khyab 'jug gi 'jug pa bcu

khyab 'jug gi 'jug pa bcu

gong du bshad ma thag pa'i mu stegs khyab 'jug pa rnams kyis lha chen po khyab 'jug gi 'jug pa ste rdzu 'phrul gyi bkod pa ngo mtshan can bcu zhes mu stegs pa'i rig byed kyi gzhung las bshad srol yod pa de yin te/1 nya yi gzugs su sprul nas rig byed kyi gung rgya mtsho'i nang du nub pa de bton pa/2 sa gzhi chen po 'di rgya mtsho'i nang du nub pa de rus sbal gzugs su sprul nas btegs pa/3 phag rgod kyi gzugs su sprul nas sa gzhi chen po 'di rgya mtshor nub pa de slar yang btegs pa/4 lus po mi la seng ge'i mgo can du sprul na lha ma yin 'gro skyob gser can bsad pa/5 mi'u thung du sprul nas lha ma yin stobs ldan la goms pa do'i sa slong nas pham par byas pa/6 rgyal po shing rta bcu pa'i bu dga' byed rA ma Nar sprul nas srin po lang+ka mgrin bcu bsad pa/7 dgra sta thogs pa'i dga' byed du sprul nas sa steng gi rgyal rigs thams cad brlag par byed pa/8 gri Sh+Na ra sprul nas lha ma yin mang po bsad pa/9 sa steng gi rgyal rigs dang rang nyid kyi spun/lha ma yin/srin po sogs mang po bsad pa'i dag pa sbyang ba'i ched du sangs rgyas shAkya thub par sprul na mi rnams la dge ba cu'i chos bstan pa/10 ma 'ongs pa'i das su 'dzam bu'i gling du mu sum man gyi chos lugs shugs cher dar nas hin rdu dang/nang pa sogs chos lugs gzhan dag rtsa med du bsnubs mkhan zhig 'byung ba de'i tshe na/khyab 'jug gis rigs ldan kA la kir sprul nas lha min gyi dpung tshogs de dag tshar bcad pa bcas 'di skor gyi lo rgyus zhib par si tu paN chen chos kyi 'byung gnas kyis mdzad pa'i (lha chen po khyab 'jug gi 'jug pa bcu'i gtam rgya bal mkhas pa'i ngag rgyun gangs can rna ba'i bdud rtsi )zhes pa zhig /(khams sprul snyan 'grel )lcags dpar ma'i shog grangs 707nas 723bar gsal ba der gzigs/gzhan yang 'grel tshul gzhan yig ni/nya/rus sbal/phag rgod/mi'i seng ge /me'u thung/rA ma Na/nag po/shAkya thub pa/rigs ldan/kIrti tsi rnams las 'jug pa dang po ni/rig byed bzhi rgya mtsho'i nang du nub pa khyab 'jug gis nya ru sprul te bton pa/gnyis pa ni/rus sbal gyi gzugs kyis 'jig rten btegs nas rgyun du gnas pa/gsum pa ni/phag rgod kyi gzugs kyis tshangs pa'i 'jigs can man chan mnan pa/bzhi pa ni/smad mi la stod seng ge'i gzugs kyis lha min gyi dbang po 'gro skyob gser can lto dral nas bsad pa/lnga pa ni/me'u thang la sprul nas lha min stobs can gong ma gsum gyis bslangs shing bslus pa/drug pa ni/dza mAd ag+na'i bu dgra sta rA ma ra sprul te rgyal rigs srid sgrub la sogs bsad de rgyal srid med par byas pa/bdun pa ni/rgyal po shing rta bcu pa'i bu rA ma Nar sprul nas rang gi chung ma srin po ling+ka mgrin bcus phrogs pas spre'u ha lu many+dzu la grogs bcol te srin po btul ba/brgyad pa ni/nag pa rtsod pa'i dus su sems can gyi don byas pa/dgu pa ni/sangs rgyas shAkya thub par sprul nas sngon rgyal rigs bsad pa'i sdig pa sbyangs pa/bcu pa ni/rigs ldan bram ze'i bu kIrti tsi zhes bya ba 'ong ba na 'byung bas sems can mang po btul ba'i mthar dus ldog pa rtogs par 'gyur ba'o/_

{{#arraymap:khyab 'jug gi 'jug pa bcu

|; |@@@ | | }}