klu sgrub

klu sgrub

(mgon po klu sgrub )sangs rgyas chos lugs kyi lo rgyus thog mtshan snyan grags shin tu che ba'i rgya gar gyi slob dpon/shing rta'i srol 'byed gnyis kyi nang tshan zhig slob dpon 'di dus skabs gang 'dra zhig la byung ba ni/bod kyi lo rgyus mkhas pa mang po zhig gis gsungs pa ltar na/sangs rgyas mya ngan las 'das nas lo bzhi brgya tsam song ba'i dus su byung bar bshad cing/jo nang tA ra nA thas brtsams pa'i (rgya gar chos 'byung )gi nang mgon po klu sgrub kyi lo rgyus thad du bshad par/slob dpon 'di'i sku tshe'i smad du rgya gar lho phyogs kyi rgyud du byon nas sangs rgyas chos lugs dar spel mdzad pa'i dus skabs su tho gar gyi yul gyi rgyab shu li ka zhes bya ba'i yul ('di thur ching dang thag nye ba'i zhus li ya zer ba de yin nam brtag )du song nas kla klo'i chos lugs thog mar brtsams nas/rjes su de'i slob ma be khams pa zhes bya bas khong la slob sbyong byas rjes ma kha'i yul du song ('di dbyi tA la'i rgyal sa lo ma'i ming rnying po yin nam snyam )nas kla klo stag gzig gi chos lugs dar spel gtong 'go tshugs zhes bshad pa dang/slob dpon 'di nyid sku tshe'i smad du rgya gar lho phyogs su byon pa'i dus spyi lo'i dus rabs dang po'i 'go tshugs pa yin tshod 'dug kyang/de las gsal ba'i lo rgyus zhib cha da phan kho bos ma mthong zhing/slob dpon 'di nyid rgya gar lho phyogs bedar+b+ha zhes bya ba'i yul du bram ze 'byor ldan zhig gi khyim du 'khrungs shing/mtshan mkhan la bstan pas tshe ring shos la lo bdun las mi thub zer bas/pha ma gnyis kyis bu shi ba'i ro mig gis mthong ma bzod par g.yog dang bcas yul gzhan du 'khyam du btang/rim gyis rgya gar yul dbus kyi dgon pa che shos nA len Tar phebs te slob dpon bram ze sa ra ha dang mjal te tshe dbang zhus/gzhan gsang ba 'dus pa la sogs pa'i gsang sngags kyi chos mang po gsan/dgon pa'i mkhan po sgra gcan 'dzin bzang po'i drung du dge slong gi sdom pa zhus te mtshan dge slong dpal ldan zhes btags/dgon pa'i zhal ta ba (grwa pa rnams kyis 'tsho ba'i gnyer ba )gnang ring mu ge che po byung ste gling phran zhig nas gser 'gyur gyi rtsi blangs nas gser btsongs ba'i rin gyi thog nas dge 'dun la 'tsho ba sbyar/de'i gnas tshul dge 'dun tshos dris pa na lan drang por gsungs pas dge 'dun la gnang ba ma zhus par tshong byas nas 'tsho ba sbyar bas chos khrims dang 'gal ba yin zer nas gnas nas phyung (sgrigs btsugs nas phud pa )de nas yul gzhan du byon nas lha khang dang mchod rten mang po bzhengs shing/slob dpon dgu ngo brgya ma lon tsam na skal ba dang ldan pa'i skye bo mang po zhig la sde snod gsum gyi chos rgya cher 'chad/de'i skabs dge slong bde byed ces bya bas theg chen gyi lta spyod gnyis ka sun 'byin par byed pa'i chen du (rig pa'i rgyan )zhes bya ba'i gzhung lugs 'bum phrag bcu gnyis byas pa de gdul ba'i don du nA len drar chos rgya cher gsungs/de'i tshe byis pa gnyis chos can du 'ong pa na dri zhim pos khor yug kun khyab par gyur cing/byis pa de gnyis ra song ba'i tshe dri zhim po de med pa gyur pas na/de'i rgyu mtshan dris pas bdag cig klu'i rgyal po 'jog po'i bu yin/mi yul du 'ong ba la tsan dan gor shir Sha'i bsung ba byas pa yin zer/tsan dan de blangs du yod dam dris pas/yab la dri'o zer/des pha