kun gyis bkur ba rnam pa gsum

kun gyis bkur ba rnam pa gsum

nyan thos sde pa bco brgyad kyi nang tshan kun gyis bkur ba'i sde pa'am/mang pos bkur ba'i sde pa la nang gses gsum du gyes pa ste sa sgrogs ri pa/srung ba pa/gnas ma bu bcas khag gsum du gyes pa la zer/de yang rgyal po'i khab kyi lho phyogs ku ru ku le'i brag phug la gnas gzhi mdzad nas bzhugs pa rnams la sa sgrogs rigs kyi sde zhes 'bod pa dang/slob dpon srung ba pa yi rjes su 'brangs pas na srung ba pa dang/slob dpon gnas ma'i bu yi rjes su 'brangs pas na gnas ma bu pa zhes zer/sde pa 'di gsum rtsa ba'i grub mtha' mthun pa yin cing/rtsa ba'i grub mtha' ni/gang zag phung po ng+la las gzhan ma yin la/phung po dang gcig kyang ma yin cing/sgo lnga'i rnam par shes pas 'dod chags skye mi nus la 'dod chags dang bral bar yang byed mi nus/shes bya thams cad bsdus na brjod du yod pa dang brjod du med pa gnyis sum 'dus pa med/mthong lam ni sems kyi skad cig ma bcu gnyis tshun chad yin cing/de phan chad 'bras bu'i khongs su 'dus pa bcas yin/'di las zhor du 'phros pa'i gnad don gal che ba ni/mang pos bkur ba'i sde lnga (1 gnas ma bu pa/2 bzang po'i lam pa/3 chos sbas pa/4 mang pos bkur ba/5 bla ma pa )yod pa'i nang nas gnas ma bu pas khang gi bdag khas len pas skyabs gnas dang las 'bras kyi thad nas nang par tshud tsam yin kyang/lta ba'i sgo nas nang pa'i khongs su mi gtogs pa yin zhes bzhed mkhan sa skya paN chen dang/rje btsun red mda' ba/paN chen bsod nams grags pa/lcang skya rol pa'i rdo rje sogs yin cing/mkhas grub rin po che'i dbu ma'i stong thun dang/gung ru rgyal mtshan bzang po/hor ston nam mkha' dpal ba/rje btsun chos kyi rgyal mtshan/phur lcog ngag dbang byams pa sogs mang po zhig gis ni/gnas ma bu pas gang zag gi bdag khas mi len pa dang/gang zag gi bdag med khas len pa'i nang pa sangs rgyas pa'i grub mtha' spyi mthun yin pa'i rgyu mtshan mang du gsungs shing/kun mkhyen 'jam dbyangs bzhad pa ngag dbang brtson 'grus kyis mdzad pa'i (grub mtha' chen mo )las/gnas ma bu pas gang gi bdag yod par khas len zhes pa'i bdag dang/nang pa'i grub mtha' smra ba kun dang mthun par gang zag gi bdag med khas len zhes pa'i bdag nyis mi 'dra ba ste gnas ma bu pas gang zag rdzas yod du grub pa'i bdag la go dgos pa dang/de yang dbu ma pas rigs pa'i sgo nas gzhal na don gyis khas blangs par song ba'i rigs pa'i 'phul mtshon tsam yin pa las dngos su khas len la med pa dang/phyag rgya bzhi'i nang tshan gyi gang zag gi bdag med ni rtag gcig rang dbang can gyis stong pa'i bdag med la 'jog pas bdag med de nang pa sangs rgyas pa'i grub mtha' smra ba kun dang mthun par gnas ma bu pas kyang khas len pas lta ba'i sgo nas bshad na yang nang pa sangs rgyas pa yin zhes gsungs pa bcas bzhed pa mi 'dra ba gsum 'dug pa 'dir dpyad gzhi tsam du bkod pa las/kho bos ni bzhed pa gang zhig yang dag pa yin min kha tshon gcod pa'i spobs pa gang yang ma mchis so/

{{#arraymap:kun gyis bkur ba rnam pa gsum

|; |@@@ | | }}