khyab byed 'byung ba lnga phrag lnga ste nyer lnga

khyab byed 'byung ba lnga phrag lnga ste nyer lnga

rang shar las/'byung ba chen po lnga ni rang gi lus la tshang/de yang rlung rnam pa lngas ye shes kyi gdangs byed do/_/me rnam pa lngas ye shes kyi rtsal byed do/_/sa rnam pa lngas ye shes kyi ngo bo byed do/_/chu rnam pa lngas ye shes kyi yul byed do/_/nam mkha' rnam pa lngas ya shes kyi gnas byed do/_/de la sa lnga'i gnas tshul ni/kun tu snang ba'i sa rig pa dang lhan cig tu gnas/mi 'gyur ba rje'i sa sgron ma dang lhan cig tu gnas/thams cad 'byung ba rin po ches sa thig le dang lhan cig tu gnas/snang ba stong pa kun tu mtha' yas pa'i sa dbyings ye shes gnyis dang lhan cig tu gnas/sgrub pa mthar phyin pa'i sa shes rab dang lhan cig tu gnas so/_/chu lnga las/'byung ba med pa'i cha rtsa thams cad la gnas/zhib gsal dag gi chu rus pa thams cad la gnas/yon tan rgyas pa'i chu khrag thams cad la gnas/chags pa med pa'i chu ser thams cad la gnas/'dzin med rdzogs pa'i chu mig gi nang nas gnas so/_/me lnga las/phyi nang kun tu khyab byed kyi me glo ba gnas/phyi nang kun gsal gyi me yig gnyis dang yan lag la gnas/phyi nang kun tu mnyam pa'i me sha pags bar na gnas/phyi nang gi byab rtog pa'i me rkang mthil gnyis na gnas so/_/rlung lnga las/srog 'dzin gyi rlung srog rtsa na gnas/bkrag dang gzi mdangs skyed pa'i rlung smin phrag na gnas/me dang mnyam du gnas pa'i rlung pho ba na gnas/kun tu khyab byed kyi rlung lus kun la khyab par gnas/snying rje med pa bskal pa las kyi rlung snying dang snying shun gyi bar na gnas so/_/nam mkha' lnga las/kun la khyab pa'i nam mkha' rig pa dngos dang dbyer med du gnas/yum med gsal dwangs kyi nam mkha' dbyangs rnam par dag pa dang dbyer med du gnas/ma 'dres dag pa'i nam mkha' dbyings rnam par dag pa dang dbyer med du gnas/don mtshon byed kyi nam mkha' rtags kyi ye shes thig le stong pa dang dbyer med du gnas/dag pa'i zhing du sgrol byed kyi nam mkha' sku dang ye shes kyi snang ba thams cad dang dbyer med du gnas zhes gsungs so/_

{{#arraymap:khyab byed 'byung ba lnga phrag lnga ste nyer lnga

|; |@@@ | | }}