ko'u sham b+hi

ko'u sham b+hi

rgya gar ma ga d+ha'i nub phyogs su yod pa'i yul zhig ste (rgya gar chos 'byung )shog grangs 55las ma lA wa'i yul gyi bye brag ko'u sham b+hi zhes gsal zhing/(mdo mdzangs blun )cho 'phrul gyi le'ur/ko'u sham b+hi'i g.yal po u tra ya na zhes dang/(dpag bsam 'khri shing )le'u zhe gnyis par grong khyer sgra sgrogs kyi rgyal po u tra ya na zhes gsal ba rnams phun tshun bsdus na ma lA ba'i yul zhes pa rgya gar nub phyogs kyi yul gru chen po zhig gi ming dang/ko'u shamab+hi ni yul gru de'i cha shas bye brag pa zhig gi ming dang/grong khyer sgra sgrogs ni rgyal po u tra ya na'i srid dbang gnas yul grong khyer de'i ming yin pa bcas su go dgos shing/ston pa sangs rgyas rdo rje gnad du sangs rgyas nas dbyar gnas thengs dgu pa ko'u sham b+hir mdzad pa dang/gtad rabs bdun gyi lnga pa 'phags pa d+hi d+hi ka sku tshe'i smad du lo mang po'i ring bsnyun nas yul 'di rang du mya ngan las 'das shing thang rgyal rabs kyi mkhas pa chen po thang san bla ma yul 'dir phebs skabs yul 'di'i khor yug tu le dbar drug stong lhag tsam dang/mkhar grong chen po khor yug rgyang grags sum cu lhag tsa ma/sa rgyu legs shing gnam gshis dro ba/'bras bu rigs gsum dang/bur shing 'bel ba/mi'i rang bzhin gtum la rgod pa/dpal rtsal che zhing slob dpon la dga' ba dang/chos dad ha cang che ba/gtsug lag bcu lhag tsam gyi nang dge 'dun sum brgya lhag tsam yod pa thams cad theg dman gyi chos kho na la spyod pa dang/phyi rol pa'i lha khang lnga bcu tsam na mu stegs pa'i grub mtha' 'dzin pa shin tu mang po yod pa dang/mkhar grong de'i nang du lding khang shing tu mthong ba dpangs su khru drug cu lhag tsam gyi nang na ston pa thub pa'i dbang po'i sku brnyan tsan dan las grub pa zhig dang/de'i dbu thog na rdo las brkos pa'i gdugs phub pa zhig yod pa de ni tsan dan jo bo rgya nag tu gdan drangs pa de'i tshab yin pa sogs gna' rabs shul rnying mang po zhig gzigs pa'i gnas tshul skor thang san bla ma rang nyid kyis mdzad pa'i (chen po thang gur dus kyi rgya gar zhing gi bkod pa'i dkar chag )rgya yig nas bod yig tu bsgyur ba'i dpe bris ma'i shog grangs 63nas 64bar gsal/mkhas dbang dge 'dun chos 'phel gyis mdzad pa'i (gtam rgyud gser thang )las/wa ra NA nas pas la ha ba da dang/de nas mal me mang tsam song na chu bo ya mu na'i 'gram du ko'u sham b+hi'i shul yod cing/deng sang yang ming la ko sham zer zhing/sngon gyi grong khyer chags pa'i shul gyi lcags ri rnams zhing kha'i dkyil nas mthong rgyu yod pa dang/lcags ri zhig po de'i dbus kyi lte ba na rgyal po mya ngan med kyis bslangs pa'i rdo ring thog tsam gnyis lhag tsam yod pa de'i nye 'dabs su khyi bdag gdangs can gyis sangs rgyas spyan drangs skabs bzhengs pa'i kun dga' ra ba'i shul dang/yul de'i lho nub phyogs su ri chung gnyis yod pa ma gtogs gzhan thams cad thang yin pa dang/bad sa zhes pa'i yul dang/ko'u sham b+hi zhes pa grong khyer gyi ming yin par gsungs/zhib par (gtam rgyud gser thang )lcags dpar ma'i shog grangs 109nas 111bar gsal ba der gzigs

{{#arraymap:ko'u sham b+hi

|; |@@@ | | }}