la dris pas/klu rgyal gyis slob dpon klu'i yul du byon na phul zer bar/klu'i yul du gdul bya mtha' yas pa la dge ba'i rtsa ba bskyed pa dang/rgyal ba thams cad kyi yum gcag shes rab kyi pha rol tu phyin pa stong phrag brgya pa mi yul du med pa spyan 'dren pa sogs kyi dgos pa mang po zhig nye bar gzigs te slob dpon klu yul du byon/klu mong po la chos bstan nas klu rnams shin tu mgu bar gyur te lu yul du bzhugs par zhus pas/de lta nga mchod rten bye ba bzhengs pa'i 'dam 'tshol ba dang/'bum gdan drangs par 'ong pas bsdad mi khom/phyis 'ong srid ces gsungs te klu'i 'dam mang po dang/shes rab kyi pha rol tu phyin pa stong brgya pa/gzungs mang po bcas spyan drangs te 'dzam bu'i gling du byon/de'i tshe klu rnams kyis slob dpon klu'i yul du nges par byon pa'i gta' mar 'bum gyi zhabs nas cung zad tsam ma bskur zhes grags te klu yul nas spyan drangs pa'i 'bum rgyas pa la rtag tu nga'i le'u dang/chos 'phags kyi le'u rnams med pas brgyad stong pa'i gsham gyi le'u gnyis po de dang yum rgyas pa'i gsham du sbyar ba yin pas/le'u gnyis po de dang yum rgyas bsdus la khyad cung zad kyang med do/_/des na klu'i 'dam bzhes nas mchod rten bye ba tsam bzhengs pa dang sher phyin 'bum sogs mi yul du spyan drangs pas mtshan yang klu sgrub ces chags/de nas mnyan yod la sogs pa'i rgya gar gyi yul dbus kyi grong khyer chen po drug gis gtsos phyogs thams cad du lha khang dang mchod rten mang po bzhengs shing/rdo rje gdan gyi byang chub ljon shing gi mthar skor du rdo dri mig gi ra bas bskor/dpal ldan 'bras spungs kyi mchod na la lcags ris bskor zhing nang du lha khang brgya rtsa brgyad bzhengs/byang p+sagar mi snyan du phebs nas 'gro don mdzad /sgra mi snyan du gshegs pa'i lam du grong khyer sa la ma na byis pa dzi te ka'i lag ris las phyis rgyal po lung bstan/sku tsha'i smad la rgya gar lho phyogs dpal gyi ri bor gtsor bzhugs gnang ste mdo sngags kyi chos 'khor rgya cher bskor/lhag par theg pa chen po'i dbu ma'i lta ba dar spel mdzad de gdul bya grangs las 'das pa theg pa chen po'i lam du khrid par mdzad/de ltar rgyal ba'i bstan pa la bya ba rgya cher mdzad pa na/bdud sdig to can dpung dang bcas phrag dog gis ma bzod par sngar slob dpon sgra mi snyan du gshegs skabs lung bstan pa'i byis pa de rgyal por gyur pa rgyal po bde spyod bzang po zhes pa'i btsun mo'i mngal du bdud kyis zhugs nas phyir btsas pas/de'i ming du rgyal po gzhon nu nus ldan du grags pa la rang gi mas gos bzang po bsrubs med pa 'jig rten na rnyed dka' ba zhig byin pas/bu na re/'di da lta sbos la ngas rgyal srid skyong ba na gyon no zhes zer ba la/mas/khyod kyi yab slob dpon klu sgrub dang tshe mnyam pa'i bcud len grub pas ba dpon ma grongs bar mi 'chi/khyod kyis rgyal srid skyong ba mi 'ong ces brjod pas/bu mya ngan skyes nas ngus pas na/ma na re/ngu mi dgos/slob dpon byang chub sems dpa'i spyod pa rlabs po che la gnas pas/dbu slong na ster bar gyur zhing/der yab kyang 'gugs pas/khyod kyis rgyal srid thob par 'gyur ro zhes smras pa ltar/des dpal gyi ri la slob dpon gyi drung du dbu stong bar phyir du 'ongs/slob dpon gyis ji ltar 'dod pa bzhin chod cig ces bka' bstsal pa dang der ral gri shin tu rdo bas bcad pas chad par ma 'gyur/de tshe slob dpon gyis de la smras pa/nga nyid sngon dge 'dun gyi zhal ta bar gyur pa'i tshe 'jag ma zhig bcad pa'i zhor la 'bu gcig gi ske bcad pa'i nyes pa yod pas rtswa ku shas chod cig gsungs pa ltar byas pas chod/de'i tshe sku khrag 'o ma'i rang bzhin du byung zhing dbu de'i zhal nas/nga ni bde ba can gyi 'jig rten du/_/phyin nas lus 'di la yang 'jug par gyur/_/ces pa'i tshig byung bar grags/de nas rgyal po des slar dbu 'byar gyi dogs nas dpag tshad gcig tsam du dor ba na slob dpon bcud len sgrub pa'i sku lus dang dbu rdo ru gyur cing slar rim gyis dbu dang sku gnyis ka la ma nyams par ro re bzhin je nye je nyer song nas mthar sku lus la 'byar nas slob dpon rang nyid zhal bzhugs su bstan pa dang 'gro ba'i don rgya cher mdzad par 'gyur bar gsungs/mdo sngags gang gi cha la'ang ston pa gnyis pa lta bur gyur/slob dpon 'di dgung lo drug brgya bzhugs zer ba dang sum brgya bzhugs zer ba'i bshad srol gnyis yod kyang de gnyis ka lo phyed la lo gcig tu brtsis pa'i lugs yin zhes jo nang tA ra nA thas brtsams pa'i (rgya gar chos 'byung )las bshad pas gang ltar sku tshe ring po zhig bzhugs pa 'dra/slob dpon 'dis mdzad pa'i bstan bcos la (dbu ma rtsa ba shes rab/) (rigs pa drug cu pa/) (mdo kun las btus pa/) (rtsod bzlog/) (zhib mo rnam 'thag/) (stong nyid bdun cu pa/) (rmi lam yid bzhin nor bu'i gtam/) chos byed khyim pa la la gdams pa (bshes springs/) (rgyal po bde spyod bzang po la gtam du bya ba rin po che'i phreng ba/) (chos byed rab byung la gdams pa (byang chub kyi tshogs )gsang sngags kyi lta spyod mdor bsdus te bshad pa (rgyud kun las btus pa )dbu ma'i lta ba gtan la 'bebs pa (byang chub sems 'grel/) gsang sngags kyi bskyed rim ston pa (rim pa lnga pa ) (gso ba rig pa'i bstan bcos sbyor ba brgya pa/) skye bo spyi la gdam pa (lugs kyi bstan bcos skye bo gso thigs/) rgyal po'i blon po rnams la gdams pa (shes rab brgya pa ) (spos sbyar gyi bstan bcos mig mangs ris kyi sbyor ba/) rtsis kyi bstan bcos (rten cing 'brel bar 'byung ba'i gtsug lag gi de kho na nyid )bcas cha tshang ba bod skad du bsgyur zhing re gnyis tsam ma gtogs mang che ba rgyal po khri srong lde btsan gyi dus bod skad du bsgyur ba bstan 'gyur gyi nang du yod/'di nyid kyis lags par gsungs pa'i bdud rtsis nye bar bskyed pa'i bstan 'dzin gyi skyes pu mtha' yas pa zhig byon pa las/gtso bor gyur pa sras kyi thu bo rnam pa bzhi ste/shAkya mi tra/nA ga bo d+hi/Ar+yade ba/ma ting+ka pa/nye ba'i thugs sras gsum ste/sangs rgyas bskyangs/legs ldan 'byed/slob dpon dpa' bo bcas bdun du grags/de'i nang nas kyang zla dang bral ba ni slob dpon Ar+ya de ba ste 'phags pa lha yin la/de gnyis la klu sgrub yab gnyis dang gzhung phyi mo'i dbu ma par yang grags/slob dpon klu sgrub gyi sku'i cha byad ni zhabs g.yon brkyangs shing phyag gnyis chos 'khor gyi phyag rgya dang/dbu'i steng du klu'i rgyal pos phul ba'i sbrul gyi gdengs ka bdun gyis brgyan nas bzhugs pa'o/_/slob dpon 'di nyid kyi lo rgyus bod yig thog bkod pa rgyas shos ni jo nang tA ra nA thas brtsams pa'i (bka' babs bdun ldan gyi brgyud pa'i rnam thar rin po che'i 'byung gnas )su gsal bas der gzigs

{{#arraymap:klu sgrub

|; |@@@ | | }}