshan la byams pa'i dpal zhes btags/dgung lo nyer lnga pa mi sbrul (1197)lor grub chen mi tra dzo ki bod du gdan drangs nas gsang sngags kyi chos mtha' yas pa gnas/dgung lo nyer bdun pa sa lug (1199)lor yab gshegs pa'i dgongs rdzogs mchod 'bul rgya cher mdzad/dgung lo nyer brgyad pa lcags sprel (1200)lor paN chen bud+d+ha shri bodadu gdan drangs/paN chen de dbus gtsang gnyis su lo gsum bzhugs ring mdo gas kyi chos mang du gsungs pa'i lo tsA ba mdzad/lo tsA ba nyid la thugs rje chen po'i chos skor sogs zab chos mang du gnang/dgung lo so gcig pa chu phag (1203)lor 'bri gung spyan snga rin po che'i drung nas rang lugs kyi skor skor mang po gsan/dgung lo so gnyis pa rab byung gsum pa'i shing byi (1204)lor rgya gar nas gro mo'i tshong 'dus rgyud kha che paN chen shAkya shri bod du gdan drangs/(lho rong chos 'byung )las paN chen 'di bod du phabs skabs dgung lo drug cu re lnga pa yin zhes gsal ba paN chen gyi rnam thar khro pho lo tsA bas mdzad pa dang mi mthun )lo de'i dbyar gnas khro phur mdzad ring byams chen gyi sku dang lha khang bzhengs pa'i dbu tshugs/paN chen de nyid gtsang du lo bzhi/dbus su lo bzhi/yar lam gtsang dang mnga' ris su lo ngo gnyis bcas lo ngo bcu bod du bzhugs ring mdo sngags kyi chos mang du gsungs pa'i lo tsA ba mdzad/de dus bod du lo tsA ba'i mtshan thogs pa mang po yod kyang khro phu lo tsA ba sku mdun du bzhugs med dus paN chen gyis chos gtan nas mi gsung zhing/nga'i mahA lo tsA ba 'di lta bu bod na yod pa 'di bod mi rnams bsod nams chen po yin gsung nas tshad mtho'i bsngags brjod dang gdeng 'jog chen po gnang zhing/paN chen nyin gyi drung nas thun mong ma yin pa'i chos skor yang mang du gsan/paN chen bod du bzhugs ring 'bul ba dpag tu med pa byung ba tshang ma khro bo lo tsA bas byams chen bzhengs pa'i thebs su gsol rab gnang bas lo ngo bcu'i khongs su khro bo'i byams chen sku rgyu gser zangs las grub cing bzo bkod 'gran zla med pa bzhengs te/paN chen sku ngo mas rab gnas thengs mang mdzad/rab byung bzhi pa'i shing khyi (1214)lor kha che paN chen mnga' ris nas kha che'i yul du phyir phebs mdzad rjes/lo tsA ba'i dgung lo zhe bzhi pa mi byi (1216)lor yum gshegs shing/de'i phyi rol khu bo kun ldan ras pa gshegs pa bcas kyi dgongs rdzogs mchod 'bul gzhan gyis blo yul du mi shong ba lta bu bsgrub/dgung lo zhe bdun pa ram byung bzhi pa'i sa yos (1219)lor khro bo gnyan mkhar gyi brag seng ge rdzong du sgom sgrub mdzad cing bzhugs/kha rag sgong chung du sku gshegs nas skye ba bzhes grags yod pa mkhyen nas bslab pa phul te rig ma zhig blangs pa'i sras su khro phu'i sems dpa' chen po bsod nams seng ge 'khrungs shing/lo tsA ba rang nyid sras 'khrungs gong gi sa yos lo der gshegs/lo tsA ba 'di'i rnam thar cung zad rgyas pa (lho rong chos 'byung )lcags dpar ma'i shog grangs 330nas 335bar gsal

{{#arraymap:khro phu lo tsA ba

|; |@@@ | | }